இன்றுடன் விடைபெறுகிறது கத்திரி வெயில்:

by **ayyasamy ram** Sat May 28, 2016 8:23 am

தமிழகத்தில் கத்திரிவெயில் சனிக்கிழமையுடன் நிறைவடைகிறது.
அதேநேரத்தில், வெப்பச் சலனத்தின் காரணமாக தமிழகத்தில்
கோடை மழைக்கு வாய்ப்புள்ளதாக வானிலை ஆய்வு மையம்
தெரிவித்துள்ளது.

கத்திரி வெயில் நிறைவு: தமிழகத்தில் அக்னி நட்சத்திரம் என்று
அழைக்கப்படும் கத்திரி வெயில் கடந்த 4-ஆம் தேதி தொடங்கியது.
ஆனால், கத்திரி வெயிலுக்கு முன்பே வெப்பத்தின் தாக்கம் அதிகரித்து
காணப்பட்டது.

பகல் நேரங்களில் அனல் காற்றும், இரவு நேரங்களில் புழுக்கத்தின்
காரணமாகவும் பொதுமக்கள் பாதிப்பு உள்ளாகினர்.

வங்கக் கடலில் உருவான குறைந்த காற்றழுத்தத் தாழ்வு மண்டலம்
காரணமாக தமிழகம் முழுவதும் கனமழை பெய்தது. இதனால்,
வெப்பத்தின் தாக்கம் சற்று குறைந்தது. காற்றழுத்தத் தாழ்வு மண்டலம்
ஆந்திரத்தை நோக்கி நகர்ந்ததும், தமிழகத்தில் வெப்பம் மீண்டும்
அதிகரிக்கத் தொடங்கியது.

இந்நிலையில் கத்திரி வெயில் காலம் சனிக்கிழமையுடன் (மே 28)
நிறைவுபெறுகிறது. இருப்பினும் வெப்பத்தின் தாக்கம் அடுத்த ஒரு சில
நாள்களுக்கு நீடிக்க வாய்ப்புள்ளது.

மழை நிலவரம்: வெப்பச்சலனத்தின் காரணமாக ஒரு சில இடங்களில்
மழை பெய்துள்ளது. தமிழகத்தில் வெள்ளிக்கிழமை காலை நிலவரப்படி
விருதுநகர் மாவட்டம் சாத்தூரில் 50 மி.மீ., சிவகங்கை மாவட்டம்
மானாமதுரை, திருப்புவனத்தில் 20 மி.மீ., ஈரோட்டில் 10 மி.மீ., மழை
பதிவாகியுள்ளது.

இது தொடர்பாக வானிலை ஆய்வு மைய இயக்குநர் பாலச்சந்திரன்
கூறியது:

வெப்பச் சலனத்தின் காரணமாக தமிழகத்தில் பரவலாக கோடை
மழை பெய்ய வாய்ப்புள்ளது. சென்னையைப் பொருத்தவரை மாலை
அல்லது இரவு நேரங்களில் மழை பெய்ய வாய்ப்புள்ளது. இருப்பினும்
வெப்பத்தின் தாக்கம் அடுத்த சில நாள்களுக்கு அதிகரிக்க வாய்ப்புள்ளது
என்றார் அவர்.

10 இடங்களில் சதம்: வெள்ளிக்கிழமை மாலை நிலவரப்படி தமிழகத்தில்
10 இடங்களில் 100 டிகிரி ஃபாரன்ஹீட்டுக்கும் அதிகமான வெப்பம்
பதிவாகியுள்ளது. அதிகபட்சமாக மதுரை, கரூர் பரமத்திவேலூரில்
104 டிகிரி வெப்பம் பதிவானது.
–
வெப்ப நிலவரம் (ஃபாரன்ஹீட்டில்):
–
மதுரை, கரூர் பரமத்திவேலூர் – 104
வேலூர் – 103
திருச்சி, பாளையங்கோட்டை – 102
சென்னை, திருப்பத்தூர் – 101
பரங்கிப்பேட்டை, கடலூர், நாகப்பட்டினம் – 100
தருமபுரி, சேலம், காரைக்கால் – 99
–
தினமணி

by **விமந்தனி** Sat May 28, 2016 10:45 pm

ஹும்... வெயில் தான் தாங்கலை............ படிப்படியா குறைஞ்சா சரி.

by **krishnaamma** Sat May 28, 2016 10:57 pm

மழையும் மிக அதிகமாய் இருக்கும் என்று போட்டிருக்காங்களே விமந்தனி.................. சோகம்

by **விமந்தனி** Sat May 28, 2016 11:08 pm

ஆமாம், அதுவும் இப்பவே வயத்தை கலக்கிக்கொண்டுத்தான் இருக்கிறது. சோகம்

by **krishnaamma** Sat May 28, 2016 11:41 pm

விமந்தனி wrote:ஆமாம், அதுவும் இப்பவே வயத்தை கலக்கிக்கொண்டுத்தான் இருக்கிறது.

மேற்கோள் செய்த பதிவு: 1208997

என்னவோ போங்கோ, "காஞ்சாலும், இப்படிக் காய்கிறது, மழை பெய்ந்தாலும் அப்படி பெய்கிறது" இந்த வருடம் சோகம்

by சிவனாசான் Sun May 29, 2016 5:50 am

எவ்வளவு வெய்யலையும் ( சுட்டெரிக்கும் ) தாங்கிக்கொண்டு போகும் மக்கள் மழைக்கு மட்டும் ஒதுங்கி நிர்கிறார்களே>>>

by **ayyasamy ram** Sun May 29, 2016 8:49 am

P.S.T.Rajan wrote:எவ்வளவு வெய்யலையும் ( சுட்டெரிக்கும் ) தாங்கிக்கொண்டு போகும் மக்கள் மழைக்கு மட்டும் ஒதுங்கி நிர்கிறார்களே>>>

மேற்கோள் செய்த பதிவு: 1209036
-
சுத்தமான நீர் மேலே பட்டால்
உடனே உடம்புக்கு ஏதாவது வந்து விடுமே
என்றுதான்...!!
-

by **krishnaamma** Sun May 29, 2016 10:12 am

P.S.T.Rajan wrote:எவ்வளவு வெய்யலையும் ( சுட்டெரிக்கும் ) தாங்கிக்கொண்டு போகும் மக்கள் மழைக்கு மட்டும் ஒதுங்கி நிர்கிறார்களே>>>

நிஜம் தான் ராஜன் அண்ணா , எங்க பாட்டி சொல்வா,

" மனிதர்களுக்கு எத்தனை கஷ்டம் வந்தாலும் தாங்கிப்பா ஆனால் நல்லது கொஞ்சம் அதிகமா வந்துட்டா கூட அவங்களால் தாங்க முடியாது "

என்று...........அதனால் தான் நீங்க சொல்வது போல வெயிலை எதர் கொள்ளும் மக்களால் மழையை எதிர் கொள்ள முடியலை ஜாலி

by **krishnaamma** Sun May 29, 2016 10:13 am

ayyasamy ram wrote:
P.S.T.Rajan wrote:எவ்வளவு வெய்யலையும் ( சுட்டெரிக்கும் ) தாங்கிக்கொண்டு போகும் மக்கள் மழைக்கு மட்டும் ஒதுங்கி நிர்கிறார்களே>>>
மேற்கோள் செய்த பதிவு: 1209036
-
சுத்தமான நீர் மேலே பட்டால்
உடனே உடம்புக்கு ஏதாவது வந்து விடுமே
என்றுதான்...!!
-

மேற்கோள் செய்த பதிவு: 1209054

ஹா...ஹா...ஹா... அதுசரி, எல்லாவற்றிலும் கலப்படமே என்று வாழும் நமக்கு, சுத்தமான மழை நீர் ஒத்துக்காது தான் அண்ணா புன்னகை