ரியோ ஒலிம்பிக்கில் தாயும் மகனும்!...சுவராஸ்யத்தைக் காண காத்திருக்கும் ரசிகர்கள்

by **ayyasamy ram** Mon Jul 25, 2016 7:37 am

-
வரும் ஆகஸ்ட் 5ம் தேதி ரியோடி ஜெனிரோ நகரில் ஒலிம்பிக்
போட்டித் தொடங்குகிறது. இந்த போட்டியில் துப்பாக்கி சுடுதல்
பந்தயத்தில் ஜார்ஜியா வீராங்கனை 47 வயதான
நினோ சலுக்வாட்சே பங்கேற்கிறார். கடந்த 1988–ம் ஆண்டு
இவர் சியோலில் நடந்த ஒலிம்பிக் போட்டியில் சோவியத் யூனியன்
சார்பில் பங்கேற்று பெண்களுக்கான 25 மீட்டர் ஸ்போட்டிங்
துப்பாக்கி சுடுதலில் தங்கப்பதக்கமும், 10 மீட்டர் ஏர் பிஸ்டல்
போட்டியில் வெள்ளிப்பதக்கமும் வென்று சாதனை படைத்தவர்.
அப்போது நினோவின் வயது 19.

தற்போது சோவியத் யூனியனில் இருந்து பிரிந்த ஜார்ஜியா சார்பில்
போட்டிகளில் பங்கேற்று வருகிறார். கடந்த 2008ம் ஆண்டு பெய்ஜிங்
ஒலிம்பிக்கில் 10 மீட்டர் ஏர் பிஸ்டல் பிரிவில் வெண்கலப் பதக்கமும்
வென்றுள்ளார்.

இந்த நிலையில் ரியோ ஓலிம்பிக்கில் 8வது முறையாக நினோ
பங்கேற்கிறார். இதில் இன்னொரு அரிய நிகழ்வாக அவரது மகன்
18 வயது டிசாட்னேவும் தாயுடன் சேர்ந்து 10 மீட்டர் ஏர் பிஸ்டல்
போட்டியில் பங்கேற்கவுள்ளார்.
-
இது குறித்து கூறுகையில், ''ஒரே ஒலிம்பிக்கில் நானும் எனது மகனும்
பங்கேற்பது மிகுந்த மகிழ்ச்சியை அளிக்கிறது. எங்களால் முடிந்தளவு
திறமையை வெளிப்படுத்துவோம்.

எனது மகனின் ரசிகன் நான்'' என்றார். டிசாட்னே கூறுகையில்,
''எனது முதலாவது ஒலிம்பிக் போட்டி இது. அதுவும் எனது தாயுடன்
இணைந்து போட்டியில் பங்கேற்பது இரட்டிப்பு மகிழ்ச்சி'' என்கிறார்.
-
-----------------------------
விகடன்

by பாலாஜி Mon Jul 25, 2016 5:38 pm

வாழ்த்துக்கள் இருவருக்கும்

ரியோ ஒலிம்பிக்கில் தாயும் மகனும்!...சுவராஸ்யத்தைக் காண காத்திருக்கும் ரசிகர்கள்

ரியோ ஒலிம்பிக்கில் தாயும் மகனும்!...சுவராஸ்யத்தைக் காண காத்திருக்கும் ரசிகர்கள்

Re: ரியோ ஒலிம்பிக்கில் தாயும் மகனும்!...சுவராஸ்யத்தைக் காண காத்திருக்கும் ரசிகர்கள்