வரலாற்றில் இன்று - ஜனவரி

by **விமந்தனி** Fri Jan 01, 2016 1:31 pm

1912 - சீனக் குடியரசு அமைக்கப்பட்டது.

சீனக் குடியரசு கிழக்கு ஆசியாவில் உள்ள ஒரு தீவு நாடாகும்.

1940 களின் பிறகு சீன குடியரசு, தாய்வான் அத்துடன் பெங்க்ஹு,கின்மேன், மாட்சு உட்பட சில தீவுக்கூட்டங்களை மட்டுமே ஆட்சி செய்து வருகிறது. பின்வந்த காலங்களில் சீனக் குடியரசானது தாய்வான் என்றே அழைக்கப்பட்டது.

தைவான் தீவு 17 ஆம் நூற்றாண்டின் போது டச்சு நாட்டவரால் கண்டுபிடிக்கப்பட்டது. அதுவரை அதன் பூர்வீக குடிமக்களாக தைவான் பழங்குடியினரினர் இருந்தனர்.

1624 ஆம் ஆண்டு சீலாண்டியா என்ற கோட்டையை டச்சு கிழக்கிந்திய நிறுவனத்தார் கட்டினார்கள். 1642 ஆம் ஆண்டு வரை வலிமையாக திகழ்ந்த இக்கோட்டை பின்னர் வீழ்ந்தது.

பின்னர் 1683 இல் சீனாவின் மிங் வம்சத்தை சேர்ந்த செங் ஜெங்சியோன் என்பவரால் தைவான் கைப்பற்றப்பட்டது. அதன் பின்னரே அதிக அளவில் சீன மக்கள் அங்கு குடியேற துவங்கினர் அவர்களில் பெரும்பான்மையினர் ஹான் சீன வம்சாவளியை சேர்ந்தவர்கள்.

அதன் பின்னர் 1891-94 வரை நடந்த முதலாம் சீன ஜப்பானிய போரில் கின் வம்சம் தோல்வியடைந்ததை அடுத்து தைவான் 1895 ல் ஜப்பான் நாட்டிற்கு விட்டுக்கொடுக்கப்பட்டது.

சீனக் குடியரசானது 1912 இல் கடைசி சீன அரசவம்சமான கின் அரச வம்சத்தை நீக்கிவீட்டு அமைக்கப்பட்டதாகும். இத்தோடு இரண்டாயிரம் ஆண்டு பழைமையான சீன அரசாட்சி முடிவுக்கு வந்தது.ஆகவே இதுவே கிழக்காசியாவின் மிகப்பழைமையான குடியரசாகும்.

by **T.N.Balasubramanian** Fri Jan 01, 2016 2:12 pm

புத்தாண்டின் முதல் தின வரலாறு .
தினமும் வர , வர வர மகிழ்ச்சி ,

ரமணியன்

by **krishnaamma** Fri Jan 01, 2016 2:31 pm

விமந்தனி தலைப்பில் ஜனவரி என்று போடுங்கோ புன்னகை

.திரி தொடர வாழ்த்துகள் !............... அன்பு மலர்

by **விமந்தனி** Fri Jan 01, 2016 2:36 pm

krishnaamma wrote:விமந்தனி தலைப்பில் ஜனவரி என்று போடுங்கோ .திரி தொடர வாழ்த்துகள் !...............

ஓ.....! இன்னமும் நான் டிசம்பரிலேயே இருக்கிறேன்..... புன்னகை

(மாற்றிவிட்டேன்)

நினைவு படுத்தியதற்கு நன்றி கிருஷ்ணாம்மா.

by **விமந்தனி** Sat Jan 02, 2016 1:35 am

வரலாற்றில் இன்று - ஜனவரி XpQvOREhRduZGDsiWncU+january-2

1876 - மீனாட்சி சுந்தரம் பிள்ளை, தமிழறிஞர் இறந்த தினம் இன்று.

மீனாட்சி சுந்தரம் பிள்ளை (ஏப்ரல் 6, 1815 - ஜனவரி 2, 1876; திருச்சிராப்பள்ளி, தமிழ்நாடு) சிறந்த தமிழறிஞர்.

உ. வே. சாமிநாதையரின் ஆசிரியர். திருவாவடுதுறை ஆதீனத் தலைவர் அம்பலவாண தேசிகர் இவருக்கு ‘மகாவித்வான்’ என்ற பட்டத்தை அளித்துச் சிறப்பித்தார்.

திருவாவடுதுறை மடத்தின் தலைமைப் புலவராகத் திகழ்ந்தார். சீர்காழியில் முன்சீப்பாக பணியாற்றிய தமிழில் முதல் புதினமான பிரதாப முதலியார் சரித்திரத்தை எழுதிய மாயூரம் வேதநாயகம் பிள்ளையுடன் நெருங்கிய நட்புக் கொண்டிருந்தார்.

அவர் மீது வைத்திருந்த பெருமதிப்பின் காரணமாக, அவரைப் பாராட்டி ‘குளத்துக்கோவை’ என்னும் நூலை இயற்றினார்.