"அதிமுக-பாஜக மற்றும் திமுக-தேமுதிக கூட்டணிகள் உருவாகலாம்"

பி பி சி தமிழ்
Friday, 01 Jan, 6.51 pm
"அதிமுக-பாஜக மற்றும் திமுக-தேமுதிக கூட்டணிகள் உருவாகலாம்"

இந்த ஆண்டில் நடக்கவிருக்கும் தமிழ்நாடு சட்டமன்றத் தேர்தலில் அதிமுக பாஜக
கூட்டணி ஒருபக்கமும், திமுக தேமுதிக கூட்டணி மறுபக்கமுமாக
போட்டியிடுவதற்கான வாய்ப்புகள் அதிகம் என்கிறார் தமிழக
அரசியல் விமர்சகர் ஆர் முத்துக்குமார்.

இவை தவிர மக்கள் நலக்கூட்டணி மூன்றாவது அணியாகவும் பாமக
தனியாகவோ அல்லது பாஜகவுடனோ கூட்டணி அமைத்தும்
போட்டியிடக் கூடும் என்றும் அவர் தெரிவித்தார்.

மக்கள் நலக்கூட்டணியில் இடதுசாரிகள் மட்டும் உறுதியாக இருப்பார்கள்
என்று கூறும் முத்துக்குமார், வைகோவின் மதிமுகவும் திருமாவளவனின்
விடுதலை சிறுத்தைகள் கட்சியும் அந்த கூட்டணியில் நீடிப்பார்கள்
என்று உறுதியாகக் கூறமுடியாது என்றும் தெரிவித்தார்.

கண்ணுக்கெட்டியதூரம் வரை அஇஅதிமுகவுக்கு எதிரிகளே தென்படவில்லை
என்று கூறிவந்த அந்தக்கட்சியின் பொதுச் செயலாளரும் தமிழக
முதல்வருமான ஜெ ஜெயலலிதா நேற்று வியாழக்கிழமை நடந்த
கட்சியின் பொதுக்குழுவில் தமிழ்நாடு சட்டமன்றத் தேர்தலில்
சூழலுக்கு ஏற்ப கூட்டணி வியூகம் வகுக்கப்படும்
என்று அறிவித்திருந்தார்.

by **ayyasamy ram** Sun Jan 03, 2016 9:24 am

மத்தியில் ஆளும் கட்சியுடன் கூட்டணி
என்பது விவேகமான செயலே..!!
-

ayyasamy ram wrote:மத்தியில் ஆளும் கட்சியுடன் கூட்டணி
என்பது விவேகமான செயலே..!!
-

மேற்கோள் செய்த பதிவு: 1184833
கூட்டணி பற்றி பேசுவோர் பேச்சில் அப்படி தோன்றவில்லையே??

by **M.Jagadeesan** Sun Jan 03, 2016 8:57 pm

லேடியா மோடியா என்றே கேட்டவர்
...மோடியைத் தேடிப் போவானேன் ஓடி ?
ஆடிப் போனாரோ அவசர வெள்ளத்தில் ?
...அம்மியும் காற்றிலே பறந்து போனதுவோ ?
தேடியே பார்த்தாலும் எதிரிகள் இல்லையென்றார்
....தேய்ந்தபின் போதிமரப் புத்தன் ஆனாரோ ?
நாடியைப் பார்த்து குறிசொல்லும் ஜோதிடர்
...நம்புதற்கு இல்லையென நவின்றதால் இருக்குமோ ?

by **T.N.Balasubramanian** Sun Jan 03, 2016 9:02 pm

அதிமுக --பாஜக ---இது சாத்யம்
திமுக -தேமுதிக ---சந்தேகம் . அப்பிடியே உருவாகி , ஜெயித்தால் , முதல்வர்
கருணாவா/ ஸ்டாலினா / விஜயகாந்தா ?

மண்டை குழம்புதே .
ரமணியன்

by யினியவன் Sun Jan 03, 2016 9:04 pm

ayyasamy ram wrote:மத்தியில் ஆளும் கட்சியுடன் கூட்டணி
என்பது விவேகமான செயலே..!!
-

விவேகம் அல்ல விவகாரமாகிவிடும் என்ற தோல்வி பயம்

தனியே ஆடிய சதிராட்டத்தில் பேஸ்மட்டம் ஆட்டம் கண்டுவிட்டதே

by **M.Jagadeesan** Sun Jan 03, 2016 9:18 pm

T.N.Balasubramanian wrote:அதிமுக --பாஜக ---இது சாத்யம்
திமுக -தேமுதிக ---சந்தேகம் . அப்பிடியே உருவாகி , ஜெயித்தால் , முதல்வர்
கருணாவா/ ஸ்டாலினா / விஜயகாந்தா ?

மண்டை குழம்புதே .
ரமணியன்

மேற்கோள் செய்த பதிவு: 1184992

இசுடாலின் முதல்வராய் ஆகின்ற பட்சத்தில்
...இருளொத்த வண்ணனாம் விஜய காந்திற்கு
கொசுறாகத் துணைமுதல்வர் கொடுத்திடுவார் ஆதலினால்
...கருணாவின் எதிர்காலம் கட்டாய ஓய்வாகும் !