தமிழகத்தில் அதிமுக மீண்டும் ஆட்சியை பிடிக்கும்: டைம்ஸ் நவ் கருத்துக்கணிப்பு

by **ayyasamy ram** Sat Apr 02, 2016 12:11 am

சென்னை:
தமிழகத்தில் நடைபெற உள்ள சட்டசபைத் தேர்தலில்
அதிமுக அதிக இடங்களில் வெற்றி பெற்று மீண்டும்
ஆட்சியை கைப்பற்ற வாய்ப்பு இருப்பதாக டைம்ஸ் நவ்
மற்றும் சி வோட்டர் இணைந்து நடத்திய கருத்துக்
கணிப்பில் கூறப்பட்டுள்ளது.

டைம்ஸ் நவ் தொலைக்காட்சியும், சி வோட்டர்
நிறுவனமும் இணைந்து தமிழகத்தில் கருத்துகணிப்பு
நடத்தியது. கடந்த மார்ச் மாதம் இந்த கருத்துக் கணிப்பு
எடுக்கப்பட்டது. இதில் தமிழகத்தில் மீண்டும் அதிமுக
ஆட்சியை பிடிக்கும் என தெரிவிக்கப்பட்டுள்ளது.

தமிழகத்தில் மொத்தம் உள்ள வாக்குகளில்
அ.தி.மு.க.,வுக்கு 39 சதவீத ஓட்டுக்களும்,
தி.மு.க., கூட்டணிக்கு 32 சதவீத ஓட்டுக்களும்,
பா.ஜ.க, கூட்டணிக்கு 4 சதவீத ஓட்டுக்களும்,
மற்றவர்களுக்கு 25 சதவீத ஓட்டுக்களும் கிடைக்க
வாய்ப்பு இருப்பதாகவும் அந்த கருத்துக்கணிப்பில்
கூறப்பட்டுள்ளது.
-
மொத்தம் உள்ள 234 தொகுதிகளில், அ.தி.மு.க.,
130 தொகுதிகளிலும், தி.மு.க., கூட்டணி 70 தொகுதிகளும்,
பிற கட்சிகள் 34 தொகுதிகளிலும், பா.ஜ.க எந்த
தொகுதியிலும் வெற்றி பெறாது எனவும் கருத்துக்கணிப்பு
முடிவுகள் தெரிவிக்கின்றன.
-
-------------------------------------
தமிழ் ஒன் இந்தியா

by **M.Jagadeesan** Sat Apr 02, 2016 8:48 am

உச்சநீதி மன்றத்தின் தீர்ப்பு , தேர்தலுக்கு முன்பே வருமானால் , இந்தக் கருத்துக் கணிப்பு மாறுவதற்கான வாய்ப்பு உண்டு .

by **T.N.Balasubramanian** Sat Apr 02, 2016 8:57 am

கேள்விக்குறியே !

ரமணியன்

by **M.Jagadeesan** Sat Apr 02, 2016 9:50 am

T.N.Balasubramanian wrote:கேள்விக்குறியே !

ரமணியன்

மேற்கோள் செய்த பதிவு: 1200327

தாங்கள் சொல்வது மிகவும் சரி . இந்தக் கருத்துக் கணிப்பு பலிக்கும் என்பது கேள்விக்குறிதான் !

by **T.N.Balasubramanian** Sat Apr 02, 2016 10:19 am

மேலும் தீர்ப்பு அவருக்கு எதிராக வந்தாலும் ,
அனுதாப அலைகளும் சேருமோ என்னமோ .

அம்மா எந்த சலசலப்புக்கும் கவலையும் படுவதில்லை .
பதிலும் சொல்லுவதில்லை .

ரமணியன்