'யூ' டர்ன் அடித்த கியான்ட் புயல்: ஆந்திர கடற்கரையை தாக்கும்

-
விசாகப்பட்டினம்: வங்கக் கடலில் உருவாகியுள்ள கியான்ட் புயல் மேற்கு - தென்மேற்காக நகர்ந்து ஆந்திர கடற்கரையை தாக்கும் அபாயம் ஏற்பட்டுள்ளது.

கிழக்கு - மத்திய வங்கக் கடலில் உருவான கியான்ட் புயல் விசாகப்பட்டினத்துக்கு கிழக்கு - தென்கிழக்காக 620 கி.மீ. தொலைவிலும், மச்சிலிப்பட்டினத்துக்கு கிழக்கு வடகிழக்காக 830 கி.மீ. தொலைவிலும் நிலை கொண்டுள்ளது.

இந்திய வானிலை ஆய்வு மையம் இன்று வெளியிட்ட செய்திக் குறிப்பல், கியான்ட் புயல் கடந்த 6 மணி நேரத்தில் தனது பயண திசையை மாற்றி மேற்கு - தென்மேற்காக மணிக்கு 14 கி.மீ. வேகத்தில் நகர்ந்து வருகிறது.

இந்த புயல் அடுத்த 24 மணி நேரத்தில் மேலும் வலுவடைந்து மேற்கு மத்தியப் பகுதியை கடந்து வங்கக் கடலின் மேற்கு - தென்மேற்குப் பகுதியை அடுத்த 72 மணி நேரத்தில் அடையும்.

கியான்ட் புயல் சனிக்கிழமையன்று பிரகாசம் மாவட்டத்தில் கரையை கடக்கும் என்று எதிர்பார்க்கப்படுகிறது என்று தெரிவிக்கப்பட்டுள்ளது.

முன்னதாக இந்த புயல் மேற்கு வங்கம் - ஒடிசா இடையே கரையை கடக்கும் என்று எதிர்பார்க்கப்பட்டது.

இந்த புயல் காரணமாக வியாழக்கிழமை முதல் கடற்பரப்பில் காற்றின் வேகம் தீவிரமாக இருக்கும் என்றும், ஆந்திர மாநிலத்தில் மீனவர்கள் யாரும் மீன்பிடிக்க கடலுக்குச் செல்ல வேண்டாம் என்றும் அறிவுறுத்தப்பட்டுள்ளது.

தினமணி

தற்போதைய செய்தி
--------------
வங்க கடலில் உருவான ‘கியான்ட்’ புயல் தீவிரம்
அடைகிறது
-
வங்க கடலில் உருவான ‘கியான்ட்’ புயல் தீவிரம் அடைந்து
வருவதால், தமிழ்நாட்டின் வட கடலோர மாவட்டங்களில்
பலத்த மழை பெய்யக்கூடும் என்று அறிவிக்கப்பட்டு உள்ளது.
-
புயல் தீவிரம் அடைகிறது
-
வங்க கடலில் அந்தமான் அருகே சமீபத்தில் உருவான குறைந்த
காற்றழுத்த தாழ்வு மண்டலம், மியான்மர் நாட்டை நோக்கி நகர்ந்து
சென்றது.
-
பின்னர் அது புயல் சின்னமாக மாறி திடீரென்று மேற்கு நோக்கி
நகர தொடங்கியது.
-
‘கியான்ட்’ என்று பெயரிடப்பட்டுள்ள அந்த புயல், நேற்று மாலை
நிலவரப்படி ஆந்திர மாநிலம் விசாகப்பட்டினத்துக்கு தென்கிழக்கே
400 கிலோ மீட்டர் தொலைவில் மையம் கொண்டு இருந்தது.
அந்த புயல் தீவிரம் அடைந்து மேற்கு மற்றும் தென்மேற்கு திசையில்
நகர்ந்து வருகிறது.

கரையை கடக்கும்

இந்த புயல் தொடர்ந்து அதே திசையில் நகர்ந்து நாளை
(வெள்ளிக்கிழமை) அல்லது சனிக்கிழமை விசாகப்பட்டினத்துக்கும்,
சென்னைக்கும் இடையே கரையை கடக்க வாய்ப்பு இருப்பதாக
விசாகப்பட்டினத்தில் உள்ள புயல் எச்சரிக்கை மையம் அறிவித்து
உள்ளது.

புயல் கரையை நெருங்கும் போது பலவீனம் அடைந்து விடும்
வாய்ப்பு உள்ள போதிலும் மணிக்கு 65 கிலோ மீட்டர் வேகத்தில்
பலத்த காற்று வீசக்கூடும் என்றும், கரையை கடக்கும் போது
காற்றின் வேகம் மேலும் அதிகரிக்கும் என்றும் கூறி இருக்கிறது.

பலத்த மழை எச்சரிக்கை

இந்த புயலின் காரணமாக சனிக்கிழமையும், ஞாயிற்றுக்
கிழமையும் தமிழ்நாட்டின் வட கடலோர மாவட்டங்களில்
ஒரு சில இடங்களிலும், புதுச்சேரியிலும் மற்றும் தெற்கு
ஆந்திராவின் கடலோர மாவட்டங்களிலும் பலத்த மழை
பெய்யக்கூடும் என்று அறிவிக்கப்பட்டு உள்ளது.

இதேபோல் ஒடிசா மாநிலத்திலும் பலத்த மழை பெய்யும் என்று
அறிவிக்கப்பட்டு இருக்கிறது. புயல் கரையை கடக்கும் போது
பலத்த சேதம் ஏற்பட வாய்ப்பு இருப்பதாகவும் புயல் எச்சரிக்கை
மையம் கூறி உள்ளது.

சென்னை நகரை பொறுத்தமட்டில் இன்று (வியாழக்கிழமை)
வானம் மேகமூட்டத்துடன் காணப்படும் என்றும், லேசான மழை
பெய்ய வாய்ப்பு இருப்பதாகவும், நாளையும், சனிக்கிழமையும்
பிற்பகல் அல்லது மாலையில் மழை அல்லது இடியுடன் கூடிய
மழை பெய்யக்கூடும் என்றும் அறிவிக்கப்பட்டு உள்ளது.
-
---------------------------------
தினத்தந்தி

ஏதோ போதிய மழையை மட்டும் கொடுத்துவிட்டு முதலைப்புயல் தன் நடையைக் கட்டட்டும்.