புறக்கணிப்பு: – கோ. மன்றவாணன்

by **ayyasamy ram** Mon Jun 13, 2016 8:25 pm

தாமதமாக வரும் தொடர்வண்டிக்காகக்
காத்துக் கிடக்கிறது
ஒரு கூட்டம்
–
குறுந்தேவதை போல்
குழந்தை ஒன்று
மடிதாவி மடிதாவிச் செல்கிறது
மடிதோறும்
–
அங்கு
உயிர்கொண்டு
உலா வந்தது
கொஞ்சல் இலக்கியம்
–
அருகே….
துவைத்தால் கிழிந்துவிடும்
அழுக்குடையோடு
இரு பெண்குழந்தைகள்
–
அந்த முகங்களில்
பாரத மாதாவின்
பரிதாபக் கோலம்
–
அந்தக் குழந்தைகளைப்
பார்ப்பதே தீட்டு என
குறுக்குச் சந்துக்குள் நுழைந்து ஓடின
அங்கிருந்த
அத்தனை விழிகளும்
–
—————————–