வல்லாரை

by தாமு Thu Nov 26, 2009 5:17 am

முளைச் சோர்வைப் போக்கி, ஞாபக சக்தியை அதிகரிப்பதில் வல்லாரைக்கு நிகரான வேறு மருந்து கிடையாது.

அதனால்தான் சித்தர்கள் வல்லாரையே சரஸ்வதி என்றே பெயரிட்டு அழைத்தார்கள்.
இந்தியாவில் மட்டுமின்றி ஆசியாவின் பல பகுதிகளிலும் வல்லாரை பன்னெடுங் காலமாக உபயோகிக்கப்பட்டு வருகிறது.

சீன மற்றும் திபெத்திய மருத்துவ முறைகளிலும் வல்லாரைக்கு தனி −டம் உண்டு.

வளரும் இடங்கள்

இந்தியா முழுவதிலும் பெரும்பாலான ஆசிய நாடுகளிலும், சீனா, திபெத், மலேசியா, இந்தோனேசியா.

வல்லாரையில் இருவகை

சமவெளி வல்லாரை - வெளிர் பச்சை நிற இலைகளுடையது.

மலைப்பகுதிகளில் வளரும் வல்லாரை

- கரும்பச்சை இலைகளுடையது. இதில் மலைப் பகுதிகளில் வளரும் வல்லாரைக்கு வீரியம் அதிகம் என்று நம்பப்படுகிறது.

மருந்தாகப் பயன்படும் பகுதிகள்
இலை, வேர், விதைகள், தண்டு என வல்லாரையின் எல்லா பகுதிகளும்.
மருத்துவ குணங்கள்
* −ரத்தத்தை சுத்தி செய்யும்
* நரம்பு தளர்ச்சியை குணமாக்கும்.
* மூளைச் சோர்வை (Mental fatique) நீக்கி சிந்திக்கும் திறனை அதிகரிக்கும்.
* நினைவாற்றலை வளர்க்கும்
* அஜீரணக் கோளாறுகளை குறைக்கும்
* கண் மங்கலை சரி செய்யும்
* சீத பேதியை நிறுத்தும்.

இது தவிர நாள்பட்ட எக்சிமா, பால்வினை நோய்கள் வெண்குஷ்டம் போன்ற பல நோய்களுக்கும் வல்லாரை அருமருந்தாக விளங்குகிறது.

பிரசவத்திற்கு பின் தாயின் உடல்நிலை தேறுவதற்கு வல்லாரை −லைகளை இடித்து சாறெடுத்து, பனங்கற்கண்டோடு சேர்த்து கொடுக்கும் வழக்கம் தென்னிந்தியாவின் பல பகுதிகளில் உள்ளது.

சில எளிய வைத்தியங்கள்

ரத்த சோகை (Anaemia)
1/2 தேக்கரண்டி வல்லாரை இலைச்சாறுடன் 1 தேக்கரண்டி தேன் கலந்து 1 மாதம் அருந்தவும்.

பார்வை மங்கல், உடற்சோர்வு, நரம்பு தளர்ச்சி, ஆண்மை குறைவு
வல்லாரை இலைகளை காயவைத்து பொடித்து வைத்துக் கொள்ளவும். தினமும் 1/4 தேக்கரண்டி சூரணத்தை தேன் அல்லது பசும்பாலோடு சேர்த்து அருந்தவும்.

ஆறாத புண்கள், எக்சிமா, சோரியாசிஸ்
வல்லாரை இலையை பசும் நெய்யோடு சேர்த்து கொதிக்க வைத்து ஆறிய பின் மேலே தடவும்.

தூக்கமின்மை

1/2 தேக்கரண்டி வல்லாரை பொடியை 1 கப் தண்ணீரில் கொதிக்க வைத்து வடிகட்டி −ரவில் படுக்கும் முன் குடிக்கவும்.

ஞாபகமறதி

5 வல்லாரை இலைகளை இடித்து சாறெடுத்து ஒரு தேக்கரண்டி தேனோடு சேர்த்து தினமும் உண்ணவும்.

-- தமிழன்.