மரணம்

by சசி Sat Dec 19, 2015 7:58 pm

மரணத்தின் வலியை
வார்த்தைகளால்
விவரிக்க முடியாது!

மரணம் தழுவும்
நேரம் மனிதனின்
எண்ணம்
என்னவாக இருக்கும்??

உயிர் மட்டும்
உடலை விட்டு
செல்லும் நிகழ்வா மரணம்??

உறவுகள்
உணர்வுகள்
ஒன்றுக்கும்
இத்தருணத்தில்
வேலை இல்லை!

எண்ணங்கள்
எங்கு போயின??
விடை தெரியாத
விவரிக்க முடியாத
வாழ்க்கை தான்
மனித வாழ்க்கை!!

மரணம் தழுவும்
நேரம் மனதில்
அமைதி மட்டும்!

இதயம் நின்று விடும்
நேரம் இவ்வுலகில் ஒன்றும் இல்லை
என்ற எண்ணம் மட்டுமே
இருக்க கூடும்!

மகான்கள் மரணத்தை
வாழும் காலத்தில்
தழுவுகிறார்கள்!
ஏனெனில் பற்று அற்ற
நிலைதான் மரணம்!!

வாழும் வாழ்க்கையில்
பற்று அற்ற
நிலையாய்
பட்டினத்தார் போல்
வாழ்ந்தால் மரணமும் மகிழ்ச்சியே!!

by **krishnaamma** Sat Dec 19, 2015 8:09 pm

அருமை சசி

.......ஆழ்ந்த கருத்துகள் ! ............... மகிழ்ச்சி

by **M.Jagadeesan** Sat Dec 19, 2015 10:09 pm

மரணம் என்பது உறக்கம் போல
...மறுபடி பிறத்தல் விழித்தல் போல
மரணம் இன்றேல் உலகம் அழியும்
...மரணம் ஒன்றே உலகை இயக்கும் !
மரணம் ஒருவனைத் தழுவும் முன்னர்
...மற்றவர் தமக்கு உதவிகள் செய்தால்
மரணம் அவனை சொர்க்கம் என்னும்
...மறுமை உலகில் கொண்டு சேர்க்கும் !

சசி wrote:
மரணம் தழுவும்
நேரம் மனிதனின்
எண்ணம்
என்னவாக இருக்கும்??

மேற்கோள் செய்த பதிவு: 1181611
சசி அப்பாவின் பிரிவு வலி தெரிகிறது உங்கள் கவிதையில்.

M.Jagadeesan wrote:மரணம் என்பது உறக்கம் போல
...மறுபடி பிறத்தல் விழித்தல் போல
மரணம் இன்றேல் உலகம் அழியும்
...மரணம் ஒன்றே உலகை இயக்கும் !
மரணம் ஒருவனைத் தழுவும் முன்னர்
...மற்றவர் தமக்கு உதவிகள் செய்தால்
மரணம் அவனை சொர்க்கம் என்னும்
...மறுமை உலகில் கொண்டு சேர்க்கும் !

மேற்கோள் செய்த பதிவு: 1181679
ஜெகதீஸ் அருமை மரண கவிதை.