சுறுசுறுப்பும் சிக்கனமும் இருந்தால்…

by **ayyasamy ram** Mon Feb 01, 2016 5:25 am

-
* நான் என்ன செய்ய வேண்டும் என்பதே என் கவலை!…..என்னைப் பற்றி என்ன நினைக்கிறார்கள் என்பதல்ல.

– எமர்சன்

* யாரை வேண்டுமானாலும் எதை வேண்டுமானாலும் சாதிக்க வைக்கக் கூடிய ஒரே வழி…, சாதிக்கும் ஆர்வத்தை அவர்களுக்குள் விதைப்பதுதான்.

– டேல் கார்னகி

* வாழ்வில் வெற்றி பெறவும், ஒவ்வொரு நாளும் மகிழ்ச்சியாகவும் அதே நேரத்தில் செயல் நிறைந்த நாளாக வாழவும் மிகவும் முக்கியமான தேவை அமைதியான மனம்தான்.

– கானோபஸ்

* செல்வத்தை அடையும் வழி தெளிவாக உள்ளது. அது இரண்டு சொற்களில் அடங்கி இருக்கிறது. ஒன்று சுறுசுறுப்பு! மற்றொன்று சிக்கனம்!

– பிளாட்சர்

* உழைப்பதற்குத் தேவைப்படும் வலிமையான கரங்களைவிட உங்களது இலட்சியங்களில் வலிமை அதிகமாக இருக்க வேண்டும்.

– கிங்ஸ்

* நம்மைவிட பிறர் அதிகமாக அறிந்திருந்தால் அதற்காக நாம் வெட்கப்பட வேண்டியதில்லை. ஆனால் நாம் அறியக் கூடியதை எல்லாம் அறியவில்லையானால் அப்போது நிச்சயமாய் நாண வேண்டியதுதான்.

– ஜேம்ஸ் அகஸ்டஸ்

* சந்தர்ப்பம் வரும்பொழுது அதைப்பற்றிப் படித்துப் பயன்படுத்திக் கொள்வதில்தான் வாழ்க்கையில் வெற்றி பெறுவதற்கான இரகசியம் முழுவதும் அடங்கக் கிடக்கின்றது.

– டிஸ்ரேலி

* சோம்பேறி இரண்டு முட்களும் இல்லாத கடிகாரம்! அது நின்றாலும் ஓடினாலும் உபயோகமில்லை.

– வில்லியம் கெளப்பர்

* பிறரிடம் உள்ள குறைகளைச் சுட்டிக்காட்டுவது அவருக்கு நன்மை செய்வதுதான். ஆனால் அதனினும் உயர்வானது அவரிடம் உள்ள நிறைகளைப் பாராட்டுவது.

– லாங்ஃபெல்லோ

============

தொகுத்தவர்:.ராஜா ரகுமான்