அரசு விடுதி

by சசி Fri Sep 18, 2015 4:27 pm

செழிப்பான செடியாய்
வளர வேண்டிய
மாணவச்செல்வங்கள்

காய்ந்த சருகாய்
காட்சியளிக்கிறார்கள்!!

அன்பில்லாத விடுதி
காப்பாளர்

ஆரோக்கியமில்லாத
உணவு

அழுக்கு உடைகள்
சோகம் தோய்ந்த முகம்

வறுமையின் கொடுமை
தாங்க முடியாமல்
விடுதி வந்து சேர்ந்தால்

விடுதியோ வறுமையை விட
கொடுமை

புழு கொண்ட அரிசியில்
வெந்த சாதம்
மர்ம புன்னகையொடு

மனம் கோணாமல் சாப்பிட்டு
மனசு நிறையவில்லை

என்றாலும்
வயிறு நிறைகிறதே என்று
வளர்கிறார்கள்!

ஆரோக்கியத்தையும்
அறிவையும் தர வேண்டியவர்கள்

அபகரிக்க நினைத்ததன்
விளைவு இது

மனம் இருந்தால்
மாற்றலாம்!

by **M.Jagadeesan** Fri Sep 18, 2015 5:53 pm

அரசு விடுதியின் அவலங்களைத் தோலுரித்துக் காட்டிய கவிதை !

by சசி Fri Sep 18, 2015 5:54 pm

ஆமாம் ஐயா, மனது கனத்து விட்டது.

by **M.Jagadeesan** Fri Sep 18, 2015 6:24 pm

இதேபோல அரசுபேருந்தின் அவலங்களையும் தோலுரித்துக் காட்டுங்கள் !

by **ayyasamy ram** Fri Sep 18, 2015 6:48 pm

விழிப்புணர்ச்சி உள்ள மாணவர்கள் இருக்கத்தான்
செய்கிறார்கள்..
-
விடுதியில் குறைகள் இருந்தால், கோட்ட அளவிலான
சம்பந்தப்பட்ட அதிகாரிகளுக்கு தெரிவிக்கலாம்...
அப்படியும் நிவாரணம் கிடைக்கவில்லை என்றால்
மாவட்ட அளவிலான அதிகாரிகளிடம் தெரிவிக்கலாம்...
-
உடனே நடவடிக்கை எடுப்பார்கள்...
-

by சசி Fri Sep 18, 2015 8:02 pm

ராம் ஐயா நீங்கள் சொல்வது கல்லூரி மாணவர்கள் போராட்டம் நடத்தி தேவையானவையை பெற்று கொள்வார்கள். இன்று நான் பள்ளி விடுதியில் கண்டவற்றை பதிவு செய்தேன்.

by **T.N.Balasubramanian** Fri Sep 18, 2015 8:06 pm

நல்ல கவிதை ,சசி .

ரமணியன்

by சிவனாசான் Fri Sep 18, 2015 8:10 pm

மாவட்ட ஆட்சியருக்கு புகார் மனு அனுப்புங்கள் நடவடிக்கையை உடன் எடுப்பார்கள். @ கூட்டாக அனுப்பினால் மேலும் நலம் பயக்கும்..... தேவி.

by **krishnaamma** Fri Sep 18, 2015 8:11 pm

ayyasamy ram wrote:விழிப்புணர்ச்சி உள்ள மாணவர்கள் இருக்கத்தான்
செய்கிறார்கள்..
-
விடுதியில் குறைகள் இருந்தால், கோட்ட அளவிலான
சம்பந்தப்பட்ட அதிகாரிகளுக்கு தெரிவிக்கலாம்...
அப்படியும் நிவாரணம் கிடைக்கவில்லை என்றால்
மாவட்ட அளவிலான அதிகாரிகளிடம் தெரிவிக்கலாம்...
-
உடனே நடவடிக்கை எடுப்பார்கள்...
-

இதெல்லாம் சொல்வதற்கு நல்லா இருக்கும் ராம் அண்ணா, நடைமுறை இல் ரொம்ப கஷ்டம் சோகம்