காதல் போதையில் நான்.

by கயல் vizhi Wed Dec 23, 2015 1:50 pm

கொடுப்பதில் கர்ணனாய்
இருந்த போதும் -என்னிடம்
கஞ்சத்தனம் செய்யும் உன் பார்வைக்காய் காத்திருக்கின்றது
விழிகள் .

இளையராஜாவும் எம்.எஸ்.வியும்
இணைந்தே என்னுள் இசையமைக்கின்றார்கள்
என்னை நீ கடந்துசெல்லும்
இரண்டொரு நொடிகளில் .
உன் தினக்குறிப்பேட்டை
தினமும் முத்தமிட வைக்கிறது எச்சில் தடவப்பட்ட
பக்கங்கள் .

காதறுத்த உன் செருப்பும்
என் மஞ்சத்தோடு ஒட்டிக்கிடக்கிறது
பரதனின் ஆட்சி பீடத்தில்
ராமரின் அடையாளமாய் .

அதிகாலை பனியின் இதமான சுகத்தை மிஞ்சி என் கன்னத்தோடு ஒட்டிக்கொள்கின்றது
குழந்தைக்கென நீ கொடுத்த
பறக்கும் முத்தம் .

தலையணைகள் தன்னை தழுவுதலுக்கு தடைவிதித்துவிட்டன
கனவில் உன் சில்மிஷங்கள்
அத்துமீறிவிட்டனவாம் .

உன் அன்னையின் கருவறை மேல்
பொறாமைப்பட்டுக்கொள்கிறது என்
இதயம்
உன்னை எனக்கு முதல் சுமந்துவிட்டதால் ...!! !

by **ராஜா** Wed Dec 23, 2015 2:11 pm

காதல் போதை அருமை ,

அறிமுக பகுதியில் சென்று உங்களை பற்றி அறிமுகபடுத்திகொள்ளுங்கள்

by **மாணிக்கம் நடேசன்** Wed Dec 23, 2015 2:38 pm

வரும்போதே இப்படி ஒரு போதையா? வணக்கம் அன்புடன் வரவேற்கிறேன்.

by **T.N.Balasubramanian** Wed Dec 23, 2015 6:51 pm

கவிதை vazhi யே, ஈகரை புகுந்தவளே ,
கயல் vizhi யே , பெயரில் ஏன்
தமிழ் பாதி ஆங்கிலம் மீதி ?

வருக கயல்விழியே , உங்களை பற்றிய விவரங்களை , அறிமுகப்பகுதி சென்று
தெரியப்படுத்துங்கள்

ரமணியன்