மரம் – (கவிதை) -வாஸ்கி (தமிழில் அ.சீ.ரா) –

by **ayyasamy ram** Fri Sep 18, 2015 7:56 pm

-
நிமிர்ந்து நிற்கிறேன்,
நான் ஒரு மரம்.
என் தலைமுறைப் புயல்களின்
வரலாறெல்லாம்,
ஓயாமல், ஒழியாமல், முக்கிமுயன்று
வானை நோக்கி இழுக்கும்
என் கிளைகளில் பொறித்த எழுத்து.
–
என் பழங்களை விஞ்ஞானிகள்
எந்த இனத்தில் சேர்க்கிறார்களோ,
எனக்குத் தெரியாது.
என் கிளைகளில் கூடு கட்டும்
பறவைகளும்
அதைப்பற்றிக் கவலைப்படவில்லை.
–
என் வேரை எனக்குத் தெரியும்.
பாறையின் உள்ளுக்குள்
உள்ளுக்குள் உள்ளளே ஓடும்
உயிர்க்காற்றை, அது தேடிப் பெறுகிறது.
வெய்யில்.
ஆம், என்ன புயல் அடித்தாலும்
வெய்யில், என் உடன் பிறந்தவன்.
–
நான் குறைப்படுவதில்லை.
தனியே வளர்கிறேன், நிற்கிறேன், வாழ்கிறேன்
அகன்ற அகன்ற அகண்டாகார வானமும்
இந்த துளி மண்ணும்
அருகோடும் தொலைவோடும்
என்னைப் பிணைக்கின்றன.
–
துளிக்கு ஒவ்வொன்றாய்த் தெளிக்கும்
மழையும்,
காற்றும்,
என்னிடம் வந்து என்னவெல்லாமோ சொல்கின்றன
எல்லாம் சொல்கின்றன
–
———————————————-
வாஸ்கி
தமிழில் அ.சீ.ரா

by **ayyasamy ram** Fri Sep 18, 2015 7:57 pm

by **Dr.S.Soundarapandian** Mon Sep 11, 2017 8:06 pm

by Sponsored content

மரம் – (கவிதை) -வாஸ்கி (தமிழில் அ.சீ.ரா) –

மரம் – (கவிதை) -வாஸ்கி (தமிழில் அ.சீ.ரா) –

Re: மரம் – (கவிதை) -வாஸ்கி (தமிழில் அ.சீ.ரா) –

Re: மரம் – (கவிதை) -வாஸ்கி (தமிழில் அ.சீ.ரா) –

Re: மரம் – (கவிதை) -வாஸ்கி (தமிழில் அ.சீ.ரா) –