மழை நீரில் நமது இல்லங்கள் மிதக்க நாமும் ஒரு காரணமே…

@fradu_01
சைதாப்பேட்டை பாலத்துல நின்னு, அமைதியா ஓடுற
வெள்ள நீரைப் பார்த்து, ‘‘நீயாடா என்னைக் கொல்லப்
பார்த்த?’’ன்னுதான் கேக்க தோணுது! அவ்ளோ அமைதியா
ஓடுது!
–
———————————————–

மழை நீரில் நமது இல்லங்கள் மிதக்க நாமும் ஒரு காரணமே,

1. இடம் குறைந்த விலையில் கிடைக்கிறது என்பதற்காக
ஆக்கிரமிப்பு இடங்களை வாங்குவது

2. பெரிய ஆட்கள் ஆக்கிரமிக்கும்போது நமக்கேன் வம்பு
என்று ஒதுங்கிப் போவது
–
3. நம் வீடு சுத்தமானால் போதும் என்று நினைத்து
குப்பைகளை சாக்கடையில் கொட்டுவது
–
4. கடைக்காரர்களிடம் பிளாஸ்டிக் பைகள் கேட்டு சண்டை
போடுவது, தடை செய்யப்பட்டபோதும்
–
5. இவ்வளவு பெரிய பிரச்னைகள் வந்தும், இன்னும் ஒரே
மாதத்தில் இதை மறந்து அவரவர் வேலைகளில் பிஸியாவது
–
– குமாரி ரமேஷ்
–
————————————————
–

இனிமேலாவது மஞ்சள் பையைத் தூக்கிக்கொண்டு
பிழைப்பு தேடி சென்னை செல்லும் வெளியூர் பேச்சிலர்கள்
தங்குவதற்குத் தாராளமாக வீடு கிடைக்கும்னு நம்புறேன்..!
–
– குமரேஷ் சுப்ரமணியம்
–
———————————————-
–

இந்த அரசு கஜானாங்குறாங்களே… அது எங்க இருக்கு?
எவ்ளோ காசு அதுக்குள்ள வைக்கலாம்..?
–
– திப்பு சுல்தான் கே
–
————————————————
–

@RavikumarMGR
எதிரியிடம் காட்டி பெருமைப்பட்ட பிறகு அலுத்து விடுகிறது
வெற்றி!
–
————————————————–
–

அடகுக் கடைகள் மட்டும் இவ்வளவு கலவரத்திலும் மூடப்
படவில்லை. தமிழ் தொலைக்காட்சி சத்தமே அன்றைக்குத்தான்
அவர்களின் கடையில் கேட்டது. ஏ.டி.எம்களும் இயங்காததால்
எல்லோரும் அங்குதான் போனார்கள்.
–
– வாசு முருகவேல்
–
————————————————
–

@RavikumarMGR
ஃபேஸ்புக்ல ஒரு கமென்ட் பாத்தேன்.
அடுத்த பட ரிலீசுக்காக சித்தார்த் இதெல்லாம் பண்றாராம்!
அப்புறம் ஏன்டா உன் வீட்ல முட்டியளவு தண்ணி வராது..?
–
—————————————-
–

ஒரு காலத்தில் காற்றில் இலைகள் மிதந்தன;
இப்போதெல்லாம் பாலித்தீன் கவர்களே மிதக்கின்றன!
–
– வினோத் குமார்
–
———————————————-

குங்குமம்