Latest topics

ஐசிசி டெஸ்ட் கிரிக்கெட் தர வரிசை: இந்தியா முதலிடம்

ஈகரை தமிழ் களஞ்சியம் :: செய்திக் களஞ்சியம் :: விளையாட்டு செய்திகள்

Page 1 of 1

ஐசிசி டெஸ்ட் கிரிக்கெட் தர வரிசை: இந்தியா முதலிடம்

Post by ayyasamy ram Thu Aug 18, 2016 6:03 am

ஐசிசி டெஸ்ட் கிரிக்கெட் தரவரிசையில் இந்திய அணி
112 புள்ளிகளுடன் முதலிடத்தைப் பிடித்துள்ளது.

முன்னதாக, முதலிடத்தில் இருந்த ஆஸ்திரேலிய அணி,
இலங்கைக்கு எதிரான டெஸ்ட் தொடரில் 0-3 என்ற
கணக்கில் படுதோல்வி கண்டதன் காரணமாக அந்த
இடத்தை இழந்துள்ளது.

இந்தியாவைவிட ஒரு புள்ளி குறைவாக பெற்றுள்ள
பாகிஸ்தான் அணி, டெஸ்ட் தரவரிசையில் 2-ஆவது
முறையாக 2-ஆவது இடத்தைப் பிடித்துள்ளது.

இங்கிலாந்துக்கு எதிரான டெஸ்ட் தொடரை 2-2 என்ற கணக்கில்
சமனில் முடித்ததன் மூலம் தரவரிசையில் ஏற்றம் கண்டுள்ளது
பாகிஸ்தான். இலங்கையிடம் “ஒயிட் வாஷ்’ ஆன ஆஸ்திரேலியா
108 புள்ளிகளுடன் 3-ஆவது இடத்துக்கு தள்ளப்பட்டுள்ளது.

இங்கிலாந்து அணி அதே 108 புள்ளிகளுடன் 4-ஆவது இடத்திலும்,
நியூஸிலாந்து அணி 99 புள்ளிகளுடன் 5-ஆவது இடத்திலும் உள்ளன.

மேற்கிந்தியத் தீவுகளுக்கு எதிரான கடைசி டெஸ்ட் போட்டியில்
இந்திய அணி வெற்றிபெறும்பட்சத்தில், அதே 112 புள்ளிகளுடன்
முதலிடத்தை தக்கவைத்துக் கொள்ளும். அந்தப் போட்டி டிரா
ஆகும் பட்சத்தில் 110 புள்ளிகளுடன் இந்திய அணி 2-ஆவது
இடத்துக்கு தள்ளப்படும்.

இதனால், முதல் முறையாக பாகிஸ்தான் அணி முதலிடத்தைப்
பிடிக்கும். ஒருவேளை இந்திய அணி தோற்கும்பட்சத்தில்,
4-ஆவது இடத்துக்கு தள்ளப்படும்.
–
———————————————
தினமணி

ayyasamy ram: வழிநடத்துனர்; பதிவுகள் : 82707
இணைந்தது : 30/09/2013