ரகுராம் ராஜனுக்குப் பிறகு ரிசர்வ் வங்கியின் அடுத்த ஆளுநர் யார்..?

by **ayyasamy ram** Sun Jun 19, 2016 6:07 pm

ரிசர்வ் வங்கி ஆளுநராக கடந்த 2013-ஆம் ஆண்டு பொறுப்பேற்ற ரகுராம் ராஜனின் பதவிக்காலம், வரும் செப்டம்பர் 4-ஆம் தேதியுடன் நிறைவு பெறுகிறது.

இந்தச் சூழலில், ரகுராம் ராஜனுக்கு ரிசர்வ் வங்கி ஆளுநராக இரண்டாவது முறை வாய்ப்பு வழங்கக் கூடாது என்று பாஜக மூத்த தலைவரும், மாநிலங்களவை எம்.பியுமான சுப்பிரமணியன் சுவாமி அண்மைக்காலமாக வலியுறுத்தி வந்தார். மேலும், இதுதொடர்பாக பிரதமர் நரேந்திர மோடிக்கும் அவர் கடிதம் எழுதினார்.

இந்நிலையில், இந்த விவகாரம் தொடர்பான ஊகங்களுக்கு ரகுராம் ராஜன் முற்றுப்புள்ளி வைத்திருக்கிறார். தனது பதவிக்காலம் குறித்து ரிசர்வ் வங்கியின் சக பணியாளர்களுக்கு அவர் சனிக்கிழமை கடிதம் ஒன்றை அனுப்பினார்.

அந்தக் கடிதத்தில் ரிசர்வ் வங்கி ஆளுநருக்கான பதவி நீட்டிப்பை தனக்கு வழங்க வேண்டாம் என்றும், சிகாகோ பல்கலைக்கழகத்தில் பேராசிரியர் பணிக்கே திரும்புகிறேன் என்றும் ரகுராம் ராஜன் தெரிவித்துள்ளார்.

இதனையடுத்து, ரிசர்வ் வங்கி ஆளுநராக அடுத்து யார் வருவார் என்ற கேள்வி எழுந்துள்ளது. இந்த பதவிக்கான பரிசீலனையில் பலரது பெயர்கள் உள்ளதாக கூறப்படுகிறது.

அவர்களில், ரிசர்வ் வ்ங்கியின் நான்கு துணை ஆளுநர்களில் ஒருவராக இருக்கும் உர்ஜித் படேல், ஸ்டேட் வங்கியின் தலைவர் அருந்ததி பட்டாச்சார்யா ரிசர்வ் வங்கியில் புணிபுரிந்த ராகேஷ் மோகன், ரிசர்வ் வங்கியின் முன்னாள் துணை கவர்னர் சுபிர் கோகர்ன்,

தேசிய பங்குச்சந்தையின் தலைவர் அசோக் சாவ்லா, பொருளாதார நிபுணர் விஜய் கெல்கர். ஆகியோரது பெயர்கள் பரிசீலனையில் உள்ளன.

-
தினமணி

by சிவனாசான் Tue Jun 21, 2016 6:32 am

சு.சாமி அவர்கள் யாரை நியமிக்கனும்னு கருதுராரோ தெரியல>>>>>>>>

by **M.Jagadeesan** Tue Jun 21, 2016 6:39 am

ரகுராம் ராஜனுக்கு வேட்டு வைத்தவர் சு . சாமி . அடுத்து கெஜ்ரிவாலுக்கு என்று பகிரங்கமாகப் பேசுகிறார் . இவரை பா .ஜ .க . தலைமை கண்டிக்காதது ஏன் ? இல்லை ; பா .ஜ . க .வே இவரைத் தூண்டி விடுகிறதா ?