என் அப்பா

by **M.M.SENTHIL** Sun Feb 21, 2016 4:04 pm

அப்பா
என் அப்பா,
காலம் உங்களை
நன்றாக வழி நடத்தியதா
இல்லை வலியே வாழ்க்கையா?
என்றெல்லாம் இப்போது
யோசிக்க விரும்பவில்லை!!

இருந்தீர்கள் - ஒரே
மகனாய் பிறந்து
இளவரசன் போல இருந்தீர்கள்!!

கூடா நட்பு கேடாய் முடியும்
என்ற சொல்லுக்கு
உங்களை விட உதாரணம்
எனக்கு தேவையில்லை!!

அப்பா, அம்மா, பாட்டியெல்லாம்
ராஜா போல வளர்த்து வந்தாலும்,
உங்களுக்குள் ஒரு மிருகம்
எப்படி வந்ததென நானறியேன்,
ஒரு வேளை உங்கள் தகப்பன்
அப்படி இருந்திருப்பாரோ !!

ஏன் அப்படி நினைதேன் என்றால்
பாட்டனுடன் நான் வாழவில்லை,
நான் பிறக்கும் முன்னரே
என் பாட்டன் மண்ணைப் பார்த்து விட்டார்!!

இருப்பினும் அப்பா
எனக்கு ஒரு ஆச்சரியம்!!!!
ஊரையே மிரள வைத்த
ஒரு நபர் நீவீர் - எப்படி
பயந்தீர் சாதாரண
ரத்தக் கொதிப்பிற்கு !!

மகனும், மகளும்
நன்றாகத்தானே இருக்கிறோம்
பொருளாதார ரீதியாய்,
பின் ஏன் மனதிற்குள் போராட்டம்
இறுதி கட்டத்தில்!!

எது எப்படியோ அப்பா,
ஆரம்பத்தில் பிடிக்காது உங்களை,
இறுதியில் மிக மிக பிடித்தது,
ஏன் தெரியுமா?
செய்த தவறுக்கு வருந்திநீரே அதனால்!!

ஒவ்வொரு மனிதனுக்கும்
வாழ்வில் மறக்க முடியாதா நாள்
சில மனதில் மனப்பாடமாய் இருக்கும்,
ஜனவரி 25-ம் எனக்கு அப்படியே
மனப்பாடம் ஆகிவிட்டது!!

யாரிடமும் சொல்லாமல்
நீங்கள் சென்ற இறுதி யாத்திரை
எப்படி அப்பா மறக்க முடியம்
அந்த நாளை!!

ஆவிகளை அழைத்துப் பேச முடியுமாம்
அதை நான் நம்பவில்லை - ஆயினும்
அது உண்மை என்றால் நான்
இரண்டு கேள்விகள் கேட்க வேண்டும்!!

தில்லான மனிதனுக்கும்
இறுதிக் கட்டத்தில் பயம் வருமா?
வயதானால் தன்னம்பிக்கை
போய்விடுமா?

நீங்கள் இறந்த பின்
உங்களைப் பார்த்து நான்
கற்றுக் கொண்ட விசயம்
ஒன்று உண்டு அப்பா,
எந்த சூழ்நிலையிலும்
மனம் தளர கூடாது என்றுதான் !!

சரி அப்பா,
ஆன்மா உலா வரும் என்பது உண்மையானால்
தினம் தினம் நம் வீட்டுப் பக்கம் வாருங்கள்
என் மகளையும், மகனையும் பார்க்க!!

யாரும் இருக்கும் வரை
மதிப்பு தெரிவதில்லை
இறந்த பின்பு
வருந்தி பயனில்லை

by **T.N.Balasubramanian** Sun Feb 21, 2016 4:36 pm

அசத்திய அஞ்சலி !

ரமணியன்

by **M.M.SENTHIL** Sun Feb 21, 2016 4:38 pm

T.N.Balasubramanian wrote:அசத்திய அஞ்சலி !

ரமணியன்

மேற்கோள் செய்த பதிவு: 1194932

நன்றி ஐயா அன்பு மலர்

by **krishnaamma** Sun Feb 21, 2016 5:33 pm

உங்கள் உணர்வுகளை ரொம்ப இயற்கையாக வடித்து இருக்கீங்க செந்தில் புன்னகை

....................அப்பா மேல் இருந்த பாசம் கவிதையாய் வந்து விட்டது!................... :வணக்கம்:

அவர் ஆத்மா சாந்தியடைய வேண்டுகிறேன் ! அன்பு மலர்

.
.
.
என்னுடைய 44000வது பதிவு இது ! புன்னகை

by **M.M.SENTHIL** Mon Feb 22, 2016 4:57 pm

krishnaamma wrote:உங்கள் உணர்வுகளை ரொம்ப இயற்கையாக வடித்து இருக்கீங்க செந்தில்....................அப்பா மேல் இருந்த பாசம் கவிதையாய் வந்து விட்டது!................... அவர் ஆத்மா சாந்தியடைய வேண்டுகிறேன் !
.
.
.
என்னுடைய 44000வது பதிவு இது !

மேற்கோள் செய்த பதிவு: 1194950

மிக்க நன்றி அம்மா
பாசம் இறுதியில் வந்து விட்டது,... தான் செய்த தவறுகளை எண்ணி அவர் வருந்திய போதே அவர் மேல் மரியாதை வந்துவிட்டது.

ஆனாலும் இன்னும் கொஞ்ச நாள் என்னுடன் இருந்திருக்கலாம்....

பதிவுகளுக்கு வாழ்த்துக்கள் அம்மா அன்பு மலர்

by **ஜாஹீதாபானு** Mon Feb 22, 2016 5:31 pm

ஆழ்ந்த இரங்கல் செந்தில்..... சோகம்

அப்பாவைப் பற்றி ஏற்கனவே உங்களைப் பற்றிய கதையில் சொல்லி இருக்கிங்க... இறப்பு வரும் என்று சிலருக்கு தெரிந்து விடும். அதனால் செய்த தவறுக்கு மன்னிப்பு கேட்போம் என்று கேட்டுவிட்டு உங்கள் மனதில் அப்பா நல்லவராக ஆகி விட்டார்.

எனக்குத் தெரிந்து என்னிடம் ஒருவர் மன்னிப்புக் கேட்டார். மன்னிப்பு கேட்டு 3 மாதத்தில் இறந்து விட்டார்.

வாழும்போதே நல்லவராக வாழ்ந்து இறந்தால் கொஞ்ச நாளில் மறந்து விடுவோம். இப்படி வாழத் தெரியாமல் வாழ்ந்தவர்கள் கடைசியில் மன்னிப்பு கேட்டு மறைந்து விட்டு நம் மனதில் வடுவாக தங்கி விடுகிறார்கள்.

//யாரும் இருக்கும் வரை
மதிப்பு தெரிவதில்லை
இறந்த பின்பு
வருந்தி பயனில்லை//

இது ரொம்ப ரொம்ப நிஜம்...

by **ayyasamy ram** Mon Feb 22, 2016 5:49 pm

அசத்திய அஞ்சலி !
-

by **Dr.S.Soundarapandian** Mon Feb 22, 2016 6:26 pm

by **T.N.Balasubramanian** Mon Feb 22, 2016 7:02 pm

சமீபத்தில் தான் மறைந்தார் என்பது அறியாது ,
நினைவாஞ்சலி என்றே எண்ணி ,
அசத்திய அஞ்சலி என்று பதிவிட்டு இருந்தேன் .
எந்தன் ஆழ்ந்த அனுதாபங்கள் ,செந்தில் .
ஈடு செய்ய முடியாத ஒன்று என்பதுதான் உண்மை .
எப்போது நடந்தது இந்த துக்க சம்பவம் ?

ரமணியன்