திட்டினாலும் தித்திக்கும்

by **ayyasamy ram** Fri Jan 27, 2017 8:16 pm

“பொம்பளை சிரிச்சாப் போச்சு! புகையிலை விரிச்சா போச்சு!’
என்றொரு பழமொழி தமிழகத்தில் நாட்டுப் புறங்களில்
நிலவுகின்றது!
-
பலபேர் கூடியுள்ள இடங்களில் பலர் முன்னிலையில் பெண்கள்
வாய்விட்டுச் சிரிக்கக் கூடாது என்பது பண்டைய நம்பிக்கை!
-
கண்ணபிரானின் அரக்கு மாளிகையின் தரை பளிங்குக் கற்களால்
ஆனது. அதில் வழுக்கி விழுந்த துரியோதனனைக் கண்ட திரௌபதி
கலகலவெனச் சிரித்துவிட்டாள். தனக்கு அது அவமானம் எனத்
துரியோதனன் கருதியதால் கொண்ட வஞ்சமே, அரசசபையில் அவளைத்
துகிலுரிந்து அவமானப்படுத்தியது என்பார்கள்.
-
அதனாலேயே இப்பவும் கட்டுப் பெட்டியாக வாழும் குடும்பங்களில்
வாழும் பெண்கள் சிரிப்பு வந்தால் முந்தானையால் வாயை மூடிக்
கொள்வதைக் கிராமங்களில் காணலாம்.
-
ஆனால், பண்டைத் தமிழ் இலக்கியங்களில் பெண்கள் பார்த்தாலும்,
சிரித்தாலும், உதைத்தாலும், பாடினாலும், ஆடினாலும் எவை எவை
துளிர்த்து, அரும்பிப் பூக்கும் என்று பாடியுள்ள பாடல் ஒன்றுள்ளது.
அப்படியா சேதி! ஆச்சரியமாக இருக்கிறதே! என நம்மை வியக்க வைக்கும்
பாடல் இதோ!
-
தனிப்பாடல்
-
ஏடவிழ் மகிழ்சுவைக்க! எழில் பாலை நட்பு காட்டப்
பாடலம் நிந்திக்க! தேம்படி முல்லை நகைக்க! புன்னை
ஆட! நீள் குரா அணைக்க! அசோகம் உதைக்க! வாசந்தி
பாட! மா பார்க்க! வார் சண்பகம் நிழல்படத் துளிர்க்கும்!
-
இதன் விளக்கம்:

சுவைத்தால் மகிழமும்,
நட்பு காட்டினால் ஏழிலம் பாலையும்,
நிந்தித்தால் பாடலமும்(பாதிரியும்),
சிரித்தால் (நகைத்தால்) முல்லையும்,
ஆடினால் புன்னையும்,
அணைத்தால் குராவும்,
உதைத்தால் அசோகமும்,
பாடினால் வாசந்தியும்,
ஏறிட்டுப் பார்த்தால் மாமரமும்,
நிழல் பட்டால் சண்பகமும்,
பட்டுப் போயிருந்தாலும், துளிர்த்தும், அரும்பியும், பூத்தும்,
காய்த்தும், கனிந்து குலுங்கும் என்று பாடியுள்ளது வியப்பு
அல்லவா?

திட்டானாலும் தித்திக்கும் என்பது செந்தமிழின் சிறப்பு.
-
--------------------------------
நெல்லை ஆ.கணபதி
கலைமகள்
நன்றி-தினமலர்

by **ayyasamy ram** Fri Jan 27, 2017 8:23 pm

கனிந்து குலுங்கும் புன்னை மரம்
-
திட்டினாலும் தித்திக்கும் N3omqk1MRk23TAEOcZJQ+punni

by **T.N.Balasubramanian** Fri Jan 27, 2017 8:42 pm

அதிசயமாக இருக்கிறது .
நல்ல பகிர்வு திட்டினாலும் தித்திக்கும் 1571444738

ரமணியன்

by **ayyasamy ram** Fri Jan 27, 2017 8:45 pm

இவள் ஏறிட்டுப் பார்த்ததால பூத்துக் குலுங்குகிறதோ...!!
-
திட்டினாலும் தித்திக்கும் 0T71pd3SvQntB5EfDhmw+indianpainding(2)

-

திட்டினாலும் தித்திக்கும் JYPDQpoKR6W5s3tKZ2yj+6547630-3x2-940x627

-

திட்டினாலும் தித்திக்கும் AfnXQDF2SFGiHs3HZYV5+mangofruitedited

by **krishnaamma** Sat Jan 28, 2017 11:36 pm

இதன் விளக்கம்:

சுவைத்தால் மகிழமும்,
நட்பு காட்டினால் ஏழிலம் பாலையும்,
நிந்தித்தால் பாடலமும்(பாதிரியும்),
சிரித்தால் (நகைத்தால்) முல்லையும்,
ஆடினால் புன்னையும்,
அணைத்தால் குராவும்,
உதைத்தால் அசோகமும்,
பாடினால் வாசந்தியும்,
ஏறிட்டுப் பார்த்தால் மாமரமும்,
நிழல் பட்டால் சண்பகமும்,
பட்டுப் போயிருந்தாலும், துளிர்த்தும், அரும்பியும், பூத்தும்,
காய்த்தும், கனிந்து குலுங்கும் என்று பாடியுள்ளது வியப்பு
அல்லவா?

எனக்கு மற்றது பற்றி தெரியாது ஆனால், சாம்ராட் அசோக மன்னரின் மகள் அசோகமித்திரை உதைத்ததால், அசோகமரம் புகுத்தது என்று படித்திருக்கிறேன் புன்னகை