காற்றோடு கலந்த குட்டி கண்மணியின் நினைவாக....

by kandhasami saravanan Sun 13 Mar 2016 - 20:13

கற்பனையிலே உன் உருவம்!
குட்டிக்கண்மணியே உனைகாண- ஒரு
கூட்டமே காத்திருக்க - நீயோ
தாயின் கருவறையில் ஏழு திங்களும்
தனி குளிர்அறையில் ஏழு தினங்களும்
தனிமையாகவே இருந்துவிட்டு - எங்களை
தவிக்கவிடுத்தான் போனாயடி!
உன்
முகம் பார்க்க முடியாமல் போனாலும் - உன் முழு உருவமும் என் கற்பனையில்!
நிழலாய் உன் உருவம் -என்
நெஞ்சம் முழுவதுமே!-நான்
என்ன பாவம் செயதேனடி- என்
என் அன்பு கண்மணியே-உன்
பிஞ்சு விரல்களை தொட -என்
நெஞ்சம் துடித்தபோதும் நீ - எங்கள்
அருகிலே இல்லையடி!!
கற்பனையில் உன் பிஞ்சு விரல்கள் -என்
கண்கள் வரை வந்து வந்து-என்
கண்ணீர் துடைத்து செல்லுதடி!
கண்ணே கண்மணியே மீண்டுமொரு பிறப்பெடுத்து
வருவாயென-உன்
வரவை நோக்கி காத்திருக்கிறோம் -எங்களின்
வருங்காலமே வந்துவிடு!!
அன்பு மகளே
உனை விட்டு நீங்காத
ஆசை நினைவுகளுடன்....
க.சரவணன்.....

by **T.N.Balasubramanian** Mon 14 Mar 2016 - 0:03

உருக்கமான கவிதை சரவணன்
உங்களுக்கு ஏற்பட்ட இழப்பாயின்
எந்தன் நெஞ்சார்ந்த அனுதாபங்கள் .

காலம் கனியும்
கருவில் உயிரொன்று ஜனிக்கும்
அதனால் உங்கள் வாழ்வும் இனிக்கும் .

ரமணியன்

by **krishnaamma** Mon 14 Mar 2016 - 2:27

படிக்கும்போதே கண்களில் கண்ணீர் வந்து விட்டது சரவணன் .............ஐயா சொன்னது போல இது உங்களுக்கு ஏற்பட்ட இழப்பாயின் , எந்தன் நெஞ்சார்ந்த அனுதாபங்கள் ..............பெருமாள் உங்களுக்கு சீக்கிரம் நல்லருள் புரியட்டும் !

by **ayyasamy ram** Mon 14 Mar 2016 - 11:27

krishnaamma wrote: படிக்கும்போதே கண்களில் கண்ணீர் வந்து விட்டது சரவணன் .............ஐயா சொன்னது போல இது உங்களுக்கு ஏற்பட்ட இழப்பாயின் , எந்தன் நெஞ்சார்ந்த அனுதாபங்கள் ..............பெருமாள் உங்களுக்கு சீக்கிரம் நல்லருள் புரியட்டும் !

மேற்கோள் செய்த பதிவு: 1197543
-
சோகம்