இணையத்தில் எங்காவது படங்களை சேமிக்கிறீர்களா? எச்சரிக்கை.

by Guest Sat Sep 24, 2016 10:29 pm

இன்று செல்பீ என படங்களை எடுத்து நண்பர்களிடையே சமூகத் தளங்களில் பரிமாறுவது சாதாரணமாகி விடுகிறது. தனிப்பட்ட படுக்கை அறைக் காட்சிகளைக் கூட இணையத்தில் வெளியிடுவதில் பெண்கள் உட்பட தயக்கம் காட்டுவதில்லை. வேடிக்கையாக உற்சாகத்தின் உச்சியில், இவற்றின் பின் விளைவுகள் பற்றிக் கவலைப்படாது பதிவு செய்வதில் ஏன் இவ்வளவு மகிழ்ச்சி,தெரியவில்லை.

பின்னர் தலை மாற்றி,உடலை மாற்றி, அந்தரங்கம் பொது இடத்திற்கு வரும் போது காலம் கடந்து விடுகிறது.இந்தப் படங்களை எப்படி திருடுகிறார்கள்? மிகச் சுலபம்.

**Flickr,instagram,pinterest,முகநூல் போன்ற சமூக வலைதளங்களில் படங்களை சேமிக்கிறோம் பகிருகிறோம்.தனிப்பட்ட பக்கம்,நல்ல பாஸ்வேட் போட்டிருக்கிறேன், நண்பர்கள் உறவினர்களுடன் மட்டுமே பகிருகிறேன் என எண்ணியே பலர் பகிர்ந்து கொள்கிறார்கள்.அப்படி பகிரும் போது location ஐ தடை செய்ய மறக்காதீர்கள். படங்களின் மூலம் பல தகவல்கள் பரிமாறப்படுகின்றன.

உங்கள் டிஜிட்டல் காமரா,கைபேசியில்,திறன்பேசியில் எடுக்கப்படும் படங்கள், காணொளிகளை சுலபமாக எந்தக் காமெராவில் எடுக்கப்பட்டது,எங்கே எடுக்கப்பட்டது(GPS location ஆன் செய்யப்பட்ட) போன்ற ஏராளமான தகவல்களை metadata ஊடாக சுலபமாக தெரிந்து கொள்ள முடியும்.
பழைய பில்ம் சுருள் காமெராக்களில் இது முடியாது.

உதாரணமாக இந்தப் படம் ஏகாம்பரநாதர் ஆலயம் காஞ்சீபுரம். இணையத்தில் பார்த்த படம் இதுவாகும்.

இணையத்தில் எங்காவது படங்களை சேமிக்கிறீர்களா? எச்சரிக்கை. Sri+Ekambaranathar+Temple,+Kanchipuram,+Tamil+Nadu

இணையத்தில் எங்காவது படங்களை சேமிக்கிறீர்களா? எச்சரிக்கை. Sri+Ekambaranathar+Temple,+Kanchipuram,+Tamil+Nadu

இந்தப் படம்,Canon EOS 1000D -18 mm Lens காமெரா மூலம் பிளாஷ் இல்லாமல் 11.07.2009 ஆம் திகதி 07:28 ற்கு எடுக்கப்பட்டது.மூன்று நாட்களுக்குப் பின்னர் 11ஆம் திகதி Windows இல் உள்ள Adobe Photoshop CS2 மூலம் உருவாக்கப்பட்டது.

இணையத்தில் எங்காவது படங்களை சேமிக்கிறீர்களா? எச்சரிக்கை. Example%20Las%20Vegas

இணையத்தில் எங்காவது படங்களை சேமிக்கிறீர்களா? எச்சரிக்கை. Example%20Las%20Vegas

இந்தப்படம் அமெரிக்காவில் லஸ் வேகாசில் 30.05.2012 இல் apple iphone 4s இல் எடுக்கப்பட்டது.இதுமட்டுமல்ல இன்னும் பல தகவல்கள்.
மேலே உள்ள படம் கோயிலின் படம் என்பதால் தெரிந்து கொண்டு எதுவும் செய்ய முடியாது.அதுவே தனிப்பட்ட படம் என்றால் பல தகவல்களைப் பெற்று விடலாம்.

இணையத்தில் படம் ஒன்றைப் பகிரும் போது அல்லது சேமிக்கும் போது இந்தத் தகவல்களை நீக்கி விட்டு பகிரலாம். படத்தில் மட்டுமல்லாது பகிரும் இடங்களிலும் (முகநூல், பின்டரெஸ்ட், கூகிள் +, பிளிகர்,இன்ஸ்டகிரம் போன்ற) லொக்கேசனை தடுத்து விடலாம்.தனிப்பட்ட தகவல்களை மாற்றினாலும் தடுத்தாலும், geolocation ஐ டிசபிள் செய்தாலும் இந்தப் படங்களில் உள்ள தகவல்களை காண முடியாது.