Latest topics

என்தேசம் என் சுவாசம்: பாவலர் கருமலைத் தமிழாழன்

ஈகரை தமிழ் களஞ்சியம் :: கவிதைக் களஞ்சியம் :: ரசித்த கவிதைகள்

Page 1 of 1

என்தேசம் என் சுவாசம்: பாவலர் கருமலைத் தமிழாழன்

Post by ayyasamy ram Mon Feb 08, 2016 7:43 am

வளைந்தகோடால் வரைந்துவைத்த படமா நாடு
வாழ்க்கையையே தியாகத்தின் வேள்வி யாக்கி
வளையாத முன்னோர்கள் தீப்பி ழம்பால்
வார்த்துவைத்த வார்ப்படந்தான் இந்த நாடு !
-
முளைவிட்டுத் தானாக முளைத்தெ ழுந்த
முட்செடியா இந்தநாடு? மானத் தாலே
தலையுடலை விதைகளாக்கிக் குருதி நீரால்
தளிர்க்கவைத்த பன்னீர்ப்பூ இந்த நாடு !
-
காற்றினிலே மிதந்துவந்து மூக்கிற் குள்ளே
கலக்கின்ற நறுமணமா இந்த நாடு ?
நேற்றுகளின் பண்பாட்டைச் சுவடாய்த் தாங்கி
நிலைக்கவைக்கும் சுவாசந்தான் இந்த நாடு !
-
வேற்றுமையை எழிலான நிறத்தில் காட்டி
வேலிக்குள் பூத்தமலர்த் தொகுப்பா நாடு ?
போற்றுகின்ற சாதிமத எண்ண மொன்றிப்
பொலிகின்ற மனத்தொகுப்பே இந்த நாடு !
-
வெற்றெழுத்தால் உருவான சொல்லா நாடு
வெடிக்கை ஒலிக்குறிப்பின் சேர்ப்பா நாடு?
குற்றெழுத்தும் நெட்டெழுத்தும் ஒற்றெ ழுத்தில்
குலவிப்பொருள் தரும்சொல்லே இந்த நாடு !
-
வற்றாத நதிகளாக அன்பு பாய்ச்சி
வயல்விளைத்துக் காக்கின்ற தாயே நாடு !
வெற்றுச்சொல் பேச்சின்றி உயிராய்ப் பேணி
வியர்வையிலே உயர்த்துவதே சேயின் மூச்சு !
-
--------------------------------------
கவிதைமணி

ayyasamy ram: வழிநடத்துனர்; பதிவுகள் : 82799
இணைந்தது : 30/09/2013