பழம்பெரும் நடிகை ’ஆச்சி’ மனோரமா காலமானார்.

by **ayyasamy ram** Sun Oct 11, 2015 6:20 am

-
தமிழ்த் திரையுலகில் "ஆச்சி' என அனைவராலும்
அன்போடு அழைக்கப்பட்ட பிரபல நடிகை மனோரமா (78)
சென்னையில் சனிக்கிழமை இரவு காலமானார்.
-
தினமணி

by **T.N.Balasubramanian** Sun Oct 11, 2015 7:12 am

பெண் நட்ஷத்திரங்களில் , பெண் சிவாஜி என்று பெயர் பெற்ற ,
மிக சிறந்த நடிகை .
இழப்பு நிரப்ப முடியா ஒன்று அழுகை

ரமணியன் .

by **ayyasamy ram** Sun Oct 11, 2015 7:20 am

பழம்பெரும் நடிகை ’ஆச்சி’ மனோரமா காலமானார். OJVvznjQQeYKV6TYLbaZ+manoramanomore

--
தென்னிந்தியாவின் ஐந்து முதலமைச்சர்களுடன் நடித்த
பெருமை கொண்டவர்.
-
அண்ணா மற்றும் கருணாநிதி இருவரும் நாடக மேடைகளில்
மனோரமாவுடன் நடித்திருக்கிறார்கள்.
-
எம்.ஜி.ஆர், ஜெயலலிதா மற்றும் ஆந்திர
முன்னாள் முதல்வர் என். டி. ராமராவ் ஆகியோருடன் இவர்
நடித்திருந்ததால் இந்த பெருமையை பெற்றிருந்தார்.
-
மனோரமா தமிழ்நாடு மாநிலத்தில் தஞ்சாவூர் மாவட்டத்திலுள்ள
மன்னார்குடியில் பிறந்தவர். இவரது இயற்பெயர் கோபி சாந்தா.
பத்மஸ்ரீ, தமிழ்நாடு அரசின் கலைமாமணி, தேசிய திரைப்பட விருது
போன்ற பல விருதுகளை பெற்றவர் மனோரமா.
-
பின்னணி பாடல்களையும் பாடியுள்ளார்.
-

by **T.N.Balasubramanian** Sun Oct 11, 2015 7:22 am

இயற்கையான மிகை இல்லா நடிப்பு அவரது .

ரமணியன்

மனோரமா ஆச்சி ஆத்மா சாந்தியடைய அனைவரும் ஆண்டவனை பிரார்த்திப்போம்.

by **M.Jagadeesan** Sun Oct 11, 2015 10:49 am

எத்தனை ஆண்டுகள் ! எத்தனைப் பாத்திரங்கள் !
அத்தனையும் அற்புதம் ! அற்புதம் ! - செத்தாலும்
சாகாது வாழ்கின்ற ஆச்சியே ! உந்தன்புகழ்
போகாது இவ்வுலகை விட்டு .

by சசி Sun Oct 11, 2015 11:04 am

அருமையான நடிப்பு திறமையால் அனைவரின் இதயத்திலும் இடம் பிடித்தவர்
பெண்களின் நகைச்சுவை ராணி .

by **ராஜா** Sun Oct 11, 2015 11:42 am

மனோரமா அவர்களின் ஆத்மா சாந்தியடைய இறைவனை வேண்டுகிறோம் சோகம்

by **விஸ்வாஜீ** Sun Oct 11, 2015 11:51 am

அம்மா ஆச்சி அவர்களின் ஆத்மா சாந்தியடைய ஆண்டவனை வேண்டுகிறோம்.
அழுகை

by **Dr.S.Soundarapandian** Sun Oct 11, 2015 7:19 pm

மனோரமா அவர்கள் சில ஆண்டுகளுக்கு முன் எழுதிய தன் வரலாற்றில் பால்ராஜ் என்றொரு மாமனிதரைக் குறிப்பிட்டிருந்தார் !அந்தப் பால்ராஜோடு நான் நெருங்கிப் பழகியவன் !அவர் காரைக்குடிக்காரர்; தமிழ்நாடு காங்கிரஸ் கட்சியில் பொதுக்குழு உறுப்பினராக (PCC member)இருந்தவர்.

பால்ராஜ் ஒரு கிறித்தவர் ; அவர் அப்போது நாடகங்களுக்கு விளக்கு ஏற்பாடு செய்யும் வேலையில் ஈடுபட்டிருந்தார் ; அப்படித்தான் மனோரமா என்ற சின்னப் பெண்ணைக் கண்டார் ! ‘இந்தப் பெண் இவ்வளவு அழகாகப் பாடுகிறாரே!?’ என்று வியந்தார் ! அதன் பிறகு அவர் எங்கெல்லாம் நாடகத்திற்கு விளக்கு ஏற்பாடு செய்கிறாரோ அந்த நாடகங்களில் மனோரமாவைப் பாடவைத்து நாடக உலகில் உறுதியான ஓர் இடத்தைப் பெற்றுத்தந்தார் பால்ராஜ் !
என்னிடம் மனோரமா பற்றிப் பலமுறை பால்ராஜ் கூறியுள்ளார். சுருக்கமாகச் சொன்னால் மனோரமா வெற்றிக்கு என் நண்பர் பால்ராஜ் ஒரு காரணமாக இருந்திருக்கிறார் என்ற எனது நினைவு இன்று நினைவுக்கு வர என் கண்ணில் நீர் ததும்புகிறது ! மனோரமா இப்போது போனார்; பால்ராஜ் அதற்கு முன்பு எப்போதோ போய்விட்டார் ! அழுகை