பிரதாப முதலியார் சரித்திரம்

by Hari Prasath Wed Oct 21, 2015 9:49 pm

பிரதாப முதலியார் சரித்திரம் 1857இல் எழுதப்பட்டு 1879இல் வெளியான தமிழ் மொழியின் முதல் புதினம் ஆகும். மாயூரம் வேதநாயகம் பிள்ளை அவர்களால் எழுதப்பட்ட இப்புதினம், தமிழ் இலக்கிய வரலாற்றில் ஒரு மைல் கல்லாக கருதப்படுகிறது.

அதுவரை செய்யுளையே பிரதான இலக்கிய வகையாகக் கொண்டிருந்த தமிழிற்கு உரைநடையிலிருந்த புனைகதை இலக்கிய வகை இந்நூலுடனேயே அறிமுகமானது. பிரதாப முதலியார் என்பவனைக் கதாநாயனாகக் கொண்டு இப்புதினம் எழுதப்பட்டுள்ளது. அவன் ஞானாம்பாள் என்பவளை திருமணம் செய்வதும் பின்னர் அவர்கள் பிரிவதும் அதன் பின்னர் எப்படிச் சேர்ந்தார்கள் என்பதும் நாவலாக எழுதப்பட்டுள்ளது.

இந்நாவல் ஆங்கிலம் உட்பட பல மொழிகளுக்கும் மொழிபெயர்க்கப்பட்டுள்ளது. அமர் சித்திரக் கதையாகவும் வெளிவந்துள்ளது. இப்பொழுதும் கூட இது பதிப்பிக்கப்படுவது குறிப்பிடத்தக்கது.

அத்தியாயம் வாரியாக படிக்க கீழே சொடுக்கவும்
பிரதாப முதலியார் சரித்திரம்
---------------------
விக்கிமூலம்

by Namasivayam Mu Wed Oct 21, 2015 10:33 pm

பிரதாப முதலியார் சரித்திரம் என்ற நூலினை ஒரு நூலகராக முப்பது ஆண்டுகளாக நான் கையாண்டிருந்தும் ஏனோ அதில் ஒரு பக்கம் கூட நான் வாசித்தது இல்லை.

by Hari Prasath Thu Oct 22, 2015 10:23 am

Namasivayam Mu wrote:பிரதாப முதலியார் சரித்திரம் என்ற நூலினை ஒரு நூலகராக முப்பது ஆண்டுகளாக நான் கையாண்டிருந்தும் ஏனோ அதில் ஒரு பக்கம் கூட நான் வாசித்தது இல்லை.

இப்போது கூட படியுங்கள் ஐயா,படிப்பதற்கு காலம் ஒரு தடை இல்லையே

by **M.Jagadeesan** Fri Oct 23, 2015 11:03 am

Namasivayam Mu wrote:பிரதாப முதலியார் சரித்திரம் என்ற நூலினை ஒரு நூலகராக முப்பது ஆண்டுகளாக நான் கையாண்டிருந்தும் ஏனோ அதில் ஒரு பக்கம் கூட நான் வாசித்தது இல்லை.

மேற்கோள் செய்த பதிவு: 1170743

ஐயா ! திருப்பதி லட்டை கையிலே வைத்துக்கொண்டு , சாப்பிடாமல் இருந்திருக்கிறீர்களே !