தட்டி விட்டு எழுவதா இல்லை தத்தளித்து விழுவதா ....?

என் வலிகளை
கேட்கிறீர்கள்
நானோ மறதியில்
வாழ்கிறேன்

கடந்தவைகள் எல்லாம்
அவளுடன்
நடந்தவைகளாய்
இருக்கிறது

அவளுக்காக நான் தந்த
முத்தங்கள்
எல்லாம்
உடைந்து கிடக்கிறது
அந்த கைபேசியில்

வெகு தூரம் சென்றவள்
வழித் துணைக்கு
என் மகிழ்ச்சிகளையும்
அழைத்து சென்று விட்டாள்

வலிகளை சுகமாக்கும்
ரசாயனங்களை
தயாரித்துக் கொண்டிருக்கிறேன்
ஆராய்சிகள் அனைத்தும்
தோல்வியில் தான் முடிகிறது

எங்கோ நீ சுகமாய்
இருக்கிறாய்
எனக்கோ எங்கும்
உன் முகமாய் இருக்கிறது

தட்டச்சு பலகை மேல்
கண்ணீர் துளி
விழுகிறது
தட்டி விட்டு எழுவதா
இல்லை
தத்தளித்து விழுவதா ....?

by **T.N.Balasubramanian** Fri May 27, 2016 3:13 pm

விவரமாக இருக்கிறது விரகதாபம் ,
விவகாரமாக போகாத வரையில் நன்றே.!
உங்கள் சொந்த கவிதைகள் என எண்ணுகிறேன் .
சொந்த கவிதை பகுதியில் பதிவிடவும் .

ரமணியன்

சரி ஐயா சொந்த கவிதைகள் பகுதியில் இதை பதிவிட்டு விடுகிறேன் நன்றி அய்யா

Hari Prasath · by Hari Prasath Fri May 27, 2016 4:54 pm

அருமை அண்ணா

by **krishnaamma** Sat May 28, 2016 1:34 am

ஒரே கவிதை மழையாக இருக்கே இன்று ............பேஷ்!........பேஷ்!............. மகிழ்ச்சி

by **விமந்தனி** Sat May 28, 2016 10:56 pm

கவிதை நன்று. சூப்பருங்க

by **M.Jagadeesan** Sun May 29, 2016 5:58 pm

தட்டிவிட்டு எழு ! தத்தளித்து விழாதே !
...தடம் மாறிப் போகாதே ! மானிடா !
கட்டி வெல்லம் வாழ்க்கை அதைக்
...கண்ணீரில் கரைய விடாதே ! காதலில்
முட்டி மோதி முன்னுக்கு வந்து
...மூன்று முடிச்சு போட்டவர் சிலரே !
வெட்டிக் காதலால் வேதனை மிஞ்சும்
...வேண்டாம் காதல் அதுவே நஞ்சு .