ரெயிலின் மேற்கூரையை உடைத்து ரிசர்வ் வங்கி பணத்தை கொள்ளையடித்த கும்பல்

by **ayyasamy ram** Tue Aug 09, 2016 9:44 pm

சென்னை:

சேலத்தில் இருந்து சென்னைக்கு வந்த எக்ஸ்பிரஸ் ரெயிலில்,
பழைய ரூபாய் நோட்டு கட்டுக்கள் பெட்டிகளில் அடைத்து
அனுப்பப்பட்டன. வங்கிகளில் பெறப்பட்ட இந்த பழைய ரூபாய்
நோட்டுக்கள் அனைத்தும் ரிசர்வ் வங்கிக்கு அனுப்பப்பட்டவை
ஆகும்.

இந்த ரெயில் இன்று சென்னை வந்து சேர்ந்ததும் பணம் வைக்கப்
பட்டிருந்த கம்பாட்மென்ட்டை திறந்தபோது அதிகாரிகள் அதிர்ச்சி
அடைந்தனர். மொத்தம் உள்ள 228 பணப்பெட்டிகளில் சில
பெட்டிகளை உடைத்து அதில் இருந்த பணம் கொள்ளையடிக்கப்
பட்டிருந்தது.

பணம் கொள்ளை போனது குறித்து ரிசர்வ் வங்கி அதிகாரிகள்
புகார் அளித்துள்ளனர். அதன் அடிப்படையில் போலீசார் வழக்குப்
பதிவு செய்து விசாரணையைத் தொடங்கி உள்ளனர்.

சென்னை வந்த பிறகே கொள்ளை நடந்திருப்பது தெரியவந்ததால்,
எந்த இடத்தில் வைத்து பணத்தை கொள்ளையடித்தார்கள் என்பது
தெரியவில்லை. தொடர்ந்து விசாரணை நடைபெறுகிறது.
சம்பவ இடத்திற்கு தடயவியல் நிபுணர்கள் வரவழைக்கப்பட்டு
தடயங்கள் சேகரிக்கப்பட்டன.
–
——————————-
மாலை மலர்

by **ayyasamy ram** Wed Aug 10, 2016 7:22 am

சேலம்:

பணம் கொள்ளை சம்பவம்: ரயில்வே அதிகாரி விளக்கம்

ஒடும் ரயிலில் பணம் கொள்ளை போன சம்பவம்
குறித்து ரயில்வே கோட்ட மேலாளர் அரிசங்கர் வர்மா
அளித்துள்ள தகவலில் கூறியிருப்பதாவது:

சேலம்-சென்னை ரயில் வழக்கமான நேரத்தை விட
10 நிமிடம் முன் கூட்டியே விருத்தாசலம் சென்றடைந்தது.
விருத்தாசலத்தில் இருந்து -சென்னைக்கு 10 நிமிடம் கால
தாமதமாக சென்றடைந்தது. மேலும் ரயிலில் 23 டன்
எடைக்கான பணம் மட்டுமே வங்கி அதிகாரிகள் செலுத்தினர்.

பெட்டிகளுக்குள் என்ன இருக்கிறது என்பதை வங்கி
அதிகாரிகள் தெரிவிக்க வில்லை . பழைய நோட்டுகள்
இருப்பதாக கூறி வங்கி அதிகாரிகள் கட்டணம் செலுத்தினர்.
ரிசர்வ் வங்கி தரப்பில் எவ்வித பாதுகாப்பும் கோரப்பட வில்லை
என அரிசங்கர் வர்மா கூறினார்.

போலீசார் வழக்கு பதிவு: இந்நிலையில் ரயிலில்
கொள்ளயைடிக்கப்பட்ட பணம் குறித்து எழும்பூர் ரயில்வே
பாதுகாப்பு படை போலீசார் வழக்கு பதிவு செய்துள்ளனர்.
ரயில்வேக்கு சொந்தமான பொருள் கொள்ளையடிக்கபட்டுள்ளதாக
வழக்கு பதிவில் தெரிவிக்கப்பட்டுள்ளது.
ரயில்வே ஐ.ஜி. பாரி தலைமையிலான போலீசார் விசாரனை
நடத்தி வருகிறார்கள்.
-
----------------------------------
தினமலர்

by ChitraGanesan Wed Aug 10, 2016 10:07 am

by Sponsored content

ரெயிலின் மேற்கூரையை உடைத்து ரிசர்வ் வங்கி பணத்தை கொள்ளையடித்த கும்பல்

ரெயிலின் மேற்கூரையை உடைத்து ரிசர்வ் வங்கி பணத்தை கொள்ளையடித்த கும்பல்

Re: ரெயிலின் மேற்கூரையை உடைத்து ரிசர்வ் வங்கி பணத்தை கொள்ளையடித்த கும்பல்

Re: ரெயிலின் மேற்கூரையை உடைத்து ரிசர்வ் வங்கி பணத்தை கொள்ளையடித்த கும்பல்

Re: ரெயிலின் மேற்கூரையை உடைத்து ரிசர்வ் வங்கி பணத்தை கொள்ளையடித்த கும்பல்