சின்னப் பறவையே என்னோடு நட்புக் கொள்ள வா

by **ayyasamy ram** Sat Dec 05, 2015 10:11 am

-
சின்னப் பறவையே
என்னோடு
நட்புக் கொள்ள வா
என் அழைப்பை
அது கேட்கவில்லை
தானியம் சில
கொத்தித் திரிந்தது
-
சின்னப் பறவையே
உனக்கு
ஒரு கவிதை பாடுகிறேன்
என்னருகில் வா
என் அழைப்பை
அது கேட்கவில்லை
அலகில் குத்திய குச்சியை
திடீரென்று எறிந்துவிட்டு
கோபமாய் எழுந்து
மரக்கிளையில் ஆடியது
-
விலங்கும் சிறையும்
திட்டமும் செருக்கும்
கண்ணியமுடைய கவிஞர்!
நீயா எனக்கு கவிதை
சொல்லித்தரப் போகிறாய்
மன்னித்குக்கொள்
-
உந்தன் சிறக்கைகளையும்
உந்தன் கூரலகையும்
உந்தன் துடிப்பையும்
உந்தன் பாட்டையும்
எந்தன் குழந்தைகளுக்காக
கேட்பதற்காகவே அழைத்தேன்
-
என்ன கேள்வி என்னிடத்தில்
கேட்கவேண்டிக் கிடக்கிறது
அதோ!
நான் செல்லும் திசை தோறும்
வீழ்ந்தன
என் வலிய சிறகுகளும்தான்
பொருத்துன் குழந்தைகளுக்கும்
என்று பறந்து போனது
தன் பாட்டை வெளியில்
-
----------------------------
தா.பாலகணேசன்
வர்ணங்கள் கரைந்த வெளி -
கவிதை தொகுப்பிலிருந்து
(புலம் பெயர்ந்து பிரான்சில் வசிப்பவர்)
-