ரிசர்வ் வங்கி ஆளுநர் பதவியில் இருந்து ரகுராம் ராஜனை நீக்க வேண்டும்

by **ayyasamy ram** Fri May 13, 2016 2:40 pm

ரிசர்வ் வங்கி ஆளுநர் ரகுராம் ராஜனை பதவியில்
இருந்து நீக்க வேண்டும் என்று பாஜக மூத்த தலைவர்
சுப்பிரமணியன் சுவாமி தெரிவித்தார்.

இதுகுறித்து அவர், நாடாளுன்றத்துக்கு வெளியே
செய்தியாளர்களிடம் வியாழக்கிழமை கூறியதாவது:

ரிசர்வ் வங்கியின் ஆளுநர் பதவிக்கு ரகுராம் ராஜன்
பொருத்தமானவர் அல்ல என்பது என்னுடைய தனிப்பட்ட
கருத்தாகும். அவர் குறித்து அதிகம் பேச விரும்பவில்லை.

பணவீக்கத்தைக் கட்டுப்படுத்துவதாகக் கூறி, வட்டி
விகிதத்தை உயர்த்திவிட்டார்.

இதனால், தொழில்கள் பாதிக்கப்பட்டு நாட்டில்
வேலைவாய்ப்பின்மை அதிகரித்துவிட்டது.

ரகுராம் ராஜனை சிகாகோ நகருக்கே விரைவில் திருப்பி
அனுப்புவது நல்லது என்று கருதுகிறேன் (சிகாகோ
பல்கலைக்கழகத்தில் ரகுராம் ராஜன் பேராசிரியராகப்
பணியாற்றிக் கொண்டிருந்தார்) என்றார் சுப்பிரமணியன்
சுவாமி.

குறைந்த கால கடனுக்கான வட்டி விகிதத்தை 7.25
சதவீதத்திலிருந்து, 8 சதவீதத்துக்கு ரிசர்வ் வங்கி
அண்மையில் உயர்த்தியது.

ரிசர்வ் வங்கியின் ஆளுநராக ரகுராம் ராஜன், கடந்த
2013ஆம் ஆண்டு பொறுப்பேற்றுக் கொண்டார் என்பது
குறிப்பிடத்தக்கது.
–
————————
தினமணி

by **krishnaamma** Sat May 14, 2016 11:28 pm

ரிசர்வ் வங்கி ஆளுநர் பதவியில் இருந்து ரகுராம் ராஜனை நீக்க வேண்டும்

ரிசர்வ் வங்கி ஆளுநர் பதவியில் இருந்து ரகுராம் ராஜனை நீக்க வேண்டும்

Re: ரிசர்வ் வங்கி ஆளுநர் பதவியில் இருந்து ரகுராம் ராஜனை நீக்க வேண்டும்