ஒற்றைக்கல் சிற்பம்

by **ayyasamy ram** Fri Oct 30, 2015 4:15 am

-
உலகில் மிகப் பெரிய ஒற்றைக் கல்லால் செதுக்கப்பட்ட
சிற்பம் “ஸ்பிங்ஸ்’.
கிசா பிரமிடு முன்பு உள்ள இந்த ஸ்பிங்ஸ் சிலைதான் இது.
இந்த ஸ்பிங்ஸ்ஸின் வயது சுமார் 4500 ஆண்டுகள் ஆகும்.
–
நூறு ஆண்டுகளுக்கு முன்புதான் இந்தச் சிலையின் முழு
உருவமே வெளியே தெரிய வந்தது. அதற்கு முன்பு வெறும்
தலை மட்டுமே வெளியே தெரிய, உடல் பாகம் மணலால்
மூடப்பட்டிருந்தது.
–
இந்த ஸ்பிங்ஸ் சிலை உண்மையில், தாடியுடன் இருந்தது.
அந்தத் தாடி சிதலம் அடைந்தது. அப்படி சிதைந்து விட்ட
தாடியின் பகுதிகள் கெய்ரோ அருங்காட்சியத்தில் பாது
காக்கப்பட்டு வருகின்றன.
–
சமீபத்தில், சிலையின் கால் பகுதிகள் மற்றும் விரங்கள்
போன்றவை புதுப்பிக்கப்பட்டன.
–
கிரேக்கத் தொன்மைக் கதைகளில் சிங்க உருவமும்
மனிதப் பெண்ணின் தலையும் கொண்டு மிருகத்துக்கு
“ஸ்பிங்ஸ்’ என்று பெயர்.
–
இந்தக் கிரேக்கக் கதைகளில் ஸ்பிங்ஸ் மிருகம் கேட்கும்
புதிர்களுக்குப் பதில் சொல்லாவிட்டால், அது அவர்களை
விழுங்கி விடுமாம்.
–
எகிப்தில் ஸ்பிங்ஸ் சிலைகளில் ஆண் தலையாக
வடிவமைக்கப்பட்டு, இருக்கும். அரசர்களின் கல்லறைகள்,
கோயில்கள் போன்றவற்றிற்குப் பாதுகாப்பாகவே,
இந்த ஸ்பிங்ஸ் சிலைகளை எகிப்தியர்கள் அமைத்திருந்தனர்.
–
எகிப்தில் இந்தச் சிலை அமைக்கப்பட்டபோது, இதன் பெயர்
என்னவென்று தெரியாது. ஒவ்வொரு காலகட்டத்தில்
பல்ஹிப், பில்ஹா, சுழல் ஹோல் ஹோர் எம் அக்ட்
என்றெல்லாம் அழைக்கப்பட்டிருக்கிறது.
–
எகிப்து அரசாங்கத்தின் ஆவணங்கள், தபால் தலைகள்,
காசுகள் போன்றவற்றில் உட்புற சிலையில் உருவம் பயன்
படுத்தப்படுகிறது.
–
—————————————–

– சு. இலக்குமண சுவாமி

மஞ்சரி