சென்னையைப்போல் கொட்டி தீர்த்த கனமழையால் வெள்ளத்தில் மிதக்கும் இங்கிலாந்து

-

-
லண்டன்: கடந்த 50 ஆண்டுகளில் இல்லாத அளவுக்கு இங்கிலாந்தின் வடபகுதியில் நேற்று முன்தினம் காலையில் இருந்து நேற்று காலை வரை கனமழை கொட்டித் தீர்த்தது. இதனால் பல நகரங்கள் வெள்ளத்தில் மூழ்கி உள்ளன. ஆறுகளில் வெள்ளப்பெருக்கு ஏற்பட்டுள்ளன. இங்கிலாந்தில் வடபகுதியில் கடந்த ஒரு மாதமாக அவ்வப்போது மழை பெய்து வருகிறது. இந்நிலையில், நேற்று முன்தினம் முதல் விடாது மழை பெய்ய ஆரம்பித்தது. காலையில் தொடங்கிய மழை, நேற்று அதிகாலை வரை தொடர்ந்து. இதனால் கிரேட் மான்செஸ்டர், லீட்ஸ், யார்க்ஷையர் ஆகியவற்றில் பெருமளவிலும், ஸ்காட்லாந்து மற்றும் வடக்கு வேல்சில் ஆகியவற்றில் ஒரு சில பகுதிகளிலும் வெள்ளத்தில் மூழ்கியுள்ளன. ஆறுகளில் வெள்ளப்பெருக்கு ஏற்பட்டுள்ளது.

சுமார் ஒரு மாத காலத்தில் பெய்யும் மழை நேற்று முன்தினம் ஒரே நாள் இரவில் கொட்டித் தீர்த்துள்ளதாக வானிலை ஆய்வு மையம் தெரிவித்துள்ளது. பல நகரங்களில் 6 அடிக்கு உயரத்துக்கு வீடுகள் தண்ணீரில் புகுந்துள்ளது. சாலைகளில் வெள்ளம் பெருக்கெடுத்து செல்வதால், வாகனங்கள் அனைத்தும் மிதக்கின்றன. இதன் காரணமாக ஏராளமான மக்கள், தங்கள் வீடுகளை பாதுகாப்பான இடங்களுக்கு அப்புறப்படுத்தப்பட்டனர். சுமார் 2,000 வீடுகள் வெள்ளத்தில் சேதம் அடைந்துள்ளதாக தெரியவந்துள்ளது. இதைத் தொடர்ந்து, இங்கிலாந்தின் பேரிடர் மீட்பு படையினர் உடனடியாக களம் இறங்கினர். வெள்ளத்தில் மிதந்த வீடுகளில் இருந்தவர்களை, அவர்கள் பாதுகாப்பாக வேறு இடங்களுக்கு படகில் அழைத்து சென்றனர். படகு செல்ல முடியாத இடங்களில், ஹெலிகாப்டர் மூலம் பொதுமக்கள் மீட்கப்பட்டனர்.

சம்மர்சீட் என்ற இடத்தில், ஆற்றில் மீது அமைந்துள்ள பாலத்தில் கட்டப்பட்ட 200 ஆண்டு பழமையான பப் ஒன்று வெள்ளத்தில் அடித்து செல்லப்பட்டு முற்றிலும் சேதம் அடைந்தது. வட இங்கிலாந்தில் இயற்கையால் ஏற்பட்ட இந்த சோகத்தால் ஆயிரக்கணக்கான மக்கள் பாதிக்கப்பட்டுள்ளனர். அவர்களுக்கு உதவ பொதுமக்கள் தாராளமாக நன்கொடை வழங்கும்படி பல தன்னார்வ தொண்டு நிறுவனங்கள் வேண்டுகோள் விடுத்துள்ளன. இதற்கிடையே, பாராகுவே, அர்ஜென்டினா, உருகுவே, பிரேசில் ஆகியவற்றில் கடந்த 50 ஆண்டுகளில் இல்லாத அளவுக்கு நேற்று கனமழை கொட்டித் தீர்த்தது. இதனால் சுமார் ஒன்றரை லட்சம் பேர் பாதுகாப்பான இடங்களுக்கு அப்புறப்பட்டுள்ளனர். சென்னையில் கடந்த சில நாட்களுக்கு முன்பு கனமழை கொட்டித்தீர்த்தது. அதேபோன்று இப்போது இங்கிலாந்து உள்ளிட்ட நாடுகளிலும் கனமழை கொட்டித் தீர்த்துள்ளது. இதற்கு முக்கிய காரணம், மாறிவரும் பருவநிலை மாற்றமே காரணம் என்கின்றனர் வானியல் நிபுணர்கள்.
=
தினகரன்

பழ.முத்துராமலிங்கம் wrote:

அங்கு செம்பரம்பாக்கம் போல் ஏதாவது ஏரி இருந்து அதை ஒரே நேரத்தில் திறந்து
வெள்ளத்தை உருவாக்கியுருப்பர்கள் அங்குள்ள ஆட்சியாளர்கள் என்று நினைக்கிறேன்.
திமுக பிரதிநிதி ஒருவருவரை அவர்கள் அழைத்தால் உடன் அவர்கள் தீவிரமாக
ஆய்வு செய்து உண்மையை வரவித்து விடுவதுடன் நீதி விசாரணைக்கு பரிந்துரைப்பர்.
இது இயற்கையின் சீற்றமோ அல்லது கனமழையோ அல்ல ,ஆட்சியாளரின் தவறான
நிர்வாகம் தான் என்பதை கட்டாயம் எப்பாடுபட்டாவது நிருபிக்கக் போராடுவார்கள்.

மேற்கோள் செய்த பதிவு: 1183556

மாற்றுக்கருத்து தேவை தான், ஆனால் உங்களின் பின்னூட்டம் அரசின் செயல்பாடு நியாயமானது என்பது போல உள்ளது.