வில்லி எஃபெக்ட் வீட்டில் ரிஃப்ளெக்ட்!

by **ayyasamy ram** Tue Jan 05, 2016 5:30 pm

-
வில்லிகள் தான் சின்னத்திரையில் இன்று வி.ஐ.பி.க்கள்.
வில்லி சரியில்லன்னா சீரியல் ஃப்ளாப். இந்த சீக்ரெட்டைத்
தெரிஞ்சுகிட்ட ரேகாகுமார் அழகான வில்லி! ஷூட்டிங்
கேப்பில் அவர் சொன்ன சுயபுராணம்…
–
* கர்நாடகாவுல இன்னிக்கு ஹாய் ஸ்ரீலஷ்மின்னுதான் கிட்ட
வருவாங்க. அங்க முதல் சீரியல் மாயமிருசாவுல கேரக்டர்
பெயர் அது.

தமிழ்நாட்டுல அண்ணி யாரேங்கிறாங்க. என்னோட ஒரிஜினல்
பேரு ரேகாகுமார். எனக்கே மறந்துடும் போல!
–
* பதினேழு வருஷத்துக்கு முன்னாடி கன்னட இண்டஸ்ட்ரியில
ஸ்டார்ட் ஆன பயணம், மலையாளம், தெலுங்கு தாண்டி தமிழ்
தொலைக் காட்சி பக்கம் வந்திருக்கு. அடுத்த டார்கெட் தமிழ் மூவிஸ்.
–
* ஸ்டேஜ்ல டான்ஸ் ஷோ பண்ணின டைம்ல ஜட்ஜா வந்த
வசந்த குமாருக்கு என் மேல லவ் சேம் டூ யூ சொல்லி கல்யாணம்
பண்ணிக்கிட்டேன். கோரியோகிராஃபியர், கன்னடத்தில் ஆக்டர்,
அட்வகேட்னு அவருக்கு மூணு முகம்.
–
* ஒரே மகள் பூஜா 8வது படிக்கிறா. முன்னாடியெல்லாம் சாஃப்டா
இருப்பியேம்மா; இப்ப ஏன் கடுகடுன்னு இருக்கனு ஒருநாள் கேட்டா.
வில்லி எஃபெக்ட் வீட்டுல ரிஃப்ளெக்ட் ஆகுதுன்னு அன்னிக்குத்தான்
தெரிஞ்சது. இப்ப மெடிட்டேஷன் மூலமா கொஞ்சம் கட்டுப்படுத்தி
இருக்கேன்.
–
* தங்கப்பதக்கம் கன்னட ரீமேக்ல நடிச்சிருக்கேன்.
அப்ப சிவாஜி சார் பத்தி தெரிஞ்சுகிட்டேன். இப்ப சீரியல்ல நிர்மலாம்மா
கூட நடிக்கிறதை பெருமையா ஃபீல் பண்றேன். அவங்க வெண்ணிற
ஆடை நாட்களோட அனுபவங்களையெல்லாம் சொன்னாங்க.
–
* ராமாயணம் ரொம்பவே பிடிக்கும். அதுல சீதா – லக்ஷ்மணன் ரெண்டு
பேருக்கிடையே நடந்த வாக்குவாதமே எல்லாத்துக்கும் காரணம்.
அண்ணி… கொழுந்தன் உறவுக்கு அவங்கதான் பெஸ்ட் உதாரணம்.
அப்புறம் ஒரு விஷயம். இப்ப எனக்கு தமிழ்நாட்டுல நிறைய
கொழுந்தன்கள்!
–
————————————–
– அய்யனார் ராஜன்
kumudam