என்னுடைய ஹைக்கூ

by **M.Jagadeesan** Tue Nov 22, 2016 6:48 am

கோவில் உண்டியல்கள் நிரம்பி வழிந்தன
வேண்டுதலா ?இல்லை இல்லை
மோடியின் புண்ணியத்தால் ...

கறுப்புப் பணம்
மேலும் கறுப்பாகியது
தீயிலிட்டுப் பொசுக்கியதால் !

கப்பல் செய்யக் காகிதம் தேடிய மகனுக்குக்
கப்பல் செய்துதந்தார் அப்பா
ஆயிரம் ரூபாய் நோட்டில் !

சில முதலைகளைப் பிடிப்பதற்காக
குளத்து நீரை இறைத்தான் ஒருவன்
பாவம் !
மீன்கள் அகப்பட்டுக் கொண்டன ! முதலைகள் தப்பி விட்டன !

ATM வரிசையில் எமனும் நின்றான்
பணமெடுக்கவா ? இல்லை இல்லை ..
பணமெடுக்க வந்தவர்களின் உயிரெடுக்க !

by **T.N.Balasubramanian** Tue Nov 22, 2016 7:38 am

Jagadeesan wrote:கறுப்புப் பணம்
மேலும் கறுப்பாகியது
தீயிலிட்டுப் பொசுக்கியதால் !

ATM வரிசையில் எமனும் நின்றான்
பணமெடுக்கவா ? இல்லை இல்லை ..
பணமெடுக்க வந்தவர்களின் உயிரெடுக்க !

மிகவும் ரசிக்க வைத்தன .
எல்லாமே அருமை .

ரமணியன்

by krissrini Tue Nov 22, 2016 9:31 am

அருமை அருமை !!!!

by **T.N.Balasubramanian** Tue Nov 22, 2016 3:46 pm

ஹைக்கூ தமிழில் ,குறும்பா ,என்று அழைக்கப்படுகிறது.
தமிழில் மூன்று வரிகளில் , மரபு படி .
முதல் வரி 5 அசை
ரெண்டாம் வரி 7 அசை
மூன்றாம் வரி 5 அசை
இப்போதெல்லாம் அசையில் கவனம் கிடையாது .
எவ்வளவு சுருக்கி விளக்கமுடியுமோ, அவ்வளவு சுருக்கிவிடுகிறார்கள்.
உதாரணத்திற்கு ,

ATM வரிசையில் எமனும் நின்றான்
பணமெடுக்கவா ? இல்லை இல்லை ..
பணமெடுக்க வந்தவர்களின் உயிரெடுக்க !

இதையே ,
ATM வரிசையில் எமன்
பணமெடுக்க இல்லை
உயிரெடுக்கத்தான்

ஒரு உரத்த சிந்தனைதான்.

ரமணியன்

by **M.Jagadeesan** Tue Nov 22, 2016 4:07 pm

நீங்கள் சொல்வது சரிதான் ! ஹைக்கூ கவிதை மூன்று அல்லது நான்கு வரிகளுக்குமேல் போகக்கூடாது . அதே சமயத்தில் கடைசி வரியில் யாரும் எதிர்பார்க்காத விதத்தில் ஒரு JERK இருக்கவேண்டும் . இதுதான் ஹைக்கூவின் இலக்கணம்.

மின்கம்பங்களை
நீரூற்றி வளர்க்கின்றன
தெரு நாய்கள் !

என்ற ஹைக்கூ எனக்குப் பிடித்தமான ஹைக்கூ . இதிலே இரண்டு JERK குகள் உள்ளன . முதலாவது தெருக் கம்பங்கள் வளர்வது ; இரண்டாவது தெருநாய்கள் நீரூற்றுவது .

இதுபோன்ற ஹைக்கூக்கள் எழுதுவது மிகவும்கடினம் . கற்பனை வளமும் , நகைச்சுவை உணர்வும் மிக்கவர்களுக்கே இப்படிப்பட்ட ஹைக்கூக்கள் எழுதமுடியும்.