நுங்கம்பாக்கம் படுகொலை: பரபரப்பு நிமிடங்கள்!

by **krishnaamma** Fri Jun 24, 2016 4:33 pm

சென்னையை இன்று காலை உலுக்கியது நுங்கம்பாக்கம் ரயில் நிலையத்தில் நடந்த இளம் பெண் படுகொலை. செங்கல்பட்டில் இன்ஃபோஸிஸ் நிறுவனத்தில் பணியாற்றி வரும் 25 வயதான சுவாதி என்ற இளம் பெண் அடையாளம் தெரியாத நபரால் குத்தி கொலை செய்யப்பட்டார்.

சென்னை சூளைமேட்டில் வசித்து வரும் சுவாதியை வேலைக்கு செல்ல காலை 7:30 மணியளவில் அவரது தந்தை சந்தான கோபாலகிருஷ்ணன் நுங்கம்பாக்கம் ரயில் நிலையத்தில் பைக்கில் இறக்கி விட்டு சென்றார்.

சந்தான கோபாலகிருஷ்ணன் இறக்கிவிட்டு சென்ற சில நிமிடங்களிலேயே சுவாதி கொலை செய்யப்பட்டார். பச்சை நிற டி-ஷர்ட்டும், கருப்பு நிற பேண்டும் அணிந்து வந்த அந்த அடையாளம் தெரியாத நபர் தான் கொண்டு வந்த பேக்கில் இருந்து கத்தியை எடுத்து சுவாதியின் கழுத்தில் குத்தி கொலை செய்துள்ளான்.

ஆள் நடமாட்டம் உள்ள, நெரிசல் மிகுந்த முக்கியமான ஒரு ரயில் நிலையத்தில் இளம்பெண்ணை கொலை செய்துவிட்டு சில மணித் துளிகளிலேயே தப்பியோடியுள்ளான். ரயில் நிலையத்தில் யாருமே கொலை செய்தவனை தடுக்கவில்லை, தாக்கி பிடிக்கவில்லை.

என்ன நடந்தது என உணர்வதற்குள்ளேயே அவன் தப்பித்து ஓடிவிட்டான் என கூறுகின்றனர் சம்பவத்தை நேரில் பார்த்தவர்கள். 7.30 மணிக்கு படுகொலை நடந்தும் 8.30 மணி வரையிலும் சுவாதியின் உடல் ரயில் நிலையத்திலேயே இருந்துள்ளது.

காவல் துறையினர் உடலை பிரேத பரிசோதனைக்கு அனுப்பியதிலும் மெத்தனம் காட்டியதாக கூறப்படுகிறது. காலையில் தந்தை ரயில் நிலையத்தில் பைக்கில் இறக்கி விட்ட சில நிமிடங்களிலேயே இந்த அசம்பாவிதம் நடந்துள்ளது அவரை அதிர்ச்சியடைய வைத்துள்ளது. ரயில் நிலையத்தில் அவரது தந்தை கதறி அழுத காட்சி ரயில் பயணிகளிடம் அழுகையையே வரவைத்தது.

இதனையடுத்து சுவாதியின் உடலை பிரேத பரிசோதனைக்கு அனுப்பி வைத்த காவல் துறையினர் சுவாதியின் பேக்கையும், அவரது கைப்பேசியையும் கைப்பற்றிய காவல் துறையினர் சுவாதி கடைசியாக பேசிய அவரது ஆண் நண்பரை வரவழைத்து அவரிடமும் விசாரணை நடத்தி வருகின்றனர்.

வெப்துனியா

by **krishnaamma** Fri Jun 24, 2016 4:34 pm

by **T.N.Balasubramanian** Fri Jun 24, 2016 5:04 pm

கலிகாலம் .
முள்ளில் துணிப்பட்டாலும் ,
துணியில் முள் பட்டாலும்
துணிக்குத்தான் நஷ்டம் .

மென்மையான துணி போன்றவர்கள் பெண்கள் ..
பார்க்கவே கஷ்டமாக இருக்கிறது .

ரமணியன்

by பாலாஜி Fri Jun 24, 2016 5:06 pm

ஆழந்த இரங்கல்கள்

by **M.Jagadeesan** Fri Jun 24, 2016 5:53 pm

காதல் விவகாரமாகத்தான் இருக்கும். பெண்கள் காதலுக்குச் சம்மதிக்காவிட்டால் , முகத்தில் திராவகம் ஊற்றுவது, கத்தியால் கொலை செய்வது போன்ற சம்பவங்கள் அதிகரித்து வருகின்றன.சமூக விரோதிகளை இரும்புக்கரம் கொண்டு அடக்கவேண்டும் .

by **krishnaamma** Fri Jun 24, 2016 5:55 pm

T.N.Balasubramanian wrote:கலிகாலம் .
முள்ளில் துணிப்பட்டாலும் ,
துணியில் முள் பட்டாலும்
துணிக்குத்தான் நஷ்டம் .

மென்மையான துணி போன்றவர்கள் பெண்கள் ..
பார்க்கவே கஷ்டமாக இருக்கிறது .

ரமணியன்

மேற்கோள் செய்த பதிவு: 1212461

ஆமாம் ஐயா, என்ன பிரச்சனையோ, பாவம் அந்த பெண்...எதனாலும் சாவோ, கொலையோ தீர்வு இல்லை சோகம்

by **krishnaamma** Fri Jun 24, 2016 5:57 pm

M.Jagadeesan wrote:காதல் விவகாரமாகத்தான் இருக்கும். பெண்கள் காதலுக்குச் சம்மதிக்காவிட்டால் , முகத்தில் திராவகம் ஊற்றுவது, கத்தியால் கொலை செய்வது போன்ற சம்பவங்கள் அதிகரித்து வருகின்றன.சமூக விரோதிகளை இரும்புக்கரம் கொண்டு அடக்கவேண்டும் .

மேற்கோள் செய்த பதிவு: 1212468

ம்ம்... எங்களுக்கும் அப்படித்தான் தோன்றுகிறது ஐயா ! சோகம்

by சிவனாசான் Fri Jun 24, 2016 8:27 pm

சீர்திருத்த (சமூக) திருமணம் ஜாதி மாற்று திருமணம் என சினிமா கற்பனை கதைகளால் ஏற்படும் விபரீதங்கள் என்றால் மிகையாகாது. மனம் ஒன்றினால்தானே. இட ஒதுக்கீடு என்பதில் மட்டுமேன் சாதி எல்லோரும் ஆண் பெண் என இருஜாதிதான் என அரசு கடைபிடிக்குமா? அதில் மட்டும் அட்டவணை ஏன்? இதற்கெல்லாம் அரசே முழு காரணம். ஜாதிகள் இல்லையடி பாப்பா என்றார் யார் அதை ஏற்கின்றனர் காதலுக்கு மட்டும் என்றால் காத்து வளர்த்த பெற்றோர் விடுவரா>?

by **T.N.Balasubramanian** Fri Jun 24, 2016 9:34 pm

பாவம் ,முகத்தைப் பாருங்க !
களங்கமில்லா முகம் .

ரமணியன்

by **krishnaamma** Fri Jun 24, 2016 10:21 pm

P.S.T.Rajan wrote:சீர்திருத்த (சமூக) திருமணம் ஜாதி மாற்று திருமணம் என சினிமா கற்பனை கதைகளால் ஏற்படும் விபரீதங்கள் என்றால் மிகையாகாது. மனம் ஒன்றினால்தானே. இட ஒதுக்கீடு என்பதில் மட்டுமேன் சாதி எல்லோரும் ஆண் பெண் என இருஜாதிதான் என அரசு கடைபிடிக்குமா? அதில் மட்டும் அட்டவணை ஏன்? இதற்கெல்லாம் அரசே முழு காரணம். ஜாதிகள் இல்லையடி பாப்பா என்றார் யார் அதை ஏற்கின்றனர் காதலுக்கு மட்டும் என்றால் காத்து வளர்த்த பெற்றோர் விடுவரா>?

மேற்கோள் செய்த பதிவு: 1212485

ம்ம்,, நீங்கள் சொல்வது சரிதான் ...........இந்த பாழாய் போன காதல் தான் இதுக்கெல்லாம் அதிக அளவில் காரணம்........ சோகம்