ஞாபக மறதி

by bvcxz54321 Sat Jan 09, 2016 10:13 am

சூரியன் உதிக்க மறந்ததால்
அது இரவு ஆனது.
அருவிகள் தன் ஓடையை மறந்ததால்
அது கடல் ஆனது.
தண்ணீர் இந்த நிலத்தை மறந்ததால்
அது மேகம் ஆனது.
மரங்கள் நடக்க மறந்ததால்
அது விறகு ஆனது.
பூக்கள் தன் வாடையை மறந்ததால்
அது வாடிப்போனது
நெல் தன் உமியை மறந்ததால்
அது அரிசி ஆனது
வயல் தன் விதையை மறந்ததால்
அது அறுவடை ஆனது
புத்தர் தன் உடம்பையே மறந்ததால்
அவருக்கு ஞானம் வந்தது
நாளை மறந்தவர்களுக்கு
நேற்று அவர்களுடைய வரலாறு ஆனது

by நமண்டி ராஜசேகரன்

by **M.Jagadeesan** Sat Jan 09, 2016 10:39 am

கருத்துள்ள கவிதை ! எழுத்துப் பிழைகள் உள்ளதால் கவிதையை ரசிக்க முடியவில்லை .

by bvcxz54321 Sat Jan 09, 2016 10:42 am

நன்றி .............சரிசெய்கிறேன்

by **T.N.Balasubramanian** Sat Jan 09, 2016 3:06 pm

bvcxz 54321,
திருத்தங்கள் செய்யப்பட்டன . உங்களால் ,பதிவிட்டதை திருத்த முடியாது .

உங்கள் ஊர் நமண்டி என்று கூறியுள்ளீர் .
பெயர் ராஜசேகரன் என்கிறீர் !
நமண்டி ராஜசேகரன் , நீங்கள்தானா ?
அப்போது ஏன்"ரசித்த கவிதைகள்" பகுதியில் பதிவிடுகிறீர்கள் ? சொந்த கவிதைகள் பகுதியில்
பதிவிடலாமே !

உங்கள் பதிவுகளை பதிவிடும் முன் ஒரு முறைக்கு இரு முறை சரி பார்க்கவும் .

ஆழ்ந்த கருத்துகள் உள்ள அருமையான .கவிதை .தொடருங்கள்

திருத்தமுடியாமல் மறுமுறை வந்த பதிவு #4 , நீக்கப்படுகிறது .

ரமணியன்

by **T.N.Balasubramanian** Sat Jan 09, 2016 3:16 pm

நீங்கள்தான் நமண்டி ராஜசேகரன் என்றால் ,
இந்த கவிதையை ரசித்த கவிதையில் இருந்து
சொந்த கவிதைக்கு மாற்றுகிறேன் .

உங்கள் பதிலுக்காக காத்து உள்ளேன் ,மாற்றத்திற்கு .

ரமணியன்