தமிழுக்கும் அமுதென்று பேர்.

by **T.N.Balasubramanian** Wed Aug 17, 2016 8:37 pm

தமிழுக்கும் அமுதென்று பேர்.

ஒரு தொலைக்காட்சியில் , க்விஸ் நிகழ்ச்சி நடக்கிறது .
நடத்துபவர் 'ல' " ள" குழப்பம் அதில் அதிகம் உண்டு
வெள்ளம் என்பதற்கு "வெல்லம்" என்கிறார்
உங்கள் முன்னால், என்பதற்கு உங்கல் முன்னால் என்பார் .
திருத்த முடியுமா என்னால் ?
முடியாது .

ஆனால் ,
இது மாதிரி எழுத்துப் பிழைகள் ஈகரையில் வராமல் இருக்க , நம்மால் முடியும்
எழுதிய வரிகளை , முன்னோட்டத்தில் ,பாருங்கள் .
தவறு எனப் படுவதையும் ,சந்தேகப்படுவதையும் "ta.wiktionary.org " மூலம் சரி பாருங்கள் .
கணம் --கனம், இணைதல் --இனைதல்,
கணப்பொழுதில் சுத்த தமிழில் இணையலாம்

உறவுகளே , சிறிதே கவனத்துடன் ,பதிவிடுங்கள் .
இது உஙகள் ஈகரை --- ஈகரை தமிழ் களஞ்சியம் --
தமிழில் தவறுகளை களைவோம் .
கவனத்துடன் பதிவிடுங்கள் .
தவறாக நினைக்கவேண்டாம் .

ரமணியன்

by **ராஜா** Wed Aug 17, 2016 10:25 pm

by **M.Jagadeesan** Thu Aug 18, 2016 12:42 pm

காகரையும் வேளையிலே காலையிலே நானெழுந்து
ஈகரையைப் பார்த்துநான் இன்புறுவேன் - நாகரையும்
கற்கண்டு செந்தமிழால் கன்னித் தமிழ்மொழியால்
சொற்கொண்டு பாப்புனைவேன் பார் .

கருத்து : காலை வேளையிலே , காகங்கள் கரைகின்ற நேரத்தில் , துயிலெழுந்து , நான்செய்யும் முதல்வேலை ஈகரையைப் பார்ப்பதுதான் . அதனால் இன்பம் அடைகின்றேன் . மேலும் நாவிலே கரைகின்ற கற்கண்டுபோல் இனிக்கும் தமிழ்மொழியில் பாக்களையும் புனைகின்றேன் .