நடிகர் திலகம் சிவாஜி கணேசன் பிறந்த தினம் இன்று

-
நடிப்பு திலகம்’, ‘செவாலியே’ என்று எல்லோராலும்
போற்றப்படும் ‘சிவாஜி கணேசன்’ 1927ம் ஆண்டு
இதே நாளில் தான்(அக்டோபர் 1) பிறந்தார்.
‘விழுப்புரம் சின்னையாப்பிள்ளை கணேசன்’ என்பது தான்
இவரது இயற்பெயர்.

‘சிவாஜி’ கணேசன், திரையுலகுக்கு வரும் முன்னர் மேடை
நாடகங்களில் நடித்து வந்தார். சிவாஜி கண்ட இந்து ராஜ்யம்
என்ற நாடகத்தில் பேரரசர் சிவாஜியாக நடித்த கணேசனின்
நடிப்புத்திறனை மெச்சிய தந்தை பெரியார், அவரை ‘சிவாஜி’
கணேசன் என்று அழைத்தார். அன்றிலிருந்து அந்த பெயரே
நிலைத்தது.

பராசக்தி என்ற திரைப்படத்தின் மூலம் தமிழ்த் திரையுலகில்
அறிமுகமானார். அந்த படத்தில் கருணாநிதியின் வசனத்தில்,
சிவாஜி கணேசன் கடவுள் குறித்து பேசும் காட்சி பெரும் புகழ்
பெற்றது. மனோகரா, வீரபாண்டிய கட்டபொம்மன்.இராஜராஜ
சோழன், கப்பலோட்டிய தமிழன் போன்ற தேசத்தலைவர்களின்
பாத்திரங்களில் திறம்பட நடித்தார்.

300க்கும் மேற்பட்ட தமிழ் படங்களிலும், 9 தெலுங்கு படங்களிலும்,
2 இந்தி மற்றும் ஒரு மலையாளப் படத்திலும் நடித்துள்ளார்.

நல்ல குரல்வளம், தெளிவான, உணர்ச்சி பூர்வமான தமிழ் உச்சரிப்பு,
சிறந்த நடிப்புத் திறன் ஆகியவற்றின் காரணமாக சிவாஜி கணேசன்
நடிப்புச் சக்ரவர்த்தி என்று போற்றப்படுகிறார். பாசமலர்,
வசந்த மாளிகை உள்ளிட்ட படங்கள் இவரது உணர்ச்சிப் பூர்வமான
நடிப்புக்கு பெயர் பெற்றவை.

1955 வரை திராவிட இயக்க அரசியலில் ஈடுபாடு கொண்டிருந்த
இவர், 1961 முதல், காங்கிரஸ் கட்சியில் இணைந்து செயல்பட்டார்.
1987ல் காங்கிரஸ் கட்சியுடன் ஏற்பட்ட கருத்து வேறுபாடுகளைத்
தொடர்ந்து, அதை விட்டு விலகி, தமிழக முன்னேற்ற முன்னணி
என்ற புதிய கட்சியொன்றை தொடங்கினார்.

எனினும் நடிகனாக அவருக்குக் கிடைத்த செல்வாக்கு அரசியலுக்குத்
துணைவரவில்லை. இறுதிக்காலத்தில் அவர் அரசியலிலிருந்து
ஒதுங்கியிருந்தார். கலைமாமணி, பத்ம ஸ்ரீ, பத்ம பூஷன், செவாலியர்,
தாதாசாகெப் பால்கே உள்ளிட்ட ஏராளமான விருதுகளை
சிவாஜி கணேசன் பெற்றுள்ளார்.
தனது 72வது வயதில் 2001ம் ஆண்டு ஜுலை 21ம் தேதி மறைந்தார்.
–
————————————
-புதிய தலைமுறை

தன்னம்பிக்கை>>>>( சுவாமி விவேகானந்தர்)
 சொல், செயல்,சிந்தனை  மூன்றும் ஒன்று பட்டு நிற்கின்ற சிலர்,ல  விரல் விட்டு எண்ணக்கூடிய சிலர்
போதும் உலகையே ஆட்டி வைத்து விட முடியும்.இந்த நம்பிக்கையை கைவிடாதே.
 கோழையும்  முட்டாளும்  விதி  என்பான் என்கிறது சமஸ்கிருத பழமொழி ஒன்று. ஆற்றல் மிக்கவனோ , என் விதியைநானே வகுப்பவன்  என்று கூறுவான்.முதுமையை  நெருங்குபவர்களே விதியைப்பற்றி பேசிக்கொண்டிருப்பார்கள்.
உங்களை மேன்மையானவர்கள் என்று  நினையுங்கள்,  அப்படியே ஆவீர்கள....மகத்தான ஆன்மா  நம் அனைவருக்குமே உள்ளது என்பதைநம்புவோம்.
முடியாது என்னால் இயலாது என்று மட்டும் சொல்லாதீர்கள். நீங்கள்எல்லையற்றவல்கள். காலமும் இடமும்
கூட உங்கள் இயல்புடன் ஒப்பிடும்போது ஒன்றுமே  இல்லை. நீங்கள்  எதையும் செய்ய முடியும் . எல்லாமை வல்லவர்கள் நீங்கள்.