முடியட்டும் ! விடியட்டும் !!

by **M.Jagadeesan** Sun Sep 27, 2015 1:56 pm

இரவுப் பொழுது முடியட்டும் !
...இனிய காலை விடியட்டும் !
வரவுகள் வந்து குவியட்டும் !
...வசந்தம் வாழ்வில் சேரட்டும் !

மங்கையர் தாலி பெருகட்டும் !
...மனைகளில் இன்பம் நிலவட்டும் !
தங்கம் வீட்டில் குவியட்டும் !
...தவழும் குழந்தை பிறக்கட்டும் !

தூய அரசு மலரட்டும் !
...துன்பம் வாழ்வில் குறையட்டும் !
நேயம் மிக்க மனிதர்கள்
...வாழ்த்தில் நெஞ்சம் நிறையட்டும் !

மின்தடை இல்லா நிலைமாறி
...மிகுமின் சாரம் செய்திடுவோம் !
வன்முறை இல்லா தமிழ்நாட்டை
... வளர்க்க நாமும் முயற்சிப்போம் !

மதுவை ஒழிக்கும் அரசுக்கே
...மக்கள் நாமும் வாக்களிப்போம் !
விதவை மறுமணம் ஆதரித்தே
...விளங்கச் செய்வோம் அவர்வாழ்வை !

கண்மூடி வழக்கம் எல்லாமே
...மண்மூடிப் போகச் செய்திடுவோம் !
பெண்கள் அட்சய திருதியிலே
...தங்கம் வாங்குதல் தவிர்த்திடுவீர் !

பத்து பொருத்தம் பார்த்தபின்னே
...பந்தம் திருமணம் செய்கின்றார் !
பத்தே மாதம் முடிந்தபின்னே
...பந்தம் திருமணம் அறுக்கின்றார் !

பொருத்தம் என்பது மனத்தளவில்
...இருக்க வேண்டிய பொருளன்றோ !
எருக்கம் பாலில் யாரேனும்
...காபி கலந்து குடிப்பாரோ ?

வாஸ்து பார்த்து வீடுகட்டும்
...வழக்கம் இனிமேல் வேண்டாமே !
ஆஸ்திக் கென்று ஒருஆணும்
...ஆசைக் கென்று ஒரு பெண்ணும்

இரண்டு மட்டும் பெற்றிடுவோம்
...இனிதாய் இல்லறம் நடத்திடுவோம்
திரண்டு வந்திடும் வெண்ணெய்போல்
...திருமண வாழ்வை நடத்திடுவோம் !

by சிவனாசான் Sun Sep 27, 2015 2:23 pm

நல்ல கவிதை அன்பரே அருமை முடியட்டும் ! விடியட்டும் !! 3838410834

விலையில்லா பொருளை விரட்டிவோம்
..விவேகமுடன் வாழ்ந்து காட்டுவோம்.

முடியட்டும் ! விடியட்டும் !!

முடியட்டும் ! விடியட்டும் !!

Re: முடியட்டும் ! விடியட்டும் !!