ஹலோ!!!... உங்களுக்காக ஒரு நிமிடம் ப்ளீஸ்...'தொடர் பதிவு' !

by B.VENKATESAN Sat Feb 27, 2016 2:51 pm

விரைவில் தொலைந்த மன அமைதி ...

இயந்திரங்கள் இதயமாகி விட்டதால் இதயம் இயந்திரமாகி விட்ட காலம் இது!!!.
எங்கும் விரைவு!!!...எதிலும் விரைவு!!!...விரைவு...விரைவு...விரைவு...
தண்ணீரைக் கூட சுவைத்து பொறுமையாக பருகினால் இதயக் கோளாறுகளை சரி செய்யலாம் என்கிறது நவீன மருத்துவ உலகம்.ஆனால் ஒரு தேனீரைக் கூட திருப்தியாக சுவைத்து அருந்த நேரமில்லை நம்மில் பலருக்கு...! சுவை அரும்புகள் கூட சோர்ந்து விட்டன...நம்முடைய விரைவில்...!
நகர வாழ்க்கைக் கடிகாரத்தில் நொடிமுள் கூட வேகமாகவே நகரும் என்றால் அது மிகையில்லை என்றே தோன்றுகிறது.ஏன் இந்த விரைவு? எப்படி வந்தது ? என்று நாம் சற்றே எண்ணிப் பார்ப்போம். காலம்தான் பதில் கூற வேண்டும். காலத்தை சற்று பின்னோக்கிப் புரட்டினாலும் கூட பதில் கிடைக்கக்கூடும்.
சுமார் இருபது ஆண்டுகளுக்கு முன்பெல்லாம் விவசாயமே பிரதானமாக இருந்தது. கிராமங்கள் கிராமங்களாக இருந்தன.நாட்கள் மெதுவாக நகர்ந்தன. மக்களின் வாழ்வியல் இயற்கையை ஒட்டி இயல்பாக இருந்தது.
மன அமைதிக்கு யாரும் மருந்து தேடவில்லை. வாழ்க்கை முறையே மன அமைதியை வாரி வழங்குவதாக இருந்தது. உதாரணமாக, அன்று விறகு அடுப்பில் தான் சமைத்தார்கள். விறகு அடுப்பு எரிவதைப் பார்ப்பது கூட நம்மையும் அறியாமல் நமக்குள் ஒருவித அமைதியை ஏற்படுத்தி விடும். சமையலும் சுவையாக இருக்கும் ; ஆரோக்கியமும் கூட.
ஆனால் இன்றோ இயற்கையான தீயைத் தவிர மற்ற அனைத்திலும் சமையல் நடக்கிறது. அறிவியலின் கொடைகள் இன்று நேரத்தைக் குறைத்தாலும் நோய்களை அதிகரித்து விட்டன.ஆம். மனித குலம் இன்று ஆட்படும் பெரும்பாலான நோய்களுக்கு மனதின் விரைவே காரணம். மலச்சிக்கலில் தொடங்கி மனச்சிக்கலில் கொண்டுபோய் விடுகிறது இந்த விரைவு.

நகரங்களில் அவசர அவசரமாக குழந்தைகளை பள்ளிக்கு அனுப்பிவிட்டு, அரைகுறையாக சாப்பிட்டு தண்ணீர் கூட குடிக்காமல் அலுவலகம் செல்வோர் எத்தனையோ பேர் உள்ளனர்.இந்த நிலை ஏன் என்று விளங்கவில்லை. ஐந்து நிமிடங்களாவது உண்ட உணவிற்கு தண்ணீர் சேர்க்க அரை நிமிடம் கூட ஆகாதுதானே?!

கொஞ்சம் நிதானமாக சிந்தித்தால்...
சிந்தித்ததைச் செயல்படுத்தினால்...
விரைவு தரும் விரையங்களை விரைவில் குறைக்கலாம்தானே?!!!

. - பா.வெ.

by e.sivakumar1988 Sat Feb 27, 2016 3:18 pm

உண்மை தோழரே ஹலோ!!!... உங்களுக்காக ஒரு நிமிடம் ப்ளீஸ்...'தொடர் பதிவு' ! 3838410834

by B.VENKATESAN Sat Feb 27, 2016 3:26 pm

மிக்க நன்றி தோழரே!!!

by B.VENKATESAN Sun Feb 28, 2016 8:07 am

பணம்...பணம்...பணம்...

" நிம்மதியைத் தொலைத்து தேடும் பணம்
நிம்மதியைத் தேடக் கூட பயன்படாது "
- பா.வெ.

. அடிப்படைத் தேவைகளை நிறைவேற்றவும் மேலும் சில வசதிகளை தேடிக்கொள்ளவும் பணம் என்றுமே அத்தியாவசியம் தான். அதில் மாற்றுக் கருத்தே இல்லை. ஆனால் வசதிகள் மட்டுமே வாழ்க்கையின் அடிப்படை என்று ஆடம்பரத்தையே அடிப்படைத் தேவை என தொடரும்போதுதான் போராட்டமும் துன்பமும் தொடர்கதையாகிறது.

. பணமே பிரதானம் என்று தேடித்தேடி அலைந்து சேர்த்த பின்பு அதை பாதுகாக்க படாத பாடுபட்டு உறக்கமின்றி உலைச்சலுற்று மருத்துவரை நாடிச் செல்லும் அவல நிலையில் வாழ்வில் அனுபவிக்க என்ன இருக்கிறது ???பணம் சேர்ப்பது கூட அதைக்கொண்டு மகிழ்ச்சியான வாழ்க்கையை வாழத்தானே?அந்த மகிழ்ச்சியான வாழ்வே கேள்விக்குறி என்கிறபோது இவ்வளவு அல்லல்பட்டு அந்த பணத்தைத் தேடுவானேன்?

. ஒரு வேளை உண்டால் அடுத்த வேளைக்கு சரியாக பசிக்க வேண்டும் ; படுத்தவுடன் உறக்கம் வர வேண்டும். இதுவே பணம், பொருள் சேர்ப்பதற்கான சரியான அளவுகோல். இந்த நிம்மதி தொலையும் பட்சத்தில் நாம் அதீதமாக பணம் தேடுகின்றோம் என்பதைப் புரிந்து கொள்ள வேண்டும்.

. உதாரணமாக, ஓர் இரவுநேர பேருந்துப் பயணத்தில் நம் சட்டைப்பையில் அதிக பணத்தை வைத்திருந்தால் நமக்கு தூக்கம் வருமா? அதற்காக பணமே இல்லாமல் வாழ்க்கையிலும் பயணிக்க வேண்டுமென்று சொல்லவில்லை. தேவைக்கு மீறி சேர்க்கப்படும் பணம் , பொருள் எல்லாம் தேவையில்லாத சிக்கல்களைத் தேடிக்கொண்டு வந்து சேர்க்கும்.

. நேற்று தேடிய பணத்தில், இன்று ஒரு தேனீரைக் கூட உங்களால் நிம்மதியாக சுவைத்து பருக முடியவில்லை என்றால், இன்று நீங்கள் தேடப்போகும் பணம் மட்டும் நாளைக்கு உங்களுக்கு எந்த விதத்தில் பயன்படப் போகிறது ???

- பா.வெ.

by **krishnaamma** Sun Feb 28, 2016 9:34 am

நல்ல பகிர்வு வெங்கடேசன், ஆனால், forum பார்த்து பதிவு போடுங்கள் புன்னகை

..இப்போது இதை நான் பொதுவுக்கு மாற்றிவிடுகிறேன்............!

by B.VENKATESAN Sun Feb 28, 2016 9:59 am

மிக்க நன்றி அம்மா!!! மன்னிக்கவும்.நான் எப்போதும் கைபேசி மூலமே பதிவேற்றம் செய்கிறேன்.கொஞ்சம் நெட்வொர்க் பிரச்சினை ...

by **krishnaamma** Sun Feb 28, 2016 10:02 am

B.VENKATESAN wrote:மிக்க நன்றி அம்மா!!! மன்னிக்கவும்.நான் எப்போதும் கைபேசி மூலமே பதிவேற்றம் செய்கிறேன்.கொஞ்சம் நெட்வொர்க் பிரச்சினை ...

மேற்கோள் செய்த பதிவு: 1195682

நோ ப்ரோப்ளேம்............நான் மாத்திவிட்டேன் இப்போ புன்னகை

by **ராஜா** Sun Feb 28, 2016 12:03 pm

ஏன் எல்லா பதிவுக்கும் ஒரே தலைப்பை வைத்துள்ளீர்கள் ?!

krishnaamma wrote:
B.VENKATESAN wrote:மிக்க நன்றி அம்மா!!! மன்னிக்கவும்.நான் எப்போதும் கைபேசி மூலமே பதிவேற்றம் செய்கிறேன்.கொஞ்சம் நெட்வொர்க் பிரச்சினை ...
மேற்கோள் செய்த பதிவு: 1195682

நோ ப்ரோப்ளேம்............நான் மாத்திவிட்டேன் இப்போ

மேற்கோள் செய்த பதிவு: 1195683