'என் பேச்சை கேட்டார் விஜயகாந்த்'

by **ayyasamy ram** Sun Mar 13, 2016 9:12 am

-
'மக்கள் மத்தியில் செல்வாக்கு பெருகியுள்ளதால்,
தனித்து நிற்க வேண்டும்' என, கடந்த வாரம்
விஜயகாந்தை சந்தித்து ஆலோசனை வழங்கினேன்.

எனது கருத்தை ஏற்று, அவரும் தனித்து களமிறங்கியுள்ளார்.
தமிழகத்தில் உள்ள கட்சியினரும், மக்களும் அவரது முடிவை
வரவேற்றுள்ளனர்.

சட்டசபை தேர்தலில், அ.தி.மு.க., - தி.மு.க., கட்சிகள்,
தலா, 50, 'சீட்' கூட பிடிக்க முடியாது; தே.மு.தி.க., தலைமையில்
ஆட்சி அமையும். ஏப்., 1க்குள், தமிழக அரசியலில் பல நல்ல
மாற்றங்கள் ஏற்படும்; அ.தி.மு.க., ஆட்சிக்கு முடிவுக்கு வரும்.
பா.ஜ.,வுடன் சேர்ந்து நின்றால், தே.மு.தி.க.,வுக்கு மேலும்
செல்வாக்கு அதிகரிக்கும்.

சொத்து குவிப்பு வழக்கில் இருந்து, ஜெ., தப்ப வாய்ப்பே இல்லை;
மக்கள் நலக் கூட்டணி, தேர்தல் வரை நீடிக்குமா? என்பதை,
பொறுத்திருந்து தான் பார்க்க வேண்டும். இலை உதிர்ந்து விடும்;
காலையில் தோன்றும் சூரியன் மாலையில் மறைந்து விடும்.
முரசு மட்டுமே, இரவும் பகலும் கொட்டிக் கொண்டே இருக்கும்.
--------
--'டிராபிக்' ராமசாமிசமூக ஆர்வலர்

by **M.Jagadeesan** Sun Mar 13, 2016 10:15 am

ஐயா !

விஜய காந்தின்முடிவால் மா. செ . க்கள் மிகுந்த அதிருப்தியில் இருப்பதாகச் செய்திகள் வரத் தொடங்கியுள்ளன . கட்டுமரத்தோடு கூட்டணி இருக்கும் என்ற நம்பிக்கையில்தான் , பல லட்சங்களைக் கொட்டி MLA - வாக நிற்பதற்கு விண்ணப்பம் செய்துள்ளனர் . நேர்காணலிலும் விண்ணப்பம் செய்தவர்களில் பெரும்பாலனோர், கட்டுமரத்தோடு சேருவதே உசிதம் என்று தெரிவித்துள்ளனர் . தற்போது விஜயகாந்தின் முடிவால் எல்லோரும் UPSET ஆகியுள்ளனர் . கட்டிய பணத்தைத் திரும்பக்கேட்டு நச்சரிக்கத் தொடங்கியுள்ளதாக செய்திகள் வருகின்றன. விஜயகாந்த் முழி பிதுங்கியுள்ளதாகக் கேள்வி .

'என் பேச்சை கேட்டார் விஜயகாந்த்'

'என் பேச்சை கேட்டார் விஜயகாந்த்'

Re: 'என் பேச்சை கேட்டார் விஜயகாந்த்'