ஆண்களைச் சாடும் முன்

by **M.Jagadeesan** Sun Jun 12, 2016 4:02 pm

ஆண்களைச் சாடும் பெண்கவிகளே !
அவசர கோலத்தில் வார்த்தைகளை
அள்ளித் தெளிக்காதீர்கள் !

தான் வாழ நினைக்காது , தமிழ் வாழ நினைத்ததால்
அரிதின் பெற்ற நெல்லிக்கனியை
ஔவைக்கு ஈந்து அகமகிழ்ந்தான் அதியமான் !

அவளுக்குக்
கோப்பையிலே கள்ளை ஊற்றிக் கொடுத்தான் - தட்டிலே
எலும்புத் துண்டுகளை எடுத்து வைத்தான் !
நாற்றமெடுத்த அவள் தலையைத் தடவிக் கொடுத்தான் !

ஒரு மன்னன் செய்கின்ற வேலையா இது ?
இல்லை ! இல்லை !
தமிழ்க்காதல் அல்லவா அவ்வாறு செய்ய வைத்தது !

பெரியாழ்வார் என்னும் பெரும்புலவன் இல்லையேல்
ஆண்டாள் என்னும் அருட்கவி பிறந்திருக்குமா ?

ஒவ்வொரு ஆணின் வெற்றிக்குப் பின்னே
ஒரு பெண் இருக்கிறாளாம் !
ஒவ்வொரு பெண்ணின் வெற்றிக்குப் பின்னாலும்
ஒரு ஆண் இருக்கிறான் என்பதை மறந்துவிட்ட உலகம் !

ஈன்று புறந்தருதல் மட்டுமே
பெண்ணின் கடமை என்றார்
பொன்முடியார் என்னும் பெண்பாற் புலவர் .

ஆனால் இன்றோ
கரண்டி பிடிக்கவேண்டிய கைகள்
கணினியில் நர்த்தனம் ஆடுகின்றன !

ஆதலால் பெண்களே !
ஆண்களைச் சாடும் முன்
ஆயிரம் முறை யோசியுங்கள் !

Hari Prasath · by Hari Prasath Sun Jun 12, 2016 8:23 pm

அருமை ஐயா.......

by **T.N.Balasubramanian** Sun Jun 12, 2016 8:50 pm

சாடுதல் அவரவர் உரிமை
எதிர்வாதம் நயம்பட எடுத்தே உரைப்போம் .
இருப்பினும் கவிதையோ கட்டுரையோ
உட்கருத்தை ரசிப்போம் .

ரமணியன்

by **T.N.Balasubramanian** Sun Jun 12, 2016 8:55 pm

அருமையான வேகமிகு கவிதை , ஜெகதீசன் அவர்களே .
ரசித்தேன் .

ஆண்கள் செய்யும் பல நற்காரியங்கள் , அதை அவர்கள் கடமையென அவர்களே கருதி ,
அதிகம் தம்பட்டம் அடித்துக் கொள்வதில்லை .
ரமணியன்

by **krishnaamma** Mon Jun 13, 2016 1:40 am

ஆனால் இன்றோ
கரண்டி பிடிக்கவேண்டிய கைகள்
கணினியில் நர்த்தனம் ஆடுகின்றன !

ஆதலால் பெண்களே !
ஆண்களைச் சாடும் முன்
ஆயிரம் முறை யோசியுங்கள் !

சாந்தி, சாந்தி, சாந்தி ஐயா புன்னகை