மணமக்களின் தலையிலும் முதல்வரின் "ஸ்டிக்கர்"

மணமக்களின் தலையிலும் முதல்வரின் "ஸ்டிக்கர்"
-------------------------------------------------------------------------------------------
தமிழக முதலமைச்சர் ஜெயலலிதாவின் 68வது பிறந்த நாளை ஒட்டி நடத்தப்பட்ட இலவச திருமண விழாவில் மணமக்களின் தலையில் கட்டப்பட்ட பட்டத்தில் ஜெயலலிதாவின் படம் ஒட்டப்பட்ட விவகாரம் சமூக வலைதளங்களில் பெரும் விமர்சனங்களை ஏற்படுத்தியுள்ளது.

ஜெயலலிதாவின் பிறந்த நாளை முன்னிட்டு 68 ஜோடிகளுக்கு அ.தி.மு.கவின் சார்பில் இலவச திருமணம் நடத்திவைக்கப்பட்டது. சட்டப்பேரவைத் துணைத் தலைவர் பொள்ளாச்சி ஜெயராமன் உள்ளிட்டவர்கள் இந்த விழாவில் கலந்துகொண்டு மணமக்களுக்கு தாலியை எடுத்துக் கொடுத்தனர்.

திருமணம் செய்துகொண்ட தம்பதிகளின் தலையில் கட்டப்பட்டிருந்த பட்டத்திலும் முதல்வர் ஜெயலலிதாவின் படம் இடம்பெற்றது சமூக வலைதளங்களில் கடும் விமர்சனத்திற்கு உள்ளாகியிருக்கிறது.

தவிர, மணமக்கள் மாரியம்மன் கோவிலிருந்து திருமணம் நடத்தும் பந்தலுக்கு அழைத்துவரப்பட்டபோது, முதலில் வந்த ஜோடியினர் முதல்வரின் படத்தை ஏந்தி ஊர்வலமாக வந்தனர்.

இது குறித்து பிபிசி தமிழோசையிடம் பேசிய, உடுமலைப்பேட்டை நகராட்சியின் துணைத் தலைவர் கண்ணாயிரம், "நாங்கள்தான் திருமணம் செய்துவைக்கிறோம். அதில் முதல்வரின் படம் தலையில் மாட்டினால் என்ன தவறு? மணமக்கள் அதனைப் பெருமையாகவே நினைத்தனர். யாரும் புகார் சொல்லவில்லை" என்று கூறினார்.

இது தொடர்பாக எழுந்திருக்கும் விமர்சனங்கள் குறித்து கேட்டபோது, பொள்ளாச்சி ஜெயராமனுக்கு எதிராக கட்சிக்குள்ளேயே இருக்கும் கோஷ்டியினர்தான் இம்மாதிரி செய்வதாக அவர் கூறினார்.

நன்றி பிபிசி தமிழ்

by **ayyasamy ram** Mon Feb 08, 2016 7:35 am

அரசு பணத்தில் திருமணம் நடந்திருந்தால்தான்
கேள்வி கேட்க நியாயமிருக்கிறது...!
-
மேலும், ஸ்டிக்கர் ஒட்ட மறந்தார்கள் என்றால்தான்
அது செய்தி...!!
-

by **krishnaamma** Mon Feb 08, 2016 9:59 am

என்னத்தை சொல்றது....இது எதுல போய் முடியுமோ?................ஒரு அளவே இல்லாமல் போகிறது, நான் அன்று சொன்னது போல toilet tissue ல தான் அந்தம்மா படம் இன்னும் போடலை............. என்ன கொடுமை சார் இது

by **ராஜா** Mon Feb 08, 2016 12:41 pm

ஏண்டா உங்களுக்கெல்லாம் வெட்கமே இல்லையடா .... என்ற சந்தானம் வசனம் தான் ஞாபகத்துக்கு வருது

by **M.Jagadeesan** Mon Feb 08, 2016 1:33 pm

இதையெல்லாம் அந்த அம்மையார் தடுத்து நிறுத்தாமல் ,பார்த்து ரசிக்கிறார் என்பதுதான் வேதனையிலும் வேதனை !

by **மாணிக்கம் நடேசன்** Mon Feb 08, 2016 3:03 pm

இப்படியே போனால் உருப்படும் தமிழகம், இந்த தமிழ் மக்கள் என்று தான் திருந்துவார்களோ???? தமிழகத்தை ஒரு தமிழன் தான் ஆள வேண்டும்.

by **krishnaamma** Mon Feb 08, 2016 6:33 pm

M.Jagadeesan wrote:இதையெல்லாம் அந்த அம்மையார் தடுத்து நிறுத்தாமல் ,பார்த்து ரசிக்கிறார் என்பதுதான் வேதனையிலும் வேதனை !

எய்தவரே அவர்தானே ஐயா!..............அது தான் வருந்தத்தக்கது.............. சோகம்

.....முதலில் சென்ற மணமக்கள்
'அவங்க' படத்தை ஏந்தி போனாங்களாம்,........இவங்க அதுக்காகவே வந்த setup தம்பதிகளோ என்று நினைக்கத் தோன்றுகிறது சோகம்

by **krishnaamma** Mon Feb 08, 2016 6:34 pm

மாணிக்கம் நடேசன் wrote:இப்படியே போனால் உருப்படும் தமிழகம், இந்த தமிழ் மக்கள் என்று தான் திருந்துவார்களோ???? தமிழகத்தை ஒரு தமிழன் தான் ஆள வேண்டும்.

மேற்கோள் செய்த பதிவு: 1192580

மாமா, நீங்க எப்ப வரீங்க தமிழ் நாட்டுக்கு? புன்னகை

by யினியவன் Tue Feb 09, 2016 12:55 am

குடும்ப கட்டுப்பாடு திட்டம் எப்படி அம்மா ப்ரொமோட் செய்வாங்கன்னு தெரிஞ்சுக்க ஆவலா இருக்கே புன்னகை

by யினியவன் Tue Feb 09, 2016 12:59 am

மாணிக்கம் நடேசன் wrote:இப்படியே போனால் உருப்படும் தமிழகம், இந்த தமிழ் மக்கள் என்று தான் திருந்துவார்களோ???? தமிழகத்தை ஒரு தமிழன் தான் ஆள வேண்டும்.

மாணிக்க வீணை ஏந்தும்
மலேஷிய கலைவாணரே
தேன் தமிழ் சொல் எடுத்து
திருத்த தமிழ்நாடு வாங்கன்னு

காத்திருக்கோம் அய்யா புன்னகை

by Sponsored content

மணமக்களின் தலையிலும் முதல்வரின் "ஸ்டிக்கர்"

மணமக்களின் தலையிலும் முதல்வரின் "ஸ்டிக்கர்"

Re: மணமக்களின் தலையிலும் முதல்வரின் "ஸ்டிக்கர்"

Re: மணமக்களின் தலையிலும் முதல்வரின் "ஸ்டிக்கர்"

Re: மணமக்களின் தலையிலும் முதல்வரின் "ஸ்டிக்கர்"

Re: மணமக்களின் தலையிலும் முதல்வரின் "ஸ்டிக்கர்"

Re: மணமக்களின் தலையிலும் முதல்வரின் "ஸ்டிக்கர்"

Re: மணமக்களின் தலையிலும் முதல்வரின் "ஸ்டிக்கர்"

Re: மணமக்களின் தலையிலும் முதல்வரின் "ஸ்டிக்கர்"

Re: மணமக்களின் தலையிலும் முதல்வரின் "ஸ்டிக்கர்"

Re: மணமக்களின் தலையிலும் முதல்வரின் "ஸ்டிக்கர்"

Re: மணமக்களின் தலையிலும் முதல்வரின் "ஸ்டிக்கர்"