நடிகை பிரியாமணிக்கு காதலனுடன் நிச்சயதார்த்தம்

by **ayyasamy ram** Mon May 30, 2016 7:05 am

-
நடிகை பிரியா மணிக்கு (31) அவரது நீண்ட கால காதலன்
முஸ்தபா ராஜுடன் பெங்களூரில் நிச்சயதார்த்தம் நடைபெற்றுள்ளது.
–
இதுகுறித்து நடிகை பிரியா மணி இன்று தனது டுவிட்டரில் வெளியிட்ட
பதிவில், “எனக்கும் முஸ்தபா ராஜுக்கும் குடும்பத்தினர் முன்னிலையில்
கடந்த வெள்ளிக்கிழமை (மே.27) பெங்களூரு, பனசங்கரியில் உள்ள
வீட்டில் நிச்சயதார்த்தம் நடந்து முடிந்தது’ என்று குறிப்பிட்டுள்ளார்.
–
இதில் இரு குடும்பத்தினர், நெருங்கிய நண்பர்கள் மட்டும் கலந்து
கொண்டுள்ளனர்.
–
‘கண்களால் கைதுசெய்’ தமிழ் படத்தின் மூலம் திரையுலகில் கால்
பதித்தவர் நடிகை பிரியாமணி, தமிழ், கன்னடம், மலையாளம், தெலுங்கு,
ஹிந்தி உள்ளிட்ட மொழிகளில் 50க்கும் மேற்பட்ட திரைப்படங்களில்
நடித்துள்ளார்.
–
“பருத்தி வீரன்’ என்ற படத்தில் நடித்ததற்காக சிறந்த நடிகைக்கான
தேசிய விருதையும் இவர் பெற்றுள்ளார்.
–
திருமண நிச்சயம் செய்துகொண்டுள்ள பிரியாமணிக்கு நடிகைகள்
ஜெனிலியா தேஷ்முக், லட்சுமிமஞ்சு உள்ளிட்டோர் டுவிட்டரில் வாழ்த்து
தெரிவித்துள்ளனர்.
–
———————————–
தினமணி