வீட்டுக் குறிப்புகள்

by **ayyasamy ram** Wed Aug 03, 2016 1:10 pm

உளுந்தம் பருப்பு வடைக்கு அரைக்கும்போது தண்ணீர் அதிகமாகிவிட்டால், கொஞ்சம் பச்சரிசி மாவைத் தூவினால் தண்ணீரை அரிசி மாவு உறிஞ்சி விடும்.
– எஸ். கார்த்திக் ஆனந்த், காளனம்பட்டி.

பெருங்காயக் கட்டியை சுலபமாக எடுக்க அதில் பச்சை மிளகாயை கீறிப் போட்டு மூடி வைக்கவும்.
– ப. ராஜலெட்சுமி, சென்னை

வெதுவெதுப்பான உப்புநீரில், சிறிதுநேரம் போட்டு வைத்து, பிறகு பயன்படுத்தினால் பனீர் துண்டுகள் மென்மையாக இருக்கும்.
– க. விசாலாட்சி, ஓசூர்.

தேங்காய் சாதம் கிளறும்போது, அதில் இரண்டு
அப்பளத்தைப் பொரித்து நொறுக்கிப் போட்டு சேர்த்துக்
கிளறினால் சாதம் பார்க்க கலர்ஃபுல்லாகவும்,
சாப்பிட சுவையாகவும் இருக்கும்.
–
– சி. விஜயலெட்சுமி, திருச்சி

by **ayyasamy ram** Wed Aug 03, 2016 1:10 pm

–

மெழுகுவர்த்தி ஏற்றுவதற்கு முன் சுமார் 3 மணி நேரம்
ஃப்ரிட்ஜ்ஜில் வைத்து எடுத்த பிறகு அந்த மெழுகுவர்த்தியை
ஏற்றி வைத்தால் உருகி பக்கவாட்டில் வழியாமல் இருக்கும்.
–
– சரஸ்வதி செந்தில், பொறையார்
–
————————————————
–

வாழைக்காய், உருளைக்கிழங்கு ஆகியவற்றை சமையலுக்குப்
பயன்படுத்தும்போது தோல் நீக்கக் கூடாது. அவற்றின்
தோல்களே அவற்றிலுள்ள வாயுவிற்கு மருந்தாக பயன்படுகிறது.
–
– செல்வ. மேகலா, தஞ்சை
–
———————————————-
–

by **ayyasamy ram** Wed Aug 03, 2016 1:11 pm

–

மட்டன் பிரியாணி செய்யும்போது, மட்டனை துண்டுகளாக
வெட்டி, சிறிதளவு எலுமிச்சைசாறு கலந்து தயிரில் அரைமணி
நேரம் ஊறவைத்தால் மட்டன் மொச்சை வாடை இல்லாமல்
இருப்பதுடன் சாஃப்டாகவும் இருக்கும்.

– சாந்தி விநாயகமூர்த்தி, சென்னை – 115
–
———————————————-

சப்பாத்தி செய்து முடித்த பின், சூடான சப்பாத்திக் கல்மீது
பூண்டுகளை வைத்து எடுத்தால் எளிதாக உரிக்கலாம்.
–
கீரை சமைக்கும்போது 1 ஸ்பூன் சர்க்கரை போட்டால் நிறம்
மாறாமல் இருக்கும்

– பிரேமா சந்தானம், பெங்களூரு
–
———————————————

மோர்க்குழம்பு செய்து இறக்கும்போது சிறிது தேங்காய்
எண்ணெய் ஊற்றி இறக்கினால் வாசனையாக இருக்கும்.
–
– எஸ். சடையப்பன், காளனம்பாட்டி
–
—————————————-
குமுதம்