ரசித்த கவிதைகள் - தொடர் பதிவு

by **ayyasamy ram** Tue Apr 19, 2016 2:44 pm

-
தலைமுறை
தாத்தன் காலத்தில்
நதிக்கரையில் புதைத்தோம்
தகப்பன் காலத்தில்
நதியிலேயே புதைத்தோம்
எம் காலத்திலோ
நதியையே புதைத்தோம்!
-

-----------------------------------
– ஸ்ரீதர் பாரதி

by **ayyasamy ram** Tue Apr 19, 2016 2:45 pm

காவல்காரன்
---
ஏடிஎம் காவல்காரருக்கு
மொத்த பணத்தையும்
கொள்ளைக்காரர்களிடமிருந்து
காக்கும் லாவகம் இருந்தது
-
ஆனால்
சம்பள நாளன்று
வட்டிக்காரனிடமிருந்து
சொந்தப் பணத்தை
பாதுகாக்க இயலவில்லை!
-
-------------------------
– கனவு திறவோன்

by **ayyasamy ram** Tue Apr 19, 2016 2:46 pm

வாழ்க்கை
---
வக்கீலுக்கு படித்த மகன்
வாழ்க்கை கற்றுக்கொடுத்தான்
சொத்து வேண்டி
வழக்கு போட்டு!
-
----------------------------
– நா.கி.பிரசாத், கோவை.

by **ayyasamy ram** Tue Apr 19, 2016 2:46 pm

பொம்மைகள் உலகம்
-
படிக்க வைக்கின்ற
அம்மா ஒரு பொம்மை
வெளியே கூட்டிச் செல்லும்
அப்பா ஒரு பொம்மை
சாப்பாடு ஊட்டுகின்ற
பாட்டி ஒரு பொம்மை
விளையாட்டுக் காண்பிக்கும்
தாத்தா ஒரு பொம்மை
குழந்தையின் உலகத்தில்
எல்லோரும் பொம்மைகள்
-
----------------------
– நாகேந்திர பாரதி,

by **ayyasamy ram** Tue Apr 19, 2016 2:47 pm

சொல்
-
ஆயிரம் இருந்தாலும்
நான் அப்படிச்
சொல்லியிருக்கக்கூடாது
என்கிறார்கள்.
நமக்குள்ளே இருப்பது
ஆயிரம் இல்லை
ஒன்றுதான்,
அதை
வேறெப்படிச் சொல்வது?
-
------------------------------
– சேயோன் யாழ்வேந்தன்,