கண்களுக்கு பயிற்சி

இதுதான் முதல் நிலைப் பயிற்சி.
அதாவது, கண்களுக்கு நேரே கைகளை வைத்துக்
கொண்டு, இரண்டு கட்டைவிரல்களின் நகங்களைப்
பார்த்தல்;

அடுத்து, கைகள் வலது பக்கம் நகரும்போது, அந்த
நகப் பகுதிகளுடனேயே நம்முடைய கண்கள்,
அதாவது பார்வை மட்டும் பயணித்தல்;

பிறகு, வலதில் இருந்து இடது பக்கத்துக்குக் கைகள்
பயணிக்க, அந்தக் கைகளுடன், கட்டை விரல்களுடன்,
விரல்களின் நகங்களுடன் நம் கண்களும் பயணம்
செய்யட்டும்.

இப்படி ஐந்து முறை செய்யுங்கள்.

இந்தப் பயிற்சியை மேற்கொள்வது கடினமாகத்
தெரியவில்லைதானே? மிக எளிமையான பயிற்சி இது.
கண்களுக்கான பயிற்சி என்றாலும், இது கண்ணுக்கும்
புத்திக்கும், மனசுக்கும் நினைவாற்றலுக்குமான
விசேஷப் பயிற்சியும்கூட என்பதை அடுத்தடுத்த
நாட்களில், இந்தப் பயிற்சியில் ஈடுபட்டுக் கிடைக்கிற
பலன்களின் மூலமாக உணர்வீர்கள்.

கண்களை மூடிக்கொண்டு புத்தி ஏதேனும் ஒரு
விஷயத்தில் ஒருமுனைப்படுவது என்பது ஒரு வகை.

நகங்களின்மீது பார்வையையும் புத்தியையும் செலுத்தச்
செலுத்த, உங்களையும் அறியாமல், உள்ளுக்குள்
ஒருமித்த நிலைக்கு ஆளாவீர்கள்.

அதேபோல், கூர்மையான பார்வைப் பயிற்சி, கண்களின்
அத்தனை நரம்புகளையும் உசுப்பிவிடும் தன்மை
கொண்டது. ரயில் பயணத்தில் நேர்க்கோட்டில் பார்வையைச்
செலுத்தினால், ரயில் பெட்டிகளின் உட்பக்கங்களையும்
எதிரில் உள்ள மனிதர்களையும் மட்டுமே பார்க்க முடியும்.

அதே நேரம், நமக்குப் பக்கவாட்டுப் பகுதிகளில் பார்க்க,
பக்கத்து இருக்கை மனிதர்கள், ஜன்னல், ஜன்னலுக்கு
வெளியே உள்ள மரம், செடி, கொடிகள், ஆடு- மாடுகள்,
வயல்வெளிகள், டிராக்டர்கள், தட்டாம்பூச்சி பிடிக்கிற
குழந்தைகள்... என பார்ப்பதற்கு ஏராளமான விஷயங்கள்
இருக்கின்றன.

பார்வையில் விசாலம் இருப்பின், மனதிலும் விசாலம்
பரவும்; மனமே விசாலமாகும்!
- வளம் பெருகும்
-
-----------------
தொகுப்பு: ஆர்.கே.பாலா
-
குறிப்பு
-
படம் இணைக்க இயலவில்லை

-
பார்வையில் விசாலம் இருப்பின், மனதிலும் விசாலம்
பரவும்; மனமே விசாலமாகும்!
– வளம் பெருகும்