என்.எஸ்.ஜி-யில் இந்தியா சேருவதில் சிக்கல் : வியன்னா மாநாட்டில் விவாதிக்கவில்லை என சீனா தகவல்

by **ayyasamy ram** Mon Jun 13, 2016 3:22 pm

-
அணுசக்தி விநியோக நாடுகள் குழுவில் இந்தியாவை சேர்ப்பது குறித்து
வியன்னா மாநாட்டில் எவ்வித விவாதமும் நடைபெறவில்லை என சீனா
தெரிவித்துள்ளது.
-
48 நாடுகள் உறுப்பினர்களாக உள்ள அணுசக்தி விநியோக நாடுகள் குழுவில்
இணைவதற்கு இந்தியா தொடர் முயற்சிகள் மேற்கொண்டு வருகிறது.
அண்மையில் 5 நாடுகளில் சுற்றுப்பயணம் மேற்கொண்ட பிரதமர் மோடியிடம்,
அமெரிக்க அதிபர் ஒபாமா உள்ளிட்ட தலைவர்கள் இதற்கு ஆதரவி தெரிவித்தனர்.
ஆனால் சீனா உள்ளிட்ட 5 நாடுகள் தொடர்ந்து எதிர்ப்பு தெரிவித்து வருகின்றன.
-
கடந்த வாரம் வியன்னாவில் நடைபெற்ற அணுசக்தி விநியோக நாடுகள் குழுவின்
கூட்டத்தில் இந்தியாவின் கோரிக்கை குறித்து பரிசீலிக்கப்பட்டதாக தகவல்
வெளியானது. ஆனால் வியன்னா கூட்டத்தில் இந்தியாவின் கோரிக்கை குறித்து
விவாதம் ஏதும் நடத்தப்படவில்லை என சீனா தெரிவித்துள்ளது.
-
தென்னாப்பிரிக்காவின் சியோல் நகரில் நடைபெற உள்ள மாநாட்டில் தாக்கல்
செய்யப்பட உள்ள அறிக்கைகள் குறித்து மட்டுமே கூட்டத்தில் ஆலோசிக்கப்பட்டதாக
சீனா கூறியுள்ளது. அணுஆயுத பரவல் தடை குறித்த ஒப்பந்தத்தில் கையெழுத்திட்ட
நாடுகள் மட்டுமே என்.எஸ்.ஜி-யில் உறுப்பினராக முடியும் என்பதை சுட்டிக்காட்டியுள்ள
சீனா, அதனை மீறி இந்தியாவை சேர்த்தால் அது புதிய முன்னுதாரணமாக மாறிவிடும்
என குறிப்பிட்டுள்ளது.
-
அவ்வாறு இந்தியா சேர்க்கப்பட்டால் இதே போல கோரிக்கை விடுத்துள்ள
பாகிஸ்தான் உள்ளிட்ட நாடுகளையும் சேர்க்க வேண்டிய நிலை ஏற்படும் என
கூறியுள்ளது. எனவே இந்தியாவின் கோரிக்கை குறித்து விரிவான விவாதம்
நடத்த வேண்டியது அவசியம் என சீனா கூறியுள்ளது.
-
இந்த அறிவிப்பின் மூலம் அணுசக்தி விநியோக நாடுகள் குழுவில் இந்தியா
இடம்பெறுவதை சீனா தனது எதிர்ப்பை மீண்டும் ஒருமுறை அழுத்தமாக கூறியுள்ளது.
தென்ஆப்ரிக்கா, துருக்கி, நியூசிலாந்து, ஆஸ்திரேலியா உள்ளிட்ட நாடுகளும்
சீனாவின் நிலைப்பாட்டை ஆதரிப்பதால் என்.எஸ்.ஜி-யில் உறுப்பினராக இந்தியா
சேருவதில் சிக்கல் நீடிக்கிறது.
-
--------------------
தினகரன்