ஐந்தாவது டெஸ்ட், சென்னை- கருண் நாயர் முச்சதம்

by **T.N.Balasubramanian** Mon Dec 19, 2016 4:50 pm

ஐந்தாவது டெஸ்ட், சென்னை- கருண் நாயர் முச்சதம்

சென்னை: இந்தியா வந்துள்ள இங்கிலாந்து அணி ஐந்து போட்டிகள் கொண்ட டெஸ்ட் தொடரில் பங்கேற்கிறது. முதல் நான்கு போட்டிகள் முடிவில், இந்திய அணி 3 - 0 என தொடரை கைப்பற்றியது. டெஸ்ட் அரங்கில் 759 ரன்கள் எடுத்து இந்திய அணி சாதனை படைத்துள்ளது.
ஐந்தாவது மற்றும் கடைசி டெஸ்ட், சென்னை சேப்பாக்கம் மைதானத்தில் நடக்கிறது. முதல் இன்னிங்சில் இங்கிலாந்து 477 ரன்கள் எடுத்தது. மூன்றாவது நாள் ஆட்ட நேர முடிவில், இந்திய அணி முதல் இன்னிங்சில் 4 விக்கெட் இழப்புக்கு 391 ரன்கள் எடுத்து, 86 ரன்கள் பின்தங்கி இருந்தது. கருண் நாயர் (71), முரளி விஜய் (17) அவுட்டாகாமல் இருந்தனர்.

* இந்தியா ரன் குவிப்பு ;
இன்று நான்காவது நாள் ஆட்டம் நடக்கிறது. சிறப்பான ஆட்டத்தை தொடர்ந்த கருண் நாயர், டெஸ்ட் அரங்கில் முதல் சதம் விளாசினார். அடுத்த சில நிமிடத்தில் முரளி விஜய் (29) அவுட்டானார். அடுத்து வந்த அஷ்வின், மொயீன் பந்தை சிக்சருக்கு அனுப்ப, இந்திய அணி முன்னிலை பெற்றது. தவிர, 500 ரன்களையும் கடந்தது. அஷ்வின் அரைசதம் அடித்தார். தேநீர் இடைவேளைக்குப் பின் கருண் நாயர் முச்சதம் அடித்து அசத்தினார். இந்நிலையில் அஷ்வின் 67 ரன்னுக்கு அவுட்டானார். ரவீந்திர ஜடேஜா, 51 ரன்களில் அவுட்டானார்.இந்திய அணி முதல் இன்னிங்சில் 7 விக்கெட்டுக்கு 759 ரன்கள் எடுத்த போது, டிக்ளேர் செய்யப்பட்டது.

நன்றி தினமலர்

ரமணியன்

by **ayyasamy ram** Mon Dec 19, 2016 5:11 pm

ஐந்தாவது டெஸ்ட், சென்னை- கருண் நாயர் முச்சதம் T6jpJeB0SliVZRkTq5wA+karun-nair455-19-1482125612

-
முச்சதம் எடுத்த சாதனையாளர் கருண் நாயருக்கு
வாழ்த்துகள்...

by **krishnaamma** Mon Dec 19, 2016 7:04 pm

அபாரம்............ மகிழ்ச்சி

by **T.N.Balasubramanian** Mon Dec 19, 2016 7:35 pm

இந்திய வீரர்களில் சேவாக் மட்டுமே இதுவரை இரண்டு முச்சதம் விளாசியுள்ளார். 319, 309 என ரன்கள் குவித்துள்ள சேவாக்கின் சாதனையை கருண் நாயர் முறியடிப்பார் என்று இருந்த நிலையில் 303 ரன்கள் குவித்திருந்தபோது இந்திய அணி டிக்ளேர் செய்தது. இதுகுறித்து கருண் நாயர் அளித்த பேட்டியில், எனது வாழ்நாளிலேயே சென்னை டெஸ்ட் போட்டி மிக சிறப்பானதாக அமைந்தது. எனது வாழ்நாளில் மீண்டும் ஒரு அதிர்ஷ்ட நாள் இன்று. நான் மிகவும் அதிர்ஷ்டசாலி. ஏனேனில் கடந்த ஜூலை மாதம் கேரளாவில் நடந்த படகு விபத்தில் நான் சிக்கிக்கொண்ட போது கேரள மக்கள் என்னை காப்பற்றினர். அவர்களுக்கு இந்த தருணத்தில் நன்றி தெரிவித்துக் கொள்கிறேன் என்றார்.

நன்றி :தட்ஸ்தமிழ்

ரமணியன்

by **Dr.S.Soundarapandian** Wed May 10, 2017 6:52 pm

by **ayyasamy ram** Wed May 10, 2017 6:58 pm

இந்திய கிரிக்கெட் வீரர் கருண் நாயர்,
தனது முச்சதத்தை குறிக்கும் வகையில்
விலையுயர்ந்த ஃபோர்டு மஸ்டாங் கார் ஒன்றினை
வாங்கியுள்ளார். அது குறித்த தகவலை காணலாம்.
-
ஐந்தாவது டெஸ்ட், சென்னை- கருண் நாயர் முச்சதம் SBegCRLnRJCM8Yd4PXAM+17-1487336907-karun-nair-buys-ford-mustang-to-mark-triple-century1