குடும்பம் மகிழ்ச்சியாக இருக்க - விஜயலட்சுமி பந்தையன்.

by **ayyasamy ram** Fri Jul 15, 2016 8:23 pm

--
உங்கள் குடும்பம் மகிழ்ச்சியாக இருக்க வழிகளை சொல்கிறார்
மனோசக்தி நிபுணர் விஜயலட்சுமி பந்தையன்.

* மற்றவர்களது உணர்வுகளை மதியுங்கள். சந்தேகத்துக்கு
குட்பை சொல்லுங்கள்

* எப்பொழுதும் மென்மையான வார்த்தைகளையே பயன்படுத்துங்கள்.
அதனால் உங்கள் முகத்தில் சுருக்கங்கள் வராமல் நீங்கள் என்றும்
இளமையாக இருப்பீர்கள்.
இந்த ரகசியத்தை வெளியில் யாரிடமும் சொல்லாதீர்கள்.
-
* கடந்த காலத்தில் நடந்த கசப்பான சம்பவங்களை பெரிய சைஸ்
ரப்பரை எடுத்து வேகவேகமாக மனதிலிருந்து அகற்றிவிடுங்கள்.
-
* உங்கள் வாழ்வில் நடந்த சந்தோஷமான நிகழ்வுகளை நினைவு
கூர்ந்து மனதில் அசை போடுங்கள். ப்ளாஷ்பேக் சாங்கை கூட நீங்கள்
உருவாக்கி கொள்ளலாம். நீங்கள் சந்தோஷமாக இருந்தால் தான்
மற்றவர்களை சந்தோஷப்படுத்த முடியும் என்று வாழ்க்கை
ரகசியத்தை புரிந்து கொள்ளுங்கள்.
-
* குடும்ப உறுப்பினர்கள் மீது கோபத்தை குறைத்து கொள்ளுங்கள்.
மிஸ்டர் சி.எம். (சிடுமூஞ்சி) மிஸ்ஸஸ் கடுகடு என்ற ரகசிய பெயர்கள்
வீட்டுக்குள்ளேயே உங்களுக்கு கிடைப்பதை போன்ற அவமானம்
வேறு எதுவும் இல்லை.
-
*உரிமை எடுத்து கொள்வது தவறல்ல. அதே சமயம் அது மற்றவரை
அடக்கி ஆள்வதாகவும் இருக்க கூடாது. மூக்கு உங்களுக்கு
இருப்பதாக எதிராளிக்கு தெரிந்தால் போதும் அதை துப்பறியும் சாம்பு
அளவுக்கு நீட்ட வேண்டாம்.
-
*அன்றாட நிகழ்வுகளை குடும்பத்தாருடன் பகிர்ந்து கொள்ளுங்கள்.
அதற்கென குறிப்பிட்ட நேரத்தை ஒதுக்கி அனைவரும் தவறாமல்
ஆஜராகுங்கள். என்ன வேண்டுமானாலும் பேசுங்கள். பேச்சு மிகவும்
முக்கியம்.

---------------------------------------------------------
நன்றி: குமுதம்

by **Dr.S.Soundarapandian** Fri Jul 15, 2016 8:35 pm

by **M.Jagadeesan** Sat Jul 16, 2016 9:59 pm

குடும்பம் மகிழ்ச்சியாக இருக்க , திருக்குறளில் முதல் 38 அதிகாரங்களை ( அறத்துப்பால் ) படித்தாலே போதுமானது .

by **ராஜா** Sun Jul 17, 2016 1:07 am

குடும்பம் மகிழ்ச்சியாக இருக்க, இது போல ஆலோசனை சொல்லுபவர்களை முதலில் ஒதுக்கி தள்ளுங்கள் நம் வாழ்க்கை நாம் தான் எதையும் முடிவெடுக்கணும் (நாம் என்பது இருவரும் சேர்ந்து தான்) . அப்புறம் பாருங்கள் இந்த ஆலோசனை சொல்லும் ஆட்களுக்கு வேலையில்லாமல் போய் விடும்

by யினியவன் Sun Jul 17, 2016 1:22 am

ஆமா நாம தான் முடிவெடுக்கணும் - அவங்க பேசுவாங்க, நாம கேட்டுக்கணும் புன்னகை

by **விமந்தனி** Sun Jul 17, 2016 10:29 pm

ராஜா wrote:குடும்பம் மகிழ்ச்சியாக இருக்க, இது போல ஆலோசனை சொல்லுபவர்களை முதலில் ஒதுக்கி தள்ளுங்கள் நம் வாழ்க்கை நாம் தான் எதையும் முடிவெடுக்கணும் (நாம் என்பது இருவரும் சேர்ந்து தான்) . அப்புறம் பாருங்கள் இந்த ஆலோசனை சொல்லும் ஆட்களுக்கு வேலையில்லாமல் போய் விடும்