ஐரோப்பிய நாடுகளின் ஐந்து முக்கிய நகரங்களில் தாக்குதல் நடத்த ஐ.எஸ். பயங்கரவாதிகள் திட்டம்!

ஐரோப்பிய நாடுகளின் ஐந்து முக்கிய நகரங்களில் தாக்குதல் நடத்த, 60 பயங்கரவாதிகளை, ஐ.எஸ்., பயங்கரவாத இயக்கம் நியமித்துள்ளதாக, அதிர்ச்சியூட்டும் தகவல் வெளியாகி உள்ளது.
இதுகுறித்து, மேற்கத்திய நாடுகளின் புலனாய்வு அமைப்பு வட்டாரங்கள் கூறியதாவது: கடந்தாண்டு நவம்பரில், பிரான்ஸ் தலைநகர் பாரீசில் தாக்குதல் நடத்த, பயங்கரவாதி அபு முகம்மது அல் - அட்னானி தலைமையிலான குழுவை, ஐ.எஸ்., பயங்கரவாதிகள் குழு அனுப்பி வைத்திருந்தது. இக்குழு, பாரீஸ் நகரின் பல இடங்களில் கொலை வெறித் தாக்குதல் நடத்தியதில், 130 பேர் உயிரிழந்தனர். இத்தாக்குதல் நடக்கும் முன், பாரீஸ், பிரிட்டன் தலைநகர் லண்டன், ஜெர்மனியின் பெர்லின் உள்ளிட்ட ஐந்து நகரங்களில் தாக்குதல் நடத்த, 60 பயங்கரவாதிகளை, ஐ.எஸ்., நியமித்துள்ளதாக, ஐரோப்பிய புலனாய்வு அமைப்புகளுக்கு தகவல் கிடைத்தது. ஆனால், பாரீசில் தாக்குதல் நடத்தப்பட்டு விட்டது. அதில், மொத்தமுள்ள, 60 பயங்கரவாதிகளில், 20 பேர் ஈடுபட்டிருந்தால், மீதமுள்ள, 40 பேர், பிற நாடுகளில் எந்நேரமும், பிற ஐரோப்பிய நகரங்களில் தாக்குதல் நடத்த முயற்சிக்கலாம் என, யூகிக்கப்படுகிறது.
ஐரோப்பிய நாடுகளின் ஐந்து முக்கிய நகரங்களில் தாக்குதல் நடத்த, 60 பயங்கரவாதிகளை, ஐ.எஸ்., பயங்கரவாத இயக்கம் நியமித்துள்ளதாக, அதிர்ச்சியூட்டும் தகவல் வெளியாகி உள்ளது. இதுகுறித்து, மேற்கத்திய நாடுகளின் புலனாய்வு அமைப்பு வட்டாரங்கள் கூறியதாவது: கடந்தாண்டு நவம்பரில், பிரான்ஸ் தலைநகர் பாரீசில் தாக்குதல் நடத்த, பயங்கரவாதி அபு முகம்மது அல் - அட்னானி தலைமையிலான குழுவை, ஐ.எஸ்., பயங்கரவாதிகள் குழு அனுப்பி வைத்திருந்தது. இக்குழு, பாரீஸ் நகரின் பல இடங்களில் கொலை வெறித் தாக்குதல் நடத்தியதில், 130 பேர் உயிரிழந்தனர். இத்தாக்குதல் நடக்கும் முன், பாரீஸ், பிரிட்டன் தலைநகர் லண்டன், ஜெர்மனியின் பெர்லின் உள்ளிட்ட ஐந்து நகரங்களில் தாக்குதல் நடத்த, 60 பயங்கரவாதிகளை, ஐ.எஸ்., நியமித்துள்ளதாக, ஐரோப்பிய புலனாய்வு அமைப்புகளுக்கு தகவல் கிடைத்தது. ஆனால், பாரீசில் தாக்குதல் நடத்தப்பட்டு விட்டது. அதில், மொத்தமுள்ள, 60 பயங்கரவாதிகளில், 20 பேர் ஈடுபட்டிருந்தால், மீதமுள்ள, 40 பேர், பிற நாடுகளில் எந்நேரமும், பிற ஐரோப்பிய நகரங்களில் தாக்குதல் நடத்த முயற்சிக்கலாம் என, யூகிக்கப்படுகிறது.

அவர்களின் முயற்சிகளை முறியடிக்க, புலனாய்வு மற்றும் பாதுகாப்புத்துறை அதிகாரிகள் தீவிர நடவடிக்கைகளை மேற்கொண்டுள்ளனர். இவ்வாறு அந்த வட்டாரங்கள் தெரிவித்தன. ஐ.எஸ்., மீதான தாக்குதல் நிறுத்த கனடா முடிவு: சிரியா, ஈராக் நாடுகளின் பல பகுதிகளை ஆக்கிரமித்துள்ளது, ஐ.எஸ்., பயங்கரவாத இயக்கம். அதை ஒழித்துக் கட்ட, ஓராண்டுக்கும் மேலாக, அமெரிக்கா தலைமையிலான கூட்டுப்படைகள் விமானத் தாக்குதல் நடத்தி வருகின்றன. இதில், கனடா நாட்டின், ஆறு போர் விமானங்களும் இடம்பெற்றுள்ளன. ஐ.எஸ்., இயக்கத்துக்கு எதிரான விமானத் தாக்குதலை தொடர்வது குறித்து, கனடாவில், பொதுமக்களிடையே கருத்துக் கணிப்பு நடத்தப்பட்டது.

விமானத் தாக்குதலை நடத்த வேண்டும் என்றும், விரிவுபடுத்த வேண்டும் என்றும், மக்கள் கருத்து தெரிவித்திருந்தனர். ஆனால், அதற்கு மாறாக, வரும் 22ல் இருந்து விமானத் தாக்குதலை விலக்கிக் கொள்வதென, கனடா அரசு முடிவு செய்துள்ளது. இது பற்றி, கனடா ராணுவ அமைச்சர் ஹர்கிட் சஜ்ஜான், பிரதமர் ஜஸ்டின் டுருடேவுடன் நிருபர்களை சந்தித்த போது கூறியதாவது: ஐ.எஸ்., பயங்கரவாதிகளுக்கு எதிராக, தாக்குதல் நடத்தி வரும் போர் விமானங்களை விலக்கிக் கொள்ள அரசு முடிவு செய்துள்ளது. அதற்கு பதில், பயங்கரவாதிகளுக்கு எதிராக போராடி வரும் குர்திஷ் இன மக்களுக்கு பயிற்சி அளிக்கும் சிறப்பு படையினரின் எண்ணிக்கையை, மூன்று மடங்காக உயர்த்த திட்டமிட்டுள்ளோம். போரால் பாதிக்கப்பட்டுள்ள, மேற்காசிய நாடுகள் உட்பட பல நாடுகளை சேர்ந்த மக்களுக்கு, 5,000 கோடி ரூபாய் நிதியுதவி அளிக்கப்படும். இவ்வாறு ஹர்கிட் கூறினார்.

நன்றி செய்தி . காம்