தவறான வாழ்வியல் முறை காரணமாக என்னென்ன நோய்கள் வருகின்றன?

by **krishnaamma** Thu Jun 30, 2016 12:57 am

தவறான வாழ்வியல் முறை காரணமாக என்னென்ன நோய்கள் வருகின்றன?

உடல்பருமன்
வைட்டமின் டி குறைபாடு
சர்க்கரை நோய்
உயர் ரத்த அழுத்தம்
தைராய்டு கோளாறுகள்
ஹார்மோன்கள் சமச்சீரின்மை
புற்றுநோய்
செரிமானக் கோளாறுகள்
மனஅழுத்தம்
இதய நோய்கள்
நரம்பு மண்டலப் பாதிப்புகள்
முதுகுவலி, மூட்டுவலி
சருமக் கோளாறுகள்
பாலியல் பிரச்னைகள்
சுவாசப் பிரச்னைகள்
சீரற்ற மாதவிலக்கு
அதிக ரத்தப்போக்கு
ஹார்மோன் மாறுபாடு காரணமாக சருமப் பிரச்னை
குழந்தையின்மை

தீர்வு என்ன?

தொடரும்................

by **krishnaamma** Thu Jun 30, 2016 12:58 am

தீர்வு என்ன?

தனிமனித ஒழுக்கம், தனிமனித சுகாதாரம், மனநலம் மற்றும் உடல் நலனில் அக்கறை, தெளிவான பார்வை, திட்டமிடுதல், மன வலிமை, உடல் வலிமை ஆகியவற்றில் கவனம் செலுத்தி வாழ ஆரம்பித்தாலே, பாதிப் பிரச்னைகள் சரியாகிவிடும்.

தினசரி எட்டு மணி நேரம் தூக்கம் என்பதைப் பழக்கமாக்க வேண்டும்.

இதற்கு, குறிப்பிட்ட நேரத்துக்குப் படுக்கச் செல்வதைப் பழக்கப்படுத்த வேண்டும்.

காலையில், சீக்கிரம் எழுந்திருப்பதன் மூலம், உடற்பயிற்சி செய்ய போதிய நேரம் கிடைக்கிறது.

உடற்பயிற்சிக்குப் பிறகு, காலை உணவை உட்கொண்டு, சரியான நேரத்துக்கு அலுவலகத்துக்குச் செல்ல முடியும்.

துடிப்பான வாழ்க்கைமுறை மூலமாக ரத்த அழுத்தம், சர்க்கரை அளவு கட்டுக்குள் இருக்கும்.

உணவில், சிறுதானியங்கள், கீரைகள், பழங்கள், காய்கறிகள் என ஆரோக்கியமான சமச்சீரான உணவுகளை உட்கொள்ள வேண்டும்.

இதற்காக, பீட்சா உள்ளிட்ட விரும்பிய உணவை முற்றிலும் தவிர்க்க வேண்டும் என்பது இல்லை. அளவைக் குறைத்துக்கொண்டாலே போதும். இந்த ஜங்க் ஃபுட்களை எடுக்கும்போது, இன்னும் அதிக உடற்பயிற்சி செய்து கலோரியைச் செலவழிப்பதன் மூலம் பாதிப்பில் இருந்து தப்பலாம்.
தினசரி, உடற்பயிற்சியுடன் யோகா, நடைப்பயிற்சி செய்யலாம்.

உடலைத் தூய்மையாக வைத்துக்கொள்வது உட்பட நல்ல பழக்க வழக்கங்களை மேற்கொண்டால் 60-லும் ஆரோக்கியம் உண்டு.

நன்றி விகடன்

by svisweswaran Thu Jun 30, 2016 1:18 am

திருவள்ளுவப் பெருந்தகை தனது 'மருந்து' அதிகாரத்தில் 10-இல் 7 குறளில் உணவைப் பற்றிப் பேசுகிறார் என்பது கவனிக்கத் தக்கது.

by svisweswaran Thu Jun 30, 2016 1:40 am

ஒரே சொற்றோடரில் தீர்வு:
தமிழ்ச் சான்றோர்கள் சொல் வழி நடப்போம்!

by **krishnaamma** Thu Jun 30, 2016 1:53 am

svisweswaran wrote:ஒரே சொற்றோடரில் தீர்வு:
தமிழ்ச் சான்றோர்கள் சொல் வழி நடப்போம்!

மேற்கோள் செய்த பதிவு: 1213369

ஹா...ஹா...ஹா.... நீங்க தமிழ் நாட்டை விட்டுப் போய் 15 வருஷம் ஆச்சு என்று தானே சொன்னீங்க.............அது தான் இப்படி சொல்லறீய்ங்க......இப்போவெல்லாம், கீழ்படிதல், பெரியவர்களை மதித்தல், சொல்பேச்சு கேட்பது, அடக்க ஒடுக்கம், தனிமனித ஒழுக்கம் என்று எதுவுமே வழக்கத்தில் இல்லாமல் மங்கிக்கொண்டே வருகிறது இங்கு சோகம்

by svisweswaran Thu Jun 30, 2016 5:01 am

அன்புச் சகோதரரே /சகோதரியாரே !

தனி மனிதர்களே குடும்பங்களாகின்றனர்; குடும்பங்களே சமூகங்களாகின்றன; சமூகங்களே சமுதாயங்களாகின்றன; சமுதாயங்களே நாடாகிறது. எனில் பெற்றோர்களும் ஆசிரியர்களுமே பொறுப்பேற்க வேண்டும் இன்றைய மக்களின் சிந்தனைகளுக்கு. இது எமது தாழ்மையான கருத்து. நன்றி தங்களின் இடுகைக்கு. வாழ்க வளமுடனே தொடர்ந்து.....

by **ayyasamy ram** Thu Jun 30, 2016 5:11 am

by **krishnaamma** Thu Jun 30, 2016 10:20 am

svisweswaran wrote:அன்புச் சகோதரரே /சகோதரியாரே !

தனி மனிதர்களே குடும்பங்களாகின்றனர்; குடும்பங்களே சமூகங்களாகின்றன; சமூகங்களே சமுதாயங்களாகின்றன; சமுதாயங்களே நாடாகிறது. எனில் பெற்றோர்களும் ஆசிரியர்களுமே பொறுப்பேற்க வேண்டும் இன்றைய மக்களின் சிந்தனைகளுக்கு. இது எமது தாழ்மையான கருத்து. நன்றி தங்களின் இடுகைக்கு. வாழ்க வளமுடனே தொடர்ந்து.....

மேற்கோள் செய்த பதிவு: 1213373

ம்ம்... நீங்க சொல்வது வாஸ்த்தவம் தான், உணர்ந்து நடந்தால் எல்லோருக்கும் நல்லது புன்னகை