வரையாடுகள் கணக்கெடுப்பு இன்று துவக்கம் !

by **krishnaamma** Mon Apr 18, 2016 10:02 am

மூணாறு:வரையாடுகளின் கணக்கெடுப்பு இன்று (ஏப்.,18) துவங்கி, மூன்று நாட்கள் நடக்கிறது. இம்முறை அனைத்து பகுதிகளிலும் முதன்முறையாக கணக்கெடுப்பு நடத்தப்படுகிறது.ஆண்டுதோறும் வரையாடுகளின் பிரசவ காலத்திற்கு பிறகு, அவற்றின் கணக்கெடுப்பு நடத்தப்படும். அதன்படி கணக்கெடுப்பு இன்று (ஏப்., 18) தொடங்கி, ஏப்., 20ல் நிறைவு பெறுகிறது.

ஆரம்பத்தில் இரவிகுளம் தேசிய பூங்காவில் மட்டும் கணக்கெடுப்பு நடந்தது. அண்மையில் மூணாறைச் சுற்றிலும் பல்வேறு பகுதிகளில் கணக்கெடுப்பு நடத்தப்பட்டது. இம்முறை வரையாடுகள் காணப்படுவதற்கு வாய்ப்புள்ள பகுதிகள் முழுவதும் கணக்கெடுப்பு நடத்தப்படுகிறது.

மூணாறு வனத்துறை டிவிஷன், திருவனந்தபுரம் அகஸ்திய மலை, பெரியாறு, பரப்பிகுளம், சைலன்ட்வாலி பகுதிகளிலும் கணக்கெடுப்பு நடக்கின்றது. இப்பணியில் 34 குழுக்கள் ஈடுபடுகின்றனர். ஆண்டுதோறும் வரையாடுகளின் இனப்பெருக்கத்தில் பெரும் மாற்றங்கள் நிலவி வருகிறது.

இதற்கான காரணத்தை கண்டறிய வனத்துறையினர் முடிவு செய்துள்ளனர். முதன்முறையாக வரையாட்டின் சாணத்தை சேகரித்து, டி.என்.ஏ., பரிசோதனைக்கு உட்படுத்துகின்றனர். தவிர அடுத்த ஆண்டு முதல் தமிழக எல்லையோரங்களிலும் வரையாடுகளின் கணக்கெடுப்பு நடத்த தமிழக அரசிடம் அனுமதி கோரப்போவதாக வனத்துறை அதிகாரிகள் தெரிவித்தனர்.---

தினமலர்

by **krishnaamma** Mon Apr 18, 2016 10:04 am

இது ஏதும் ஸ்பெஷல் ஆடா? புன்னகை

by **ayyasamy ram** Mon Apr 18, 2016 5:53 pm

by **ayyasamy ram** Mon Apr 18, 2016 5:56 pm

வரைநாடு--தமிழ்நாட்டின் மாநில விலங்கு
-
மரையா என்று சங்கப்பாடல்களில் சொல்லப்படும்
விலங்கு வரையாடு என்று இன்று சொல்லப்படுகிறது.
நீலகிரி டார் என்று அதற்கு பெயர்.
உயரமான மலைகளில் செங்குத்தான பாறைகளில்
ஏறிச்செல்லக்கூடிய அபூர்வமான இந்த விலங்கை
ஊட்டியின் கல்லட்டி போன்ற பகுதிகளில் நின்றால்
தூரத்து மலைகளில் காணமுடியும்.

பேன் ஊர்வதுபோல மலைவிளிம்பு பாறைகளில்
வரிசையாகச் செல்லும்.

இந்த ஆடு ஏறாத பாறைகள் இருக்கமுடியாது.
இதன் பாதுகாப்பு முறையே உச்சிப்பாறை ஏறுவதுதான்.

ஆகவே இன்றும் ஒரு மலையை அதி உச்சி என்று
சொல்ல வரையாடு ஏறா மலை என்று சொல்வதுண்டு

மாநில விலங்கான தார் எனப்படும் வரையாடுகளுக்கான
சிறப்பு இனவிருத்தி மையத்தை உதகையில் அமைக்கலாம்
என பரிந்துரைக்கப்பட்டது
-
விக்கிபீடியா